1 Timoti 4:6 - KNTP

⁶ Umvwe wafunjisha bino bintu ku baitabila, ukekala ke wa mwingilo walumbuluka wa kwa Kilishitu Yesu, wikomesha na byambo bya lwitabilo, ne na lufunjisho lwalumbuluka lo walondejilenga kufika ne leelo.

1 Timoti 4:6 Iomraidhean Croise

Mateo 13:52

Kabiji aye wibambijile amba, “Byonkabyo banembeshi bonse bo baalula ke baana babwanga mu bufumu bwa mwiulu kyapashang'ana nobe mwina nzubo, usolola bya mu nsabo yanji, bipya ne bya kala.”

Luka 1:3

Kabiji kyangwamijile amiwa, byo ne bilondelelondele byonse ne kumvwa bulongo kufuma ku ntendekelo, nalangulukile kwimunembela mo bya londankena anweba kinemanga Teofilusa.

Byubilo 1:15

Mu oa moba Petelo waimene mukachi ka balongo banji, kwajinga jibumba ja bantu bapwijile pamo, bafikile kampe kitoota kimo ne makumi abiji, ne kwamba amba.

Byubilo 20:31

Onkao mambo jimukai, kasa muvuluka akya kimye kya myaka isatu, kyo nabujilenga kuzhikilwa kwimufunda anweba bonse, bufuku ne mute na mipolo.”

Byubilo 20:35

Mu byonse nemumwesheshe mo mwafwainwa kwingijila kyakosa byonkabyo, ne kukwasha banekena, kasa muvuluka byambo bya Nkambo Yesu, byo a ambile aye mwine amba, ‘Kupana kuji na mapesho kukila kutambula.’”

Loma 15:15

Byonkabyo nemunembela bimo kasa nachinchika ne kwimuvulula, na mambo a bupe bonapewa kwi Lesa,

1 Kolinda 4:17

Na onka ano mambo nemutumina Timoti, mwanami wa mwi Nkambo wakishinka ye natemwa, ye ukemuvulula mwayila bwikalo bwami bwa mwi Kilishitu, monka mo mfunjishisha konse konse mu bipwilo byonse.

2 kolinda 11:23

Umvwe bo bamingilo ya Kilishitu (naamba nobe nakonya kala) amiwa nebakila, mu mingilo yakosa yakila mu kuvula, ne mu tuleya twakila mu kuvula, ne mu bipumo byavula kechi bya kubala ne, ne mu bya lufu javula.

2 kolinda 3:6

ye witulenga amba tukonshe kwikala ke bamingilo ba mu lulayang'ano lupya, kechi ba binembelotu ne, nanchi na Mupashi wa Lesa. Mambo binembelotu bipayang'ana, pakuba Mupashi upana bumi.

2 kolinda 6:4

Bino mu bintu byonse kasa twilumbulula byo tuji bamingilo ya Lesa, mu kutekanya kwavula, ne mu bya malwa, ne mu bya kukajilwa, ne mu byakatazha.

Efisesa 6:21

Kabiji Tikikusa, mulongo wetu mutemwe, wamwingilo wakishinka wa mwi Nkambo, ye ukemubuula byonse namba, ne anweba muyuke byonji ne byo nguba.

Filipai 2:20

Mambo kechi nji na mukwabo wateeshako kya kine muchima ku bwikalo bwenu ne.

Filipai 2:22

Pakuba anweba mwamuyukisha Timoti byo aji wakishinka, byonka biji mwana ne shanji aye wingila pamo ne amiwa mu Mambo Awama.

Filipai 3:16

Bino monka mo twaendelako kala kufika pano potuji, tutwajijile kwendela monka.

Kolose 2:19

ne kukakachila ku mwine Kilishitu ne, mwi aye Kilishitu, moayila na kukoma mubiji yense na bukomo bufuma kwi Lesa, kasa bamukosesha ne kumunungakanya na manungi ne mishipe yonse.

Kolose 3:16

Lekai mambo a Kilishitu ekajishetu avula mwi anweba. Mu maana onse kasa mwifunjisha anweba bene na bene na masalamo ne nyimbo ya kutota ne nyimbo ya bumupashi, kasa musanta mu michima yenu kwi Lesa.

Kolose 4:7

Tikikusa ukemubuula byonse byo mbena kuuba kuno. Aye ye mulongo wetu mutemwe ye nkwasho wakishinka, ye kalume mwi Nkambo pamo ne amiwa.

Tesalonika 3:2

kabiji twatumine Timoti, mulongo wetu wa mwingilo wa Lesa mu Mambo Awama a Kilishitu, namba emukwashe ne kwimukosesha mu lwitabilo lwenu,

1 Timoti 1:10

ne ba bulalelale, ne bekuna banabalume na banabalume bakwabo, ne babombola bantu, ne ba bubela, ne bachipa bya bubela, nangwa kintu kikwabo kyapusana na luno lufunjisho lwalumbuluka.

1 Timoti 4:16

Kasa wiketa obewa mwine ne lufunjisho lobe pamo. Ukelwe mu bino bintu, mambo pakuba kino usakukepulusha obewa mwine ne abo bakumvwa pamo.

1 Timoti 6:3

Umvwe muntu wafunjisha lufunjisho lungi ne kwibiswa byambo byalumbuluka bya Nkambo yetu Kilishitu Yesu ne, nangwa lufunjisho lwa mwayila munema wa kunemeka Lesa ne,

2 Timoti 1:6

Onkao mambo na kuvulula namba uteemeshe akya kya bupe bwa Lesa kiji mwi obewa mambo na kutentekele maboko ami.

2 Timoti 3:10

Bino obewa walondejilenga bulongo lufunjisho lwami, ne byubilo byami, ne monateela muchima, ne lwitabilo lwami, ne kukooka muchima kwami, ne butemwe bwami, ne butekanye bwami,

2 Timoti 4:3

Mambo kimye kikeya kyo bakabula kuswa mafunjisho alumbuluka, bino byo baji na matwi ababana, bakavuzha bafunjishi babo abo bene monka mwayila bya kusakasaka byabo.

Titusa 2:1

Pakuba obewa, wambenga byonka bintu byafwainwa lufunjisho lwalumbuluka.

1 Petelo 2:2

Mwikale nobe twana twalukeke, musake mukaka wa mupashi wawama, emukomeshe mufike ne ku lupulukilo.

2 Yoano 1:9

Bonse baya kulutwe ne kwikala monka mu mafunjisho a Kilishitu ne, kechi baji na Lesa ne. Awa waikala mu mafunjisho ye uji ne Taata ne Mwana.

Yuda 1:5

Pano nasaka kwimuvulula, nangwa mwibiyukila jimo byonse namba, aye Nkambo nangwa wibapulwishe bantu mu ntanda ya Ijipita, palutwe wibonawine bonse babujile kwitabila.