1 Yoano 1:7 - KNTP

⁷ Pakuba umvwe twenda mu kyeya byonka byo aji Aye mu kyeya, tuji mu lumvwang'ano atweba bene na bene, ne mashi a Yesu Mwananji etutokesha ku bundengamambo bonse.

1 Yoano 1:7 Iomraidhean Croise

Mateo 6:12

Ne kwitulekelako mambo etu, byonka byo twibalekela betulenga mambo.

Yoano 1:29

Byo bwakiile lukelo Yoano wamwene Yesu kasa eya ko aji, kabiji wa ambile amba, “Talai, Mwana Mukooko wa Lesa, ye ufumya bundengamambo bwa ba pano pantanda!

Yoano 12:35

Yesu wibakumbwile amba, “Muji na kyeya pa kakimye kacheche. Endai byo mukiji na kyeya, mwakeya kwijilwa na mfishi, mambo awa wenda mu mfishi kechi uyuuka ne ko aya ne.

Yoano 5:4

Mambo malaika wa Nkambo, moba amo waikijilenga mu kizhiba na kutenkenya mema. Kabiji awa mutanshi waikijilemo pa kutenkena mema waikajile ke mutuntulu ku kikola kyanji kyo aji nakyo, nangwa kya byepi, nangwa kya byepi.

Loma 13:12

Bufuku bwapita kala; ke buye na kukya. Nanchi tuvuule mingilo ya mu mfishi ne kuvwala bya nkondo bya mute.

1 Kolinda 6:11

Ne anweba bamo byobyo mwajinga, bino pano bemovwa, bemuzhijika ne kwimubingisha monka mu jizhina ja Nkambo Yesu Kilishitu, ne na Mupashi wa Lesa wetu.

Efisesa 1:7

Mwi Kilishitu mo muji bukuuzhi bwetu bwa mu mashi anji, lo lulekelo lwa mizhilulwila yetu, monka mwayila bunonshi bwa bupe bwanji,

Efisesa 5:8

Mambo kala mwajinga mfishi, pakuba pano mwi kyeya mwi Nkambo. Endainga mwafwainwa baana ba kyeya,

1 Timoti 6:16

Ye yenka ubula kufwa, waikala mu kyeya kya kubula kukonsha kufikako. Ye babula kumona ku muntu nangwa umo ne; nangwa kukonsha kumumona ne. Kwi aye kwikale buneme ne bulume bwa myaka. Amena.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Bahebelu 9:14

Nanchi mashi a Kilishitu yenka wilambwile mwine kwi Lesa mu Mupashi wa myaka kasa abula bulema akakijishamo kwiitokesha michima yetu ku mingilo ifu amba tumwingijile Lesa mumi.

Yakoba 1:17

Bya bupe byonse byawama ne bya bupe byonse byalumbuluka bifuma mwiulu; kasa biikila panshi kufuma kwi Taata wa byeya, ye ubula kwaluka nangwa kuuba kimvule pa kwaluluka.

1 Petelo 1:19

poso na mashi aneema, nobe a mwana mukooko wabula bulema nangwa kiko kicheche ne, o mashi a Kilishitu.

1 Yoano 1:3

Akya kyo twamwene ne kumvwa, twimubuula ne anweba, namba mwikale pamo ne atweba mu lumvwang'ano lotuji naalo ne Taata ne Mwananji Yesu Kilishitu.

1 Yoano 1:5

Kabiji ano o mambo o twaumvwa kwi aye ne kwimubuula anweba, namba Lesa ye kyeya, ne mwi aye kechi muji mfishi nangwa pachechetu ne.

1 Yoano 5:6

Yesu Kilishitu ye waishile na mema ne na mashi. Kechi na mema onka ne kana na mema ne na mashi. Kabiji ne Mupashi naye ushimuna, mambo Mupashi ye bukine.

1 Yoano 5:8

aye Mupashi, ne mema, ne mashi, ne bino bisatu byayila mumo.

2 Yoano 1:4

Amiwa nasekejile bingi byo nataaine baana benu bamo kasa benda mu bukine, byonka byoetukambizhizhe aye Taata.

3 Yoano 1:4

Nji na lusekelo lukatampe, pakumvwa amba baana bami baikala mu bukine.

Lumwekesho 1:5

kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,

Lumwekesho 12:11

Kabiji bamushinjile na mambo a mashi a Mwana Mukooko, ne na mambo a byambo bya kushimuna kwabo, kabiji kechi batemenwe myeo yabo amba twakafwa ne.

Lumwekesho 7:14

Amiwa namukumbwile namba, “Nkambo, anweba mwayuka.” Ne aye wang'ambijile amba, “Bano bo boba bafuma mu oa malwa akatampe, ne kovwa baovwa bivwalo byabo, ne kwibitokesha mu mashi a Mwana Mukooko.