1 Timoti 5:8 - KNTP

⁸ Kabiji umvwe muntu wabula kwibamwena balongo banji byafwainwa, kine ne bamunzubo yanji mwine bobene, wilukaana kala lwitabilo, wakila wabula kwitabila mukutama.

1 Timoti 5:8 Iomraidhean Croise

Mateo 18:17

Kabiji umvwe wakana kwibomvwa, abya kabuule kipwilo, kabiji kana wakana kwikyumvwa kipwilo nakyo, muleke ekale ku meso obe pamotu na Mungentila ne musonkeshi.

Mateo 7:11

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana byawama kwi abo bamulomba nenyi?”

Yoano 15:22

Inge kechi naishile na kwibambila ne, inge kechi baji na mambo ne, pakuba pano kechi baji na mwa kwibingishisha ku mambo abo ne.

1 Kolinda 6:6

Balongo na balongo byo betwala ku kije, nakyo kije kya babula kwitabila?

2 kolinda 12:14

Talai, jino jo jabusatu jonji na muchima wa kwiya ko muji, kabiji kechi nkekala kisendwa kwi anweba ne, mambo kechi nkasaka bintu byenu ne, poso anweba bene. Mambo baana kechi bafwainwa kwibamwena bansemi ne, kana bansemi bo bafwainwa kwibamwena baana babo.

2 kolinda 6:15

Kabiji Kilishitu ne Beliala bapwane byepi? Nangwa waitabila etabanzhane byepi na wabula kwitabila?

Ngalatiya 6:10

Byonkabyo kabiji umvwe tuji na mwakuubila, twibobile bantu bonse byawama, pakuba bene bene bonka bakwetu ba mukisemi kya lwitabilo.

2 Timoti 2:12

Umvwe twakosela mu bya malwa, tukekala nanji mu bufumu pamo. Umvwe twamukana, ne aye naye usa kuketukana;

2 Timoti 3:5

kasa baji na kipashang'anotu kya muneema wa kunemeka Lesa, bino bulume bwa yeo muneema bebukana. Bano nabo wibavundamine.

Titusa 1:16

Abo bamba amba, Lesa twamuyuka, bino mu mingilo yabo bamukana, byo baji batamishatu, ne bamilengulwila, ne mingilo yonse yawama kechi ibafwainwa ne.

2 Petelo 2:1

Bino kwamwekele ne bangauzhi ba bubela mu bantu, pamo ne mwi anweba namo mukekala bafunjishi ba bubela, bo bakatwezhamo kumbaji mafunjisho angi a lonaiko, kasa bakana ne aye Nkambo wibapotele, ne kwiletela abo bene lonaiko bukiji.

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.

Lumwekesho 2:13

nayuka ko waikala, konka kuji jitanda ja Satana. Kabiji wakwachisha jizhina jami, ne kukana lwitabilo lwa mwi amiwa ne, nangwa mu moba a Antipasa kamonyi wami, muntu wami wakishinka, ye baipayile mwi anweba, monka mwaikala Satana.

Lumwekesho 3:8

Nayuka mingilo yobe. Pano umvwa! Na kushinkwila kibelo kyashi ku meso obe, kafwako wakonsha kwikishinka nangwa umo ne. Nayuka namba, obewa uji na ka bulume kacheche, kabiji wakookela mafunjisho ami, ne kukana jizhina jami ne.