1 Timoti 6:4 - KNTP

⁴ wilundumika, ne kuyukapo kintu nangwa kimo ne. Kabiji usakishatu bya kwipuzhaipuzha ne bya kupachika na byambo, ko kufuma bikonkoma, ne lutobo, ne kayebe, ne milanguluko ibi,

1 Timoti 6:4 Iomraidhean Croise

Byubilo 15:2

Kabiji ba Paulo ne Banabasa byo bapachikilenga naabo ne kwiipuzha javula, bebatongwele ba Paulo ne Banabasa, ne bakwabo bamo, amba baye ku Yelusalema ku batumwa ne bakulumpe na ano mambo.

Byubilo 18:15

Pakuba byo aji mepuzho a byambo ne a mazhina ne a mizhilo yenu, apwishai anweba bene; amiwa kechi naswa kwimuchibilao ne!”

Byubilo 8:9

Bino kwajinga muntu umo jizhina janji Shimona, ye waubilenga bingelekezha kala mu yewa muzhi kabiji walengeshe bena Samaliya kukumya, kasa etumbijika amba yami mukatampe,

Loma 12:16

Ikalai na muchima umo anweba bene na bene. Kechi muteshe michima yenu ku bya kwitumbijika ne, swai kutambula mingilo yasulwa. Kechi mwilanguluke anweba bene amba mwi bamaana ne.

Loma 13:13

Twendenga bulongotu nobe mu mute, kechi mu kiwowo ne mu kupendwa ne, nangwa mu bya bulalelale ne bya bunya ne, kechi mu lutoobo ne mu kichima ne.

Loma 14:1

Kabiji awa wanekena mu lwitabilo mutambulai, kechi na mambo a kulengulula moalangulukila ne.

Loma 2:8

Pakuba aba boba mwayila bisaka michima yabo abo bene ne balengulula bya bukine, ne kukookela bya bumbulwa koloka, kukekala bukaji ne lukabisho.

1 Kolinda 11:16

Kabiji umvwe muntu wasaka mapata pa ano mambo, atweba pamo ne bipwilo bya Lesa kechi tuji na kisela kya byonkabyo ne.

1 Kolinda 11:18

Mambo kitanshi naumvwa amba, byo mupwila mu kipwilo muji mapata mwi anweba, kino ne amiwa nekiitaba pacheche.

1 Kolinda 3:18

Kabiji muntu nangwa umo kechi ejimbaike mwine ne. Umvwe muntu wa mwi anweba walanguluka amba, ye wa maana a pano pantanda, ekale nobe ke wabula maana, pakuba amba, akekale na maana a kine.

1 Kolinda 3:3

mambo mukiji mu bwikalo bwa buntunshi. Mambo byo mukiji na kichima ne lutobo mukachi kenu, nanchi kino kechi kyamwesha amba mukiji mu bwikalo bwa buntunshi nenyi? Kechi mubena kuba monka mwendela bantu babula kwitabila nenyi?

2 kolinda 11:20

Mambo anweba mwamutekenya muntu, nangwa wimuleeta mu buzha, nangwa wimuja, nangwa wimunyanchijila, nangwa witumbijika mwine, nangwa wimupuma pa kilungi!

Ngalatiya 5:15

Pakuba umvwe mubena kwikozha ne kwiuba byatama, jimukai kuchiina amba mwakeonauna anweba bene na bene.

Ngalatiya 5:26

Kechi twikale ba bwitote bwatu, nangwa kwiteteka ne kwiumvwina kichima atweba bene na bene ne.

Ngalatiya 6:3

Mambo umvwe muntu wilanguluka mwine amba ne wafwainwa kasa aji watu, wijimbaika mwine.

Filipai 1:15

Kine bamo basapwila Kilishitu mambo a kichima ne lupato, bino bakwabo na muchima wawama.

Filipai 2:14

Ubai byonse kwakubula kwipachika nangwa kwijizhang'anya,

Filipai 2:3

Kechi mube kintu nangwa kimo mu kwilanguluka anwe bene nangwa mu kwitota kwatu ne, poso na muchima wipelula kasa mulanguluka bonse, pa muntu pa muntu amba, mukwetu wankila mu kuwama.

Kolose 2:18

Kechi muleke muntu emulengeshe kubulwa mpasela ne, na mambo a kwipelula kwanji ne kupopwela bamalaika. Kasa akoselapotu pa bimwesho byo amwene, ne kwilundumika na muchima wanji wa buntunshi

2 Tesalonika 2:4

Ye wimeena byonse ne kwitumbijika mwine kukila byonse bitelwa bu lesa nangwa bipopwelwa. Kabiji ukekala mu nzubo ya Lesa kasa emweesha amba, yami lesa.

1 Timoti 1:4

Nangwa kutaako muchima ku bishimi ne ku bya kulondolola bisemi bibula kupela ne, byo bileeta bya kwipuzhaipuzha, kechi bingila bukalama bwa Lesa bwa mu lwitabilo ne.

1 Timoti 1:7

Basaka kwikala bafunjishi ba Mizhilo, bino kechi bomvwa nangwatu byambo byobamba bene ne, nangwa kumvwa mwayila bintu byo basumininwa na kwamba ne.

1 Timoti 3:6

Kechi waitabila katataka ne, kuchiina amba wakelundumika ne kuponena mu luzhachisho lumo na Diabola.

2 Timoti 2:14

Wibavulule bino bintu, ne kwibakambizha ku meso a Nkambo amba, kechi bapachike lupata lwa byambo ne, mambo lo lwatu, kabiji lwibavulang'anya aba bebyumvwa.

2 Timoti 2:23

Pakuba mepuzho a kukosama, ne a bulubi wiakaane, byo wayuka amba, aleeta lutobo.

2 Timoti 3:4

bakamfutumfutu, ba lupata lwakuuba bibi, belundumika, batemwa bya lusangajiko, ne kutemwa Lesa ne;

Titusa 3:9

Bino chiina mepuzho a kukosama, ne bya kulondolola bisemi, ne mapata ne lutobo pa mambo a mizhilo, abya byo byatu bya kubula kumwenamo kintu.

Yakoba 1:19

Balongo bami batemwe, yukai kino! Byonkabyo bantu bonse bapelawizhe kumvwa, bino babande kwamba kabiji babande kuuba bukaji.

2 Petelo 2:12

Pakuba bano, nobe bilengwa byabula maana, byasemwatu bu nyama bya kukwata ne kwibyonauna, bamba bya mwenga pa byambo byo babula kuyuka, ne abo bakonaika pamo byonkabyo,

2 Petelo 2:18

Mambo, bamba byambo bikatampe byatu, bya kwitota, bebongola bantu babena kupuluka kuboba baji mu bwikalo bwa bulubi.

Yuda 1:10

Bino bano bebyambila mwenga bintu byonse byo babula kuyuka, kabiji ne abya byo bayukatu mu michima yabo abo bene, pamo nobe banyama babula maana, mu byonkabyo bintu mo baonaikila.

Yuda 1:16

Bano bo bantu banyinyita, ne kutamauka, kasa balondela monka mu bya lwiso lwabo, ne tunwa twabo kasa twamba byambo bikatampe bya kwitota, ne kwamba bya mulambisha ku bantu amba bamwenemo.

Lumwekesho 3:17

Mambo byo wa amba amba, ‘Amiwa ne munonshi, namona bya bunonshi byavula, kechi nakajilwa kintu nangwa kimo ne.’ Bino kechi wiyuka obewa mwine amba, wi wa mu malwa, wiulenga lusa, wi muyanji, wi mpofu, ne wa bwamba ne.