1 Timoti 4:3 - KNTP

³ Bo bakanya kusongola ne kwizhijika kajo kamo, koalengele Lesa amba, bekatambule na kusanta abo baitabila ne kuyuka bya bukine.

1 Timoti 4:3 Iomraidhean Croise

Mateo 14:19

Kabiji wakambiizhe mabumba amba, ikalai pa nsono. Ne pa kushikula bashinkwa batanu ne masabi abiji, watajile mwiulu ne kwibipesha. Kepo atebawile bashinkwa ne kupana ku baana banji babwanga, ne baana babwanga nabo ke bapane ku mabumba.

Mateo 15:11

Kitwela pa kanwa kechi kimuzhilulula muntu ne, kana kilupuka mu kanwa, kyo kimuzhilulula muntu.”

Mateo 15:36

Kabiji watambwile bashinkwa batanu na babiji ne tumasabi, ne pa kusanta wibatebawile ne kupana ku baana banji babwanga, ne baana babwanga nabo ke bapane ku mabumba.

Luka 24:30

Kabiji byo aikajile ku tebulu na kuja naabo, washikwile shinkwa ne pa kupesha ne kumutebula wibapele.

Yoano 6:23

Nangwa byonkabyo kwaishile maato akwabo afumine mu Tibeliasa kwiya kwipi nako bajiile kajo, byo apwishishe kusanta aye Nkambo.

Byubilo 27:35

Kabiji byo a ambiletu bino, washikwile shinkwa, ne pa kusanta kwi Lesa ku meso a bonse, wamutebwile ne kuja kaje.

Loma 14:17

Mambo bufumu bwa Lesa kechi buji mu bya kuja nangwa mu bya kutoma ne, poso mu bololoke ne mutende ne lusekelo mwi aye Mupashi Wazhila.

Loma 14:3

Aye uja, kechi amulengulule awa ubula kuja ne; kabiji ne aye ubula kuja naye kechi a muzhachishe awa uja ne; mambo Lesa wamutambula.

Loma 14:6

Aba balanguluka amba juba jimo janema, bejinemekela Nkambo. Aba baja, baja mu kumunemeka Nkambo, mambo bapika sante kwi Lesa na mambo a kajo, aba babula kuja, baleka kuja mambo basaka kumunemeka Nkambo ne kupika sante kwi Lesa.

1 Kolinda 6:13

“Kajo ko ka munda, ne munda namo momwa kajo” bino aye Lesa ukebizhimang'anya byonse bibiji. Mubiji kechi ye wa bulalelale ne, ye wa kwa Nkambo, ne Nkambo ye wa mubiji.

1 Kolinda 7:28

Pakuba nangwa mwasongola kechi mwalenga mambo ne, kabiji ne muzhike naye umvwe wasongolwa kechi walenga mambo ne. Bino bantu baji mu masongola bakamonanga byakatazha, ne amiwa nasaka kwimulamwinako.

1 Kolinda 8:8

Pakuba kajo kechi ketufwenya kwi Lesa ne; mambo nangwa twabula kuja, kechi twakila mukutama ne, kabiji nangwa twaja kechi twiwamisha ne.

Kolose 2:16

Onkao mambo kechi muleke muntu nangwa umo emuzhachishe mu bya kuja, nangwa mu bya kutoma ne, nangwa na juba ja kijiilo, nangwa juba ja kutentama kwa ng'ondo nangwa na juba ja Sabado ne.

Kolose 3:17

Kabiji byonse byo muuba, nangwa byo mwamba, byubai mu jizhina ja Nkambo Yesu, kasa musanta kwi Lesa Taata monka mwi aye.

1 Timoti 2:4

ye wasaka amba, bantu bonse bapuluke, bakayukishe bukine.

1 Timoti 4:4

Mambo byonse byo alengele Lesa byawama, kabiji kafwako nangwa kimo kyafwainwa kwikikaana ne, umvwe bekitambula na kusanta,

1 Timoti 5:14

Byonkabyo nasaka namba, banabakazhi bafwilwa banyike basongolwe, baseme baana, balame mazubo abo, ne kumushiila aye mulwanyi mwa kwitunenena bibi ne.

Bahebelu 13:4

Masongola ekale a mushingi ku bonse, ne baji mu masongola bekale bakishinka mu masongola abo. Mambo Lesa ukebazhachisha ba bulalelale ne bankende.

Bahebelu 13:9

Kechi mutwalwe mungi ku mafunjisho a misango ne misango ne. Mambo kyo kintu kyawama amba muchima bamukoseshe na bupe, kechi na bya kuja ne; mambo abo bateele michima monka kechi bamwenejilemo kintu ne.