2 Timoti 1:1 - KNTP

¹ Paulo, mutumwa wa Kilishitu Yesu, monka mwaswila muchima wa Lesa, mwayila mulaye wa bobwa bumi bwa mwi Kilishitu Yesu.

2 Timoti 1:1 Iomraidhean Croise

Yoano 10:28

Ne amiwa neipa bumi bwa myaka, ne ayo kechi ikonaike myaka yonse nangwa pachechetu ne. Kabiji kafwako nangwa umo ukeinsompola mu kuboko kwami ne.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Yoano 5:24

“Kine, kine nemwambila namba, aye waumvwa mambo ami, ne kumwitabila aye wantuma uji na bumi bwa myaka, kechi ukeya mukije ne, pakuba mu lufu wafumamo, wapitaila ku bumi.

Yoano 6:40

Pakuba kino kyo kyaswa muchima wa bataata amba, bonse bamumona Mwana ne kumwitabila, bekale na bumi bwa myaka, kabiji ne amiwa nkebasangula mu juba jikapelaako.”

Yoano 6:54

Awa uja ku mubiji wami, ne kutoma mashi ami, ye uji na bumi bwa myaka, ne amiwa nkamusangula mu juba jikapelaako.

Loma 1:1

Paulo, kalume wa Yesu Kilishitu, waitwa amba ekale mutumwa wapatwilwa Mambo Awama a Lesa.

Loma 5:21

Amba, bundengamambo, byonka byo bwaikajile mu bufumu bwa lufu, byonkabyo ne bupe nabo, bwikale mu bufumu mu kupana bololoke buleeta bumi bwa myaka mwi Yesu Kilishitu Nkambo yetu.

Loma 6:23

Mambo mfweto ya bundengamambo lo lufu, pakuba kya bupe kyo a panatu Lesa bo bumi bwa myaka mwi Kilishitu Yesu Nkambo yetu.

1 Kolinda 1:1

Paulo, waichilwe monka mu kyaswa muchima wa Lesa amba ekale mutumwa wa Kilishitu Yesu, pamo ne mulongo wetu Sositenesa.

2 kolinda 1:1

Paulo, mutumwa wa Kilishitu Yesu, monka mwaswila muchima wa Lesa, ne Timoti mulongo wetu. Ku kipwilo kya Lesa kiji mu Kolinda, ne ku bazhijikwa bonse baji mu Akaya monse.

2 kolinda 1:20

Mambo milaye ya Lesa, yonse yaikajikwa mwi aye. Onkao mambo mwi aye momo twambila namba, “Amena” mu kumuletela lukumo aye Lesa.

Ngalatiya 3:26

Mambo anweba bonse pano mwi baana ba Lesa monka mu lwitabilo lwa mwi Kilishitu Yesu.

Ngalatiya 3:28

Pano kechi kuji mu Yudea nangwa mugiliki ne. Kechi kuji muzha nangwa mwana bene ne, kechi kuji mwanamulume nangwa mwanamukazhi ne. Mambo bonse mwiumo mwi Kilishitu Yesu.

Efisesa 3:6

Amba Bangentila bo banswanyi pamo ne atweba, bo bamu mubiji umo ne atweba, bo ba kutambula mulaye pamo ne atweba mwi Kilishitu Yesu kupichila mu Mambo Awama.

1 Timoti 6:19

Ne kwitujila jimo kitendekesho kyawama kya bunonshi kya mu myaka ikeya, namba bakwachishe ku, bonkabwa bumi bwa kine.

2 Timoti 1:10

pakuba pano bwasolokela mu kumweka kwa Mupulushi wetu Kilishitu Yesu, yenka wavulang'enye lufu, ne kwibusolola patoka bumi ne bumbulwa kufwa mu Mambo Awama.

2 Timoti 1:13

Kwachisha kuyewa musango wa byambo byalumbuluka, byo wa umvwine kwi amiwa monka mu lwitabilo ne mu butemwe buji mwi Kilishitu Yesu.

2 Timoti 1:9

Yenkaye witupulusha, ne kwitwiita na lwito lwazhila, kechi mwayila mingilo yetu ne, poso mwayila kufuukula kwanji ne bupe bwanji, boetupele mwi Kilishitu Yesu, myaka ya kala keene kasa ikyangye kufika,

2 Timoti 2:1

Byonkabyo obewa mwanami, ukose mu bupe buji mwi Kilishitu Yesu.

2 Timoti 2:10

Onkao mambo o nebikosela byonse pa mambo a basalululwa, namba ne abo nabo batambule lupulukilo luji mwi Kilishitu Yesu ne lukumo lwa myaka pamo.

2 Timoti 2:3

Obewa manama pamo ne amiwa, byo kyafwainwa mushilikale wawama wa kwa Kilishitu Yesu.

2 Timoti 3:15

ne byo wayukile kufuma ne ku bwanyike bobe binembelo byazhila byakonsha kukupa maana a kumona lupulukilo lwa mu lwitabilo luji mwi Kilishitu Yesu.

Titusa 1:2

mu luketekelo lwa bumi bwa myaka, boalayile Lesa ubula kubepa, ntendekelo ya myaka kasa ikyangye kwikalako,

Titusa 1:4

Kwi Titusa, mwanami wa kine wa mu lwitabilo lumo ne amiwa. Bupe ne mutende, bifuma kwi Lesa Taata ne kwi Kilishitu Yesu Mupulushi wetu, bikale ne obewa.

Bahebelu 9:15

Onkao mambo aye ye ng'ambi waleeta lulayang'ano lupya amba, abo baitwa batambule bonkabwa buswanyi bwa myaka bwalayilwe. Mambo lufu lwamweka lwa kwibakuula ku mizhilulwila yo bazhilulwile mu lulayang'ano lutanshi.

1 Yoano 2:25

Kabiji uno ye mulaye ye etulayile, bo bumi bwa myaka ne myaka.