Bahebelu 1:3 - KNTP

³ Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 1:3 Iomraidhean Croise

Mateo 22:24

Ne abo bamwipwizhe amba, “Mufunjishi, Mosesa wa ambile amba, kana muntu wafwa, ne kushapo baana ne, mulongo wanji amuswane mukazhanji, asemenemo mwana wa mulongo wanji.

Mako 16:19

Byo apwishishe Nkambo Yesu kwamba naabo, watwajilwe mwiulu ne kwikala waikajile ku kilujo kya Lesa.

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 1:29

Byo bwakiile lukelo Yoano wamwene Yesu kasa eya ko aji, kabiji wa ambile amba, “Talai, Mwana Mukooko wa Lesa, ye ufumya bundengamambo bwa ba pano pantanda!

Yoano 1:4

Mwi aye mwajinga bumi, ne abwa bumi bwajinga Kyeya kya bantu.

Byubilo 2:33

Byonkabyo byo atumbijikilwe ku kilujo kya Lesa, ne kutambula kwi Shanji kyo alayile kya Mupashi Wazhila, aye waitulula uno. Byonka byo mwamona ne kumvwa.

Byubilo 7:56

Wa ambile amba, “Talai, namona jiulu jashinkuka, ne Mwana Muntu kasa aimana ku kilujo kya Lesa.”

Loma 1:16

Mambo amiwa kechi neobila bumvu Mambo Awama ne; mambo bo bulume bwa Lesa buleta lupulukilo ku bonse baitabila, kutatwila ku Bayudea kabiji ne ku Bagiliki nabo pamo.

Loma 8:34

Ing'anyi uzhachisha? Ye Kilishitu Yesu wafwile, kabiji ye wasangwilwe mu bafu, ye waikala ku kilujo kya Lesa, na kwitulombelela.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

Kolose 3:1

Byo mwasangwilwe pamo ne Kilishitu, kebai biji mwiulu, monka muji Kilishitu kasa aikala ku kilujo kya Lesa.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Bahebelu 1:13

Lesa kechi wa ambilepo nangwa ku umo malaika wanji amba, “Ikala ku kilujo kyami poso ngalule balwanyi bobe ke kyakutulapo maulu obe”

Bahebelu 10:12

Bino Kilishitu byo alambwile kitapisho kimo kyonka kya bubi kya myaka, waikajile ku kilujo kya Lesa.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Bahebelu 4:14

Byo tuji na Ng'anga mwine mukatampe watwelele mwiulu, Yesu Mwana Lesa, tukwachishetu ku kwitabila kwetu.

Bahebelu 7:27

Aye kechi kyamufwainwa kulambula bitapisho pa juba pa juba, patanshi kya na mambo a bubi bwanji mwine, kabiji ne na mambo a bubi bwa bantu pamo nobe aba bang'anga bakatampe bakwabo ne. Mambo kino wikyubile jimotu kwapwa, byo elambwile mwine.

Bahebelu 8:1

Kine kintu kikatampe kyo tubena kwamba kyo kino amba atweba tuji na Ng'anga Mukatampe, umo waikala ku kilujo kya jitanda ja Mfumu wa mwiulu.

Bahebelu 9:16

Mambo mwayila mulaye wa muntu wafwa, lufu lwa yewa wamulayile lwafwainwa kuyukanyikwa ku bonse.

Bahebelu 9:26

inge byo byo, kyamufwainwe amba amaname javula kufuma ku ntendekelo ya pano pantanda. Pakuba pano byo kiji bino, kuno kumpelo ya myaka aye wamweka jimo jonka na kufumya bundengamambo na kitapisho kya kwitapisha aye mwine.

1 Petelo 1:21

Mwaitabila Lesa kupichila mwi aye, ye basangwile mu bafu ne kumupa lukumo, amba lwitabilo lwenu ne luketekelo lwenu lwikale mwi Lesa.

1 Petelo 3:22

Aye waya mwiulu, kabiji uji ku kilujo kya Lesa, ne bamalaika ne ba luusa, ne ba bulume kasa bamunekenena.

2 Petelo 1:16

Mambo atweba byo twimubujile mambo a bulume ne kwiya kwa Nkambo yetu Yesu Kilishitu, kechi twalondejile bishimi byo bashimikile bantu mu kujimuka kwabo ne, bino atweba bene twi batumonyi ba kumona na meso lukumo lwanji lukatampe.

2 Petelo 1:17

Mambo aye watambwile kwi Lesa Shanji, buneme ne lukumo, byo jaishile kwi aye jiwi jafumine ku alwa lukumo lukatampe lwakila, ja byonka bino amba, “Uno ye Mwanami ye natemwa, mo namwena lusekelo!”

1 Yoano 1:7

Pakuba umvwe twenda mu kyeya byonka byo aji Aye mu kyeya, tuji mu lumvwang'ano atweba bene na bene, ne mashi a Yesu Mwananji etutokesha ku bundengamambo bonse.

1 Yoano 3:5

Kabiji anweba mwayuka amba aye wamwekele amba afumye bubi kabiji amba mwi aye kechi muji bubi ne.

Yuda 1:25

Kwi aye Lesa umotu yenka, Mupulushi wetu, monka mwi aye Yesu Kilishitu Nkambo yetu kwikale lukumo, ne buneme, ne ngovu, ne luusa, kunyuma ya myaka yonse ya kala, ne pano, ne ku myaka yonse ikeyako. Amena.

Lumwekesho 3:21

Aye ushinda, amiwa nkamupa namba ekale ne amiwa pa jitanda jami, byonka byo nashinjile ne amiwa, ne kwikala naikala ne Bataata ponka pa jitanda jabo.

Lumwekesho 4:11

“Mwafwainwa anweba Nkambo yetu Lesa wetu, kutambula lukumo, ne buneme, ne bulume. Mambo anweba yenu mwalengele byonse, kabiji na mambo onka a kyaswa muchima wenu obyaikajile, obyalengejilwe.”