1 Timoti 4:2 - KNTP

² Monka mu bukamfutumfutu bwa bantu ba bubela, baji na michima yanembwa kayukilo na kyela kyakaba na mujilo.

1 Timoti 4:2 Iomraidhean Croise

Mateo 24:24

Mambo kukamweka ba kilishitu ba bubela, ne bangauzhi ba bubela, kabiji bakamwesha biyukilo bikatampe ne bya kukumya, mu kwibatwala mungi basalululwa, umvwe kyakonsheka kuubiwa.

Mateo 7:15

“Jimukai ku bangauzhi ba bubela, beya ko muji mu biseba bya mikooko, kabiji munda mwabo bo bamisuka bakaji.

Byubilo 20:30

Kabiji ne mwi anweba bene namo, mukemana bantu, bakambanga bintu byaluwankana, bya kwibakokamo baana babwanga amba bebalondele.

Loma 1:28

Kabiji byonka byo bakaine kwikala na maana a kuyuka Lesa, Lesa naye wibapaine ku muchima wa bubi, bobenga byo babula kufwainwa kuuba.

Loma 16:18

Mambo ba byonkabyo kechi bamwingijila Nkambo yetu Kilishitu ne, bengijila munda mwabo abo bene, kabiji na byambo byabo bya mulambisha ne kuwama beyongola michima ya babula kujimuka.

Efisesa 4:14

Amba kechi tukikale banyike ne, kasa tukumpaulwa ne kulelaulwa na luvula lonse lwa mafunjisho a bantu mu bujimuku bubi, bo bebajimukila bantu mu kwibatwala mungi.

Efisesa 4:19

Abo, byo babula bumvu, bepana mu kulondalonda bya bunya, mu kwingila bubipisho bonse na lwiso.

2 Timoti 3:5

kasa baji na kipashang'anotu kya muneema wa kunemeka Lesa, bino bulume bwa yeo muneema bebukana. Bano nabo wibavundamine.

Lumwekesho 16:14

Mambo yo mipashi ya bademona, yuba biyukilo. Yo iya ku bamfumu ba pano pantanda ponse, mu kwibapwizha pamo ku nkondo ya aja juba jikatampe ja Lesa, wa bulume bonse.