2 Timoti 3:3 - KNTP

³ babula muchima wa bumuntu, babula kupwang'ana, ba kubepela bakwabo, ba kubula kwilama, bashinta, babula kutemwa byawama,

2 Timoti 3:3 Iomraidhean Croise

Mateo 10:21

“Mambo muntu ukafikizha mulongo wanji ku lufu; ne shanji naye ukasolola mwananji; ne baana nabo bakebabuukila bebasema ne kwibepayisha.

Mateo 4:1

Ponkapo Mupashi wamutwajile Yesu mungye amba bamweseke kwi Diabola.

Luka 10:16

“Aye wimumvwa anweba waumvwa amiwa, ne aye wimukana anweba wakana ne amiwa, ne aye wankana amiwa wakana ne wantumine.”

Luka 16:14

Bafaliseo batemwa mali, byo baumvwine bino bintu byonse, abo bamwendelekele.

Yoano 6:70

Yesu wibambijile amba, “Nanchi, kechi nemusalulwile anweba jikumi na babiji nenyi? Pakuba umo wa mwi anweba ye mulwanyi.”

Loma 1:29

Kasa bayula na bumbulwa koloka bonse, ne bubi, ne lunkumbwa, ne nshiji, ne kuyula na kikonkoma, ne bumbanzhi, ne lutoobo, ne bujimbijimbi, ne bulwanyi, bo ba miyebe,

Loma 1:31

ne babula maana, ne babula kulama milaye yabo, ne babula muchima wa bumuntu, ne babula kuuba lusa.

1 Kolinda 7:5

Kechi mwitane anweba bene na bene ne, poso mwaumvwang'ana kimye kimo amba mwipane mu milombelo; kabiji mukasambakane jibiji kuchiina amba, Satana wakemweseka mambo a kubula kwikanya kwenu.

1 Kolinda 7:9

Bino umvwe babula mwakwikainya, bekale mu masongola, mambo kwikala mu masongola kwawama kukila kupya muchima.

Tesalonika 4:8

Onkao mambo aye ulengulula kechi ulengulula muntu ne, ulengulula Lesa yenka aye wimupa Mupashi wanji wazhila.

1 Timoti 3:11

Banabakazhi nabo pamo, bekale bashing'ama kechi bababang'ana ne, belama bulongo, bakishinka mu bintu byonse,

Titusa 1:8

Kana watemwa kutambwila benyi, watemwa byawama, watekanya, waoloka, wazhila, wikanya mu byonse.

Titusa 2:3

Ne banabakazhi bakulumpe nabo pamo, wibambile bekale byafwainwa bazhijikwa, kechi babang'ana ne, nangwa banonkwa buzha ku binyu ne, bekale ba kufunjisha byawama,

Yakoba 2:6

Pakuba anweba mwamusuula muyanji! Banonshi kechi ibo bemukatazha ne kwimutwala ku bije nenyi?

2 Petelo 2:14

Baji na meso ayuula bukende, abula kutondwa kulenga mambo. Bakokola ba michima yanekena, baji na michima yaubisha lunkumbwa, bo baana bafingwa.

2 Petelo 2:19

Kasa bebalaya amba, mukekala ke baana ba bene, abo bene kasa baji bazha ba bubole. Mambo konka koashindwa muntu ko konka koekala buzha.

2 Petelo 3:3

Patanshi kasa muyuka kino amba, mu moba akapelaako ba mwenga bakeya na myendeleko, kasa balondela bya lwiso lwabo

Yuda 1:16

Bano bo bantu banyinyita, ne kutamauka, kasa balondela monka mu bya lwiso lwabo, ne tunwa twabo kasa twamba byambo bikatampe bya kwitota, ne kwamba bya mulambisha ku bantu amba bamwenemo.

Yuda 1:18

Byo bemwambijile amba, “Mu moba akapelaako kukekala ba mwenga, kasa balonda monka mu bya lwiso lwabo bya kubula kwakamwa Lesa.”

Lumwekesho 13:15

Kabiji bamuswishishe awa lukinyama kwikipa muuya, akya kipashang'ano kya lukinyama, amba, kipashang'ano kya lukinyama kyambenga, kabiji amba, bonse mobavujila babula kupopwela akya kipashang'ano kya lukinyama bepaiwe.

Lumwekesho 13:17

Amba kafwako muntu nangwa umo wakonsha kupota nangwa kupotesha ne, poso bonka baji na kayukilo, jo jizhina ja yewa lukinyama, nangwa nambala ya jizhina janji.

Lumwekesho 16:6

Mambo abo baichijile mashi a bazhijikwa benu ne bangauzhi benu, ne anweba pano mwibapa mashi amba batome. Kyo kibafwainwa!”

Lumwekesho 17:6

Kabiji namwene awa mwanamukazhi kasa apendwa na mashi a bazhijikwa, ne mashi a batumonyi ba Yesu. Kabiji pa kumumona nakuminye na kukumya kukatampe.