Bahebelu 10:11 - KNTP

¹¹ Kabiji bang'anga bonse bemana pa juba, pa juba kasa bengila na kulambula javula bitapisho bimo byonka byabula kukonsha kufumya bubi nangwa pachechetu ne.

Bahebelu 10:11 Iomraidhean Croise

Bahebelu 10:1

Mambo Mizhilo byo iji na kimvule kya bintu byawama bikeya; kechi kine kipasha kya byobya bine bintu ne, kechi yakonsha kwibalumbulula nangwa pachechetu aba bafwenya kwipi na byonkabyo bitapisho, byo balambula moba onse pa mwaka pa mwaka ne.

Bahebelu 10:4

Mambo kechi kyakonsheka amba mashi a bang'ombe balume ne a bambuzhi afumye bundengamambo ne.

Bahebelu 5:1

Mambo yense ng'anga mukatampe byo apatulwa mu bantu watongwelwa kwimenako bantu mu bintu bya kwa Lesa, amba alambule bya bupe ne bitapisho bya bubi.

Bahebelu 7:27

Aye kechi kyamufwainwa kulambula bitapisho pa juba pa juba, patanshi kya na mambo a bubi bwanji mwine, kabiji ne na mambo a bubi bwa bantu pamo nobe aba bang'anga bakatampe bakwabo ne. Mambo kino wikyubile jimotu kwapwa, byo elambwile mwine.

Bahebelu 8:2

Wamwingilo wa mu nzubo yazhila, mutente wa kine, ye apopele Nkambo, kechi muntu ne.

Bahebelu 8:4

Pano umvwe wajinga pano pantanda, aye inge kechi waikala ke ng'anga ne, mambo po baji bang'anga balambula bya bupe mwayila muzhilo.