1 Timoti 5:1 - KNTP

¹ Kechi ukalukile muntu mukulumpe ne, poso kumusashijila nobe shobe. Ne bansongwalume nabo nobe bakolojobe,

1 Timoti 5:1 Iomraidhean Croise

Mateo 23:8

Kabiji anweba kechi mutelwe amba ‘Laabi’ ne, mambo mufunjishi wenu umotu, ne anweba bonse mwi balongo na balongo.

Byubilo 14:23

Kabiji byo bebatongwejile bakulumpe mu bipwilo byonse, na kulomba ne kuzhikilwa na nzala, bebafikizhe kwi Nkambo ye baitabijile.

Byubilo 15:4

Byo bafikile ku Yelusalema, bebatambwijile ku kipwilo, ne ku batumwa, ne ku bakulumpe, ne kwibabula byonsetu byo ebobijile Lesa.

Byubilo 15:6

Batumwa ne bakulumpe bapwijile pamo amba balanguluke mwayila ano mambo.

Byubilo 20:17

Kufuma mu Miletusa Paulo watumine jiwi ku Efisesa, ja kwita bakulumpe ba kipwilo kwiya ko ajinga.

Loma 13:7

Kasa mupana ku bonse byonse bibafwainwa; musonko mupane ku bamusonko, kashitomo naye mupane ku ba kashitomo, ubai mushingi ku bafwainwa kubilwa mushingi, ne munema naye mupane ku bafwainwa munema.

Ngalatiya 6:1

Balongo bami, umvwe muntu watanwa na mambo, anweba ba bumupashi mwafwainwa kumubwezha wa byonkabyo na muchima wa bukimote, bino kasa mujimuka, kuchiina amba ne anweba mwakesekwa.

1 Timoti 5:17

Bakulumpe ba kipwilo balama kipwilo bulongo mwibalanguluke amba, bo bafwainwa mushingi wakila, kikatakata aba bengila kyakosa mu byambo ne mu kufunjisha bo bene.

1 Timoti 5:2

banabakazhi bakulumpe nabo nobe bainobe, banabakazhi banyike nobe banyenga yobe na mushingi yense.

Titusa 2:2

Wibambile banabalume bakulumpe bekale bashing'ama, ba kwikanya, balumbuluka mu lwitabilo, ne mu butemwe, ne mu butekanye.

Titusa 2:6

Bansongwalume nabo pamo, wibafunjishe bekale ba michima yatekanya.

Yakoba 3:17

Pakuba maana afuma mwiulu, patanshi oa wamishatu, kabiji oa mutende, oa kooka, oa peela kusanshijilwa, oa yula lusa ne bipangwa byawama, oa bula misalululo, oa bula bujimbijimbi.

Yakoba 5:14

Umvwe muji umo wakolwa, ete bakulumpe bamu kipwilo; bamulombelele ne kumushinga manyi mu jizhina ja Nkambo.

1 Petelo 5:1

Byonkabyo bakulumpe baji mwenu ne batundaika amiwa mukulumpe mukwabo, kamonyi wa bya kumanama bya Kilishitu, ne wa kushilang'ana nanji lukumo lukamweka.

2 Yoano 1:1

Kufuma ku Mukulumpe. kwi Inamfumu wasalululwa ne baana banji, bonatemwa mu bukine, kabiji kechi amiwa yenkatu ne, ne abo bonse bayuka bya bukine,

3 Yoano 1:1

Amiwa mukulumpe. Kwi Ngayusa mutemwe, ye natemwa kya kine kine.

Lumwekesho 4:4

Kabiji ku jitanda kwazhokolokele bipona makumi abiji ne bina, kabiji pa byobya bipona namwene bakulumpe makumi abiji ne bana, kasa baikala bavwala bivwalo bitoka, ne pa mitwe yabo pajinga minchinya ya ngolode.