1 Timoti 5:10 - KNTP

¹⁰ watumbalala na mingilo yawama, umvwe walelelenga baana banji bulongo, kabiji watambwilanga benyi, waovwelenga maulu a bazhijikwa, wakwashanga bamwenenga bya malwa, wipaine mu kwingila mingilo yonse yawama.

1 Timoti 5:10 Iomraidhean Croise

Mateo 25:17

Byonkabyo ne aye watambwile abiji wakamwenejilemo akwabo abiji.

Mateo 5:16

Byonkabyo kyeya kyenu kimweke ku meso a bantu; bamone mingilo yenu yawama, ne kumutumbijika Shenu uji mwiulu.”

Luka 7:38

waimene kunyuma ya Yesu ku maulu anji kasa ajila, watatwile kuzobesha maulu a Yesu na mipolo yanji, kabiji wiishimwine na nsuki ya ku mutwe wanji ne kufyompa maulu anji ne kwiashinga na manyi.

Luka 7:44

Ne pa kwalulukila ku mwanamukazhi, wamwambijile Shimona amba, “Mwamumona awe mwanamukazhi nyi? Naji kutwela mu nzubo yenu; anweba kechi mwajikumpa mema akowa ku maulu ami ne, bino aye wazobesha maulu ami na mipolo yanji ne kwiishimuna na nsuki yanji.

Byubilo 10:22

Kumvwa abo ba mwambijile amba, Koneleusa, mukulumpe wa bashilikale, muntu waoloka, wa akamwa Lesa, watelwa bulongo ku mukoka yense wa Bayudea, ba mwambijile kwi malaika wazhila wa Lesa, kwimulonda anweba ne kwimutwala ku nzubo yanji, amba omvwe byambo kwi anweba.

Byubilo 22:12

“Kabiji muntu umo wa jizhina ja Ananyasa, watekanya mwayila Mizhilo, watelelwe bulongo ku Bayudea bonse baikajile momwa.

Byubilo 6:3

Onkao mambo anweba bakwetu, monaimo mwi anweba banabalume batanu ne babiji, batelwa bulongo ku bonse, bayula na Mupashi ne maana, twibatongwele uno mwingilo.

Byubilo 9:36

Kabiji mu Yopa mwajinga mwana wabwanga umo wamukazhi, jizhina janji Tabita, (pa kulumbulula ko kuuba amba Dokasi.) Aye wavujile mingilo yawama ne kupana bya bupe byavula ku balanda.

Byubilo 9:39

Ponkapo Petelo waimene, kaye ne naabo. Pakufikako bamutwajile mu nzubo ya peulu. Ne bonse banabakazhi bafwilwa baimene ko ajinga kasa bajila, ne kumumwesha mikangyo ne bivwalo bikwabo byo asonene Dokasi, byo akijinga naabo.

Loma 12:13

Panai ku bazhijikwa bakajilwa kabiji ikalai na muchima wa kutambwila benyi.

Efisesa 2:10

Mambo atweba twi ba mubusendwe bwanji, twalengwa mwi Kilishitu Yesu amba tukengilenga mingilo yawama, yo atongwejile jimo Lesa amba tukendenga monka.

Kolose 1:10

Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

1 Timoti 2:10

poso na mingilo yawama, byafwainwa banabakazhi beteela amba, boba kunemeka Lesa.

1 Timoti 3:2

Byonkabyo mukulumpe ulama kipwilo wafwainwa kwikala wabula kaneneno, mwanamulume uji na mukazhi umo, wilama bulongo, wa muchima watekanya, wa bwikalo bwalumbuluka, watemwa kutambwila benyi, wakonsha kufunjisha,

1 Timoti 3:7

Kabiji wafwainwa kuteelwa bulongo ku bapangye ya kipwilo, kuchiina amba wakaponena mu myendeleko ne mu kakose ka Diabola.

1 Timoti 5:16

Umvwe mwanamukazhi waitabila uji na balongo banji banabakazhi bafwilwa ebakwashe aye mwine, kipwilo kechi kinemenwe naabo ne, pakuba amba kipwilo kikwashe bafwilwa babula ba kwibakwasha.

1 Timoti 5:25

Pamo byonkabyo, ne mingilo yawama nayo imweka ayo ine, kabiji nangwa imo ibula kumweka kechi ikakonsha kufyamika kikupu ne.

1 Timoti 6:18

Bafwainwa kuuba byawama, ne kwikala banonshi bamu mingilo yawama, bekale bampanyi bepana mu kukwashang'ana.

2 Timoti 1:5

Navuluka mambo a lwitabilo lwa kine luji mwi obewa, lonkalwa lwajinga patanshi mwi nkambo yobe Loisa, ne mwi inobe Yunisa. Kabiji nayukishatu namba, luji ne mwi obewa pamo.

2 Timoti 2:21

Byonkabyo umvwe muntu witokesha mwine ne kwifumya ku byatama, ukekala ke kijiilo kya mwingilo wa mushingi, kyazhijikwa, kyafwainwa kwingilako Nkambo kyanengezhiwa jimo mingilo yonse yawama.

2 Timoti 3:15

ne byo wayukile kufuma ne ku bwanyike bobe binembelo byazhila byakonsha kukupa maana a kumona lupulukilo lwa mu lwitabilo luji mwi Kilishitu Yesu.

2 Timoti 3:17

amba muntu wa Lesa ekale walumbuluka, wafikilamo mu byonse bya kwingilako mingilo yonse yawama.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Titusa 2:7

Mu bintu byonse wimweshe obewa mwine ke wa kumwenako mu mingilo yawama. Wikale wakishinka ne wasumininwa mu lufunjisho lobe.

Titusa 3:1

Kasa wibavulula kwibanekenena bamfumu ne ba luusa, bekale ba lukookelo, ne kwinengezha kwingila mingilo yonse yawama.

Titusa 3:14

Kabiji bantu betu nabo bafunde kwingila mingilo yawama, bamwenemo byawama, kuchiina kwikala ke baatu.

Titusa 3:8

Kino kyambo kyokya kishinka. Kabiji na mambo a bino bintu nasaka namba ukoselepotu na kwamba namba, aba bamwitabila Lesa batesheko muchima na kuuba mingilo yawama, bino bintu byawamisha, mambo bantu bamwenamo byawama.

Bahebelu 10:24

Kabiji twilanguluke atweba bene na bene ne kwitundaika na butemwe ne na mingilo yawama.

Bahebelu 13:2

Kechi muvulame kutambwila benyi ne. Mambo mo monka bantu bamo mo batambwijile bamalaika kwakubula kuyuka.

Bahebelu 13:21

emupe bintu byonse byawama, mube kyaswa muchima wanji, kasa engila mwi atweba kyonka kyawama ku meso anji, monka mwi Yesu Kilishitu. Kwi aye kwikale lukumo myaka ne myaka! Amena.

1 Petelo 2:12

Bwikalo bwenu bwikale bwafwainwa mu Bangentila, amba nangwa be muneena bibi nobe mwi babi, bakamone mingilo yenu yawama ne kumutumbijika Lesa mu juba jo akebapempula.

1 Petelo 4:9

Kasa mwitambula bulongo anweba bene na bene kwakubula kunyinyita.

3 Yoano 1:12

Bonse bantu bamushimuna bulongo Demeteliusa, bukine bwine bumushimuna nabo. Ne atweba tumushimuna pamo, ne anweba mwayuka amba kushimuna kwetu ko kwa kine.