1 Timoti 4:8 - KNTP

⁸ Mambo mu kwikosesha kwa mubiji umwenamo bimo bicheeche, pakuba mu munema wa kunemeka Lesa umwenamo byonse, byo aji na mulaye wa buno bumi, ne wa abwa bukeya,

1 Timoti 4:8 Iomraidhean Croise

Mateo 12:32

Kabiji awa umunena bibi Mwana Muntu, ukalekelwao, pakuba awa umunena bibi Mupashi Wazhila, kechi ukalekelwao ne, nangwa muyino myaka, nangwa mu myaka ikeya.

Mateo 19:29

Kabiji bonse baleeka mazubo, nangwa balongo, nangwa banyenga, nangwa bashabo, nangwa bainaabo, nangwa baana, nangwa majimi, pa jizhina jami, bakatambula byavula bya mu byonkabyo, kabiji bakaswana bumi bwa myaka.

Mateo 6:33

Nanchi kebeshai bufumu bwanji, ne bololoke bwanji; ne bino bintu byonse bikemubikilwapo.

Mako 10:30

ukabula kutambula muyonka ino myaka kitoota kya mazubo, nangwa balongo, nangwa banyenga, nangwa bainanji, nangwa baana, nangwa majimi, ne bya lupato pamo, kabiji ne mu myaka ikeya namo bumi bwa myaka.

Luka 5:38

Bino binyu bya katataaka byafwainwa kulongwa mu bafukuta bakatataaka.

Loma 8:28

Kabiji twayuka namba bintu byonse bingijila pamo mu kwibaletela byawama bamutemwa Lesa, bo boba baitwa monka mwayila kufuukula kwanji.

1 Kolinda 3:22

nangwa Paulo, nangwa Apolosa, nangwa Kefasa, nangwa pano pantanda, nangwa bumi, nangwa lufu, nangwa bijipo, nangwa bikekalaako, byonse byo byenu,

1 Kolinda 8:8

Pakuba kajo kechi ketufwenya kwi Lesa ne; mambo nangwa twabula kuja, kechi twakila mukutama ne, kabiji nangwa twaja kechi twiwamisha ne.

1 Timoti 4:7

Ukaane bishimi byatu bishimikila banabakazhi bakote. Kabiji wifunjishenga obewa mwine ulumbuluke mu munema wa kunemeka Lesa.

1 Timoti 6:3

Umvwe muntu wafunjisha lufunjisho lungi ne kwibiswa byambo byalumbuluka bya Nkambo yetu Kilishitu Yesu ne, nangwa lufunjisho lwa mwayila munema wa kunemeka Lesa ne,

1 Timoti 6:5

ne kupachika kwa bantu ba michima yatama babula bukine, kasa balanguluka amba, munema wa kunemeka Lesa mo mwa kumwena bunonshi.

1 Timoti 6:6

Pakuba munema wa kunemeka Lesa wa kwikizhamo ne muchima kyokya kumwenamo byavula.

2 Timoti 3:5

kasa baji na kipashang'anotu kya muneema wa kunemeka Lesa, bino bulume bwa yeo muneema bebukana. Bano nabo wibavundamine.

Titusa 3:8

Kino kyambo kyokya kishinka. Kabiji na mambo a bino bintu nasaka namba ukoselepotu na kwamba namba, aba bamwitabila Lesa batesheko muchima na kuuba mingilo yawama, bino bintu byawamisha, mambo bantu bamwenamo byawama.

Bahebelu 13:9

Kechi mutwalwe mungi ku mafunjisho a misango ne misango ne. Mambo kyo kintu kyawama amba muchima bamukoseshe na bupe, kechi na bya kuja ne; mambo abo bateele michima monka kechi bamwenejilemo kintu ne.

1 Yoano 2:25

Kabiji uno ye mulaye ye etulayile, bo bumi bwa myaka ne myaka.

Lumwekesho 3:12

Aye ushinda, nkamwalula ke jishiki ja mu nzubo yazhila ya Lesa wami, kabiji kechi ukalupukamo ne. Ne amiwa nkanemba pe aye jizhina ja Lesa wami, ne jizhina ja muzhi wa Lesa wami, ye Yelusalema mupya, ufuma mwiulu kwi Lesa wami, ne jizhina jami jipya.

Lumwekesho 3:21

Aye ushinda, amiwa nkamupa namba ekale ne amiwa pa jitanda jami, byonka byo nashinjile ne amiwa, ne kwikala naikala ne Bataata ponka pa jitanda jabo.