1 Yoano 1:3 - KNTP

³ Akya kyo twamwene ne kumvwa, twimubuula ne anweba, namba mwikale pamo ne atweba mu lumvwang'ano lotuji naalo ne Taata ne Mwananji Yesu Kilishitu.

1 Yoano 1:3 Iomraidhean Croise

Yoano 17:11

Pakuba pano kechi nkiji pano pantanda ne, pakuba bano bo baji pano pantanda, kabiji amiwa mbena kwiya kwenu. Taata Wazhila! Mwibalame mu jizhina jenu jo mwampele, bekale ke umo, byonka byo tuji atweba.

Yoano 17:21

Namba bonse bekale ke umo. Taata! Byo muji mwi amiwa ne amiwa mwi anweba, byonkabyo ne abo nabo bekale mwi atweba, namba ba pano pantanda betabile amba, anweba yenu mwantumine.

Yoano 17:25

Anweba Taata waoloka! Ba pano pantanda kechi bemuyuka ne, pakuba amiwa nemuyuka, ne bano bayuka amba mwantumine.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Yoano 19:35

(Kino wikishimuna aye wikimwene, ne kushimuna kwanji ko kwa kine. Kabiji ne aye wayuka amba, abya byo mbena kwamba byo bya kine, amba ne anweba mwitabile.)

Byubilo 13:32

Kabiji atweba twimuletela anweba Mambo Awama amba, abya bintu byo alayile Lesa ku bashakulu betu,

Byubilo 13:41

“Monai, anweba bamilengulwila! Kumyai ne konaika! Mambo amiwa mbena kwingila mwingilo mu moba enu, mwingilo ye mukabula kwitaba, nangwa umo ukemubulaye!”

Byubilo 2:42

Kabiji bakosejiletu mu mafunjisho a batumwa ne mu lumvwang'ano, ne mu kutebaula shinkwa ne mu milombelo.

Byubilo 20:27

Mambo kechi nachiine kwimubula monse mwasakila Lesa ne.

Byubilo 4:20

Mambo atweba kechi twakonsha kuleka kwamba bintu byotwamwene ne byo twaumvwine ne.”

Loma 15:27

Kibatokela ku muchima; mambo kine baji na bikoloto kwi abo. Mambo umvwe Bangentila bashilang'ana naabo pamo mu bya ku mupashi, kabiji mo monka mo kibafwainwa nabo kwibakwasha mu bya ku mubiji.

1 Kolinda 1:30

Mambo aye ye wimwikazha monka mwi Kilishitu Yesu, ye aalwile Lesa amba ekale ke maana etu, ne bololoke bwetu, ne kuzhijikwa kwetu, ne bukuuzhi bwetu.

1 Kolinda 1:9

Lesa ye wakishinka, kabiji moka mwi aye mo mwaichilwe mu lumvwang'ano lwa Mwananji Yesu Kilishitu Nkambo yetu.

1 Kolinda 15:1

Anweba bakwetu, pano nasaka kwimuvulula Mambo Awama o nemusapwijile, o mwatambwile, kabiji o emwimika ne kwimukosesha.

2 kolinda 13:14

Bupe bwa Nkambo Yesu Kilishitu, ne butemwe bwa Lesa, ne lumvwang'ano lwa Mupashi wa Lesa Wazhila, bikale ne anweba bonse.

Efisesa 3:6

Amba Bangentila bo banswanyi pamo ne atweba, bo bamu mubiji umo ne atweba, bo ba kutambula mulaye pamo ne atweba mwi Kilishitu Yesu kupichila mu Mambo Awama.

Filipai 1:7

Kyawama kwi mulanguluka byonka bino. Mambo nemulama mu muchima wami, anweba bonse mwaingijile pamo ne amiwa mu bupe, ne mu mfungwa yami, ne mu kwialwila Mambo Awama, ne mu kwiekajika.

Filipai 2:1

Pakuba kana muji lutundaiko mwi Kilishitu, kana muji lutekenesho lwa butemwe, kana muji lumvwang'ano lwa Mupashi, kana muji bumuchima wanekena ne bya lusa,

Filipai 3:10

Namba namuyuke kabiji ngyuke ne bulume bwa lusanguko lwanji, ne lumvwang'ano lwa mu bya kumanama kwanji, namba ngikale na lufu lwapashang'ana na lufu lwanji,

Kolose 1:13

Aye witupokolwele mu luusa lwa mfishi ne kwitutuntulwila mu bufumu bwa Mwananji yeatemwisha,

Tesalonika 1:10

ne kutengela Mwananji kufuma mwiulu, ye asangwile mu bafu, yenka Yesu ye witupokolola ku bukaji bukeya.

1 Timoti 6:2

Abo baji na bankambo yabo baitabila, kechi bebasuule mambo a kuuba amba, bo balongo betu ne; kana kwibengijila kyakila, mambo a kuuba amba, abo bamwenamo byawama mu mingilo yabo baitabila, kabiji bo batemwe. Funjisha bino bintu ne kwibitundaika.

Bahebelu 2:12

Amba, “Nkasolola jizhina jenu ku balongo bami; Nkemwimbila ya kwimutota mu kipwilo.”

Bahebelu 3:1

Onkao mambo, anweba bakwetu bazhijikwa, bakutambulako pamo ku lwito lwa mwiulu kwi Lesa! Mulangulukai Yesu, aye mutumwa ne ng'anga mukatampe wa lwitabilo lo twaitabila.

Bahebelu 3:14

Mambo atweba twaikala ke ba kushilang'ana nanji pamo Kilishitu, umvwve twalama bulongo ntendekelo ya luketekelo lwetu kasa twakoselamo kufika ne kumpelo.

1 Petelo 5:1

Byonkabyo bakulumpe baji mwenu ne batundaika amiwa mukulumpe mukwabo, kamonyi wa bya kumanama bya Kilishitu, ne wa kushilang'ana nanji lukumo lukamweka.

2 Petelo 1:16

Mambo atweba byo twimubujile mambo a bulume ne kwiya kwa Nkambo yetu Yesu Kilishitu, kechi twalondejile bishimi byo bashimikile bantu mu kujimuka kwabo ne, bino atweba bene twi batumonyi ba kumona na meso lukumo lwanji lukatampe.

1 Yoano 1:1

Akya kyajinga mu ntendekelo, kyo twaumvwine, kyo twamwene na meso etu, kyo twatajishishe, ne kukwatako na maboko etu, kya Mambo a bumi.

1 Yoano 1:5

Kabiji ano o mambo o twaumvwa kwi aye ne kwimubuula anweba, namba Lesa ye kyeya, ne mwi aye kechi muji mfishi nangwa pachechetu ne.

1 Yoano 1:7

Pakuba umvwe twenda mu kyeya byonka byo aji Aye mu kyeya, tuji mu lumvwang'ano atweba bene na bene, ne mashi a Yesu Mwananji etutokesha ku bundengamambo bonse.