1 Timoti 4:16 - KNTP

¹⁶ Kasa wiketa obewa mwine ne lufunjisho lobe pamo. Ukelwe mu bino bintu, mambo pakuba kino usakukepulusha obewa mwine ne abo bakumvwa pamo.

1 Timoti 4:16 Iomraidhean Croise

Mako 13:9

“Bino anweba ikalai bajimuka. Mambo bakemufikizha ku bije, ne mu mashinagoga, kabiji mukemana ku meso a bene bandamakyalo ne ku meso a bamfumu na mambo a amiwa, kikekala ke mwa kwibasapwila.

Luka 21:34

“Bino iketai anweba bene, kuchiina amba, michima yenu yakanemenwa na bya kujajaja, ne kupendwa, ne na bya kutabataba bya buno bumi, ne aja juba jakemufikila kwakubula kuketekela.

Byubilo 26:22

Bino kufuma kujino juba natambwile bukwasho bufuma kwi Lesa, amiwa ko kwimana ko nakimana mu jino juba ja leelo, kasa ne babuujisha bacheche ne bakatampe, kwambapo nangwa kingi ne, kana byonka bya ambile bangauzhi ne Mosesa, amba bikafika.

Byubilo 6:4

Pakuba atweba tukaswezhatu mu milombelo, ne mu mwingilo wa kusapwila mambo.”

Loma 11:14

Namba nangwa na kya byepi, nebobishe kichima balongo bami Bayudea, ne kupulushapo bamo mwi abo.

Loma 16:17

Anweba bakwetu, ne musashijila namba, batajishai aba baleeta lwabano ne bintu byabula kwesakana na mafunjisho o mwafunjile; mwabane naabo.

Loma 2:7

Kuboba batekanya na kuuba byawama na kukeba lukumo ne buneme ne bumbulwa kubola, ukebapa bumi bwa myaka.

1 Kolinda 1:21

Mambo monka mwayila maana anji aye Lesa kechi kyakonshekele amba, ba pano pantanda ba muyuke Lesa mu kujimuka kwabo abo bene ne. Bino kyamuwamijile Lesa kwi bapulusha baitabila na bumbulwa maana bo tusapwila.

1 Kolinda 9:22

Kabiji ku banekena naalukile ke wanekena, namba mmwenemo banekena. Kabiji naaluka ke bintu byonse ku bantu bonse namba na bintu byonse mpulushepo bamo.

1 Kolinda 9:27

Pakuba nepumapuma pa mubiji wami ne kumuleeta mu buzha, kuchiina amba nangwa mu kya byepi, pa kusapwila ku bakwabo amiwa mwine nakalengululwa.

Efisesa 4:14

Amba kechi tukikale banyike ne, kasa tukumpaulwa ne kulelaulwa na luvula lonse lwa mafunjisho a bantu mu bujimuku bubi, bo bebajimukila bantu mu kwibatwala mungi.

Kolose 4:17

Kabiji mumwambile Akipusa amba, “Tesha muchima ku mwingilo ye watambula mwi Nkambo, ne kumupwisha.”

Tesalonika 2:16

Ne kwitukanya atweba kwibambila Bangentila amba bapuluke. Mu kuyuzha kipimo kya mambo abo moba onse. Kabiji kuno kumpelo bukaji bwa malwa bwibafikila.

1 Timoti 1:3

Byonka byo nakusashijile byo nasakile kuya ku Makedonya, amba ushale ku Efisesa. Namba wibakambizhe bamo bantu amba kechi bafunjishe mafunjisho angi ne.

1 Timoti 4:15

Kasa wibyuba bino bintu, wikale monka mwi abyo, amba kuya palutwe kobe kumweke ku bonse.

1 Timoti 4:6

Umvwe wafunjisha bino bintu ku baitabila, ukekala ke wa mwingilo walumbuluka wa kwa Kilishitu Yesu, wikomesha na byambo bya lwitabilo, ne na lufunjisho lwalumbuluka lo walondejilenga kufika ne leelo.

2 Timoti 2:10

Onkao mambo o nebikosela byonse pa mambo a basalululwa, namba ne abo nabo batambule lupulukilo luji mwi Kilishitu Yesu ne lukumo lwa myaka pamo.

2 Timoti 3:14

Pakuba obewa ukelwe monka mu bintu byo wafunjile, byo waitaba, byo wibayuka abo bakufunjiishe,

2 Timoti 4:2

pa kusapwila mambo, kasa winengezhezha jimo pa kimye kyafwainwa ne pa kimye kyabula kufwainwa, wibalengulule, ne kwibakalukila, ne kwibatundaika, na kukooka muchima konse ne na lufunjisho.

Titusa 1:9

Wafwainwa kukwachisha ku mambo a kishinka, mwayila lufunjisho, namba akakonshe kwibatundaika na mafunjisho alumbuluka, ne kwibashiina balengulula.

Titusa 2:15

Wibifunjishenga bino bintu, kasa wibatundaika ne kwibalengulula na luusa lonse. Kechi uleke nangwa umo akusuule ne.

Titusa 2:7

Mu bintu byonse wimweshe obewa mwine ke wa kumwenako mu mingilo yawama. Wikale wakishinka ne wasumininwa mu lufunjisho lobe.

Filemonyi 1:19

Amiwa Paulo nanemba na kuboko kwami amiwa mwine, namba nkekibwezha. Bino kechi nemwambila byo mwauba nobe wa kikoloto kwi amiwa mambo a bwikalo bwenu bupya bwa mwi Kilishitu ne.

Bahebelu 12:15

Jimukai kuchiina amba, nangwa umo wakabwela mu nyuma ne kufuma ku bupe bwa Lesa. Amba muzhazhi wa bululu wakeya kusapuka ne kwimukatazha ne bavula bakatamishiwa.

Bahebelu 13:9

Kechi mutwalwe mungi ku mafunjisho a misango ne misango ne. Mambo kyo kintu kyawama amba muchima bamukoseshe na bupe, kechi na bya kuja ne; mambo abo bateele michima monka kechi bamwenejilemo kintu ne.

Yakoba 5:20

awa muntu ayuke amba, aye waalulula ndengamambo mu jishinda janji jatama, ukapulusha mweo wanji ku lufu, kabiji ukavwetapo pa mambo avujisha.