1 Timoti 4:1 - KNTP

¹ Pakuba aye Mupashi wa ambishatu bulongo amba, mu bimye bya kulutwe bamo bakapondoka ku lwitabilo, ne kuteesha michima ku mipashi ya bujimbijimbi ne ku mafunjisho a bademona.

1 Timoti 4:1 Iomraidhean Croise

Mateo 18:7

Malwa a pano pantanda mambo a bintu bya kwituntulako! Pakuba bya kwituntulako byafwainwa bifikenga, bino malwa anji awa muntu wibileta!

Luka 17:1

Ne aye wibambijile baana banji babwanga amba, “Kechi kyaswishiwa bibwezha mu nyuma bibulenga kufika ne, bino malwa kwiyewa wibileta!

Yoano 16:13

Pakuba aye Mupashi wa bukine, byo akeya ukemutangijila mu byonse bya kine, mambo aye kechi ukambanga byanji mwine ne, pakuba byonkabya byo akomvwa, byo byonka byo akamba, ne aye ukemubuula bintu bikamweka.

Byubilo 13:2

Byo bapopwejilenga Nkambo ne kuzhikilwa na nzala, aye Mupashi Wazhila wibambijile amba, “Mpaatwilai Banabasa ne Saulo bengile uno mwingilo ye nebechila.”

Byubilo 17:18

Kabiji bamo bena Epikyulya ne bena Sitoiki batemwa maana, basambakene nanji. Kabiji bamo ba ambile amba, “Uno kyabauki ambe ka?” Bakwabo amba, “Wauba nobe usapwila balesa bangi.” Mambo aye wasapwijilenga Mambo Awama a Yesu ne lusanguko lwa bafu.

Byubilo 20:23

Poso byonka bibena kumbujisha Mupashi Wazhila mu mizhi yonse, amba mfungwa ne bya malwa bibena ku kupembelela konka.

Byubilo 21:11

Kabiji byo aishile kotwajinga, washikwile jiponda ja kwa Paulo ne kwikasajo ku maulu ne ku maboko ne kwamba amba, “Mupashi Wazhila wa amba byonka bino amba, byobyo bakakasa ne mwina jino jiponda ku Bayudea mu Yelusalema, ne kumupana mu maboko a Bangentila.”

Byubilo 28:25

Kabiji byo babujile kwitabanzhana abo bene na bene bapalang'ene, byo a ambile Paulo kyambo kimo, amba “Nanchi kyo kyawama kya ambile Mupashi Wazhila mwi ngauzhi Isaya ku bashakulu benu!

1 Kolinda 10:20

Bino naamba namba abya bintu byo batapisha Bangentila, bebitapisha ku bademona, kechi kwi Lesa ne. Kabiji kechi nasaka namba mushilang'ane na bademona ne.

1 Kolinda 11:19

Mambo byo kyafwainwa amba ne mepatulo nao ekale mwi anweba, amba balumbuluka basoloke mwi anweba.

1 Kolinda 12:11

Mambo bino byonse bingila yenka Mupashi umo ye wibabenya pa muntu pa muntu monka mo aswila mwine.

1 Kolinda 2:10

Pakuba kwi atweba Lesa wibimwesha na Mupashi. Mambo aye Mupashi ukebakeba byonse, ne bine byazhika bya Lesa.

2 kolinda 11:3

Kabiji nachiina namba, nangwa na kya byepi, michima yenu yakabipishiwa ne kufuma kuyewa muchima umo ne wawama wata kwi Kilishitu, byonka byo amujimbaikile Evwa aye mulolo mu bujimuku bwanji.

Kolose 2:18

Kechi muleke muntu emulengeshe kubulwa mpasela ne, na mambo a kwipelula kwanji ne kupopwela bamalaika. Kasa akoselapotu pa bimwesho byo amwene, ne kwilundumika na muchima wanji wa buntunshi

2 Timoti 3:13

Kabiji bantu baatama ne ba bujimbijimbi bakayangatu na kutama, kasa bajimbaika ne kujimbaikwa.

2 Timoti 4:4

Kabiji bakafutulwila matwi abo kungi kufuma ku bya bukine, ne kusendukila ku bishimitu.

Yakoba 3:15

Ano kechi o maana afuma mwiulu ne, pakuba oa pano panshi a buntunshi, a bademona.

1 Petelo 1:20

Ye basalulwijile jimo pano pantanda kasa pakyangye kulengwa, pakuba wasololwa kuno kumpelo ya myaka na mambo a anweba.

2 Petelo 2:1

Bino kwamwekele ne bangauzhi ba bubela mu bantu, pamo ne mwi anweba namo mukekala bafunjishi ba bubela, bo bakatwezhamo kumbaji mafunjisho angi a lonaiko, kasa bakana ne aye Nkambo wibapotele, ne kwiletela abo bene lonaiko bukiji.

2 Petelo 3:3

Patanshi kasa muyuka kino amba, mu moba akapelaako ba mwenga bakeya na myendeleko, kasa balondela bya lwiso lwabo

1 Yoano 2:18

Anweba baana, kino kyo kimye kyapelaako! Kabiji byonka byo mwaumvwine amba anti kilishitu ubena kwiya, ne pano ba anti kilishitu ba mweka kala bavula, po po twayukila namba kino kyo kimye kyapelaako.

1 Yoano 4:6

Atweba twibakwa Lesa. Aye wamuyuka Lesa witumvwa atweba, aye wabula kwikala wakwa Lesa kechi witumvwa atweba ne. Mukino mo motwayukila Mupashi wa bukine ne mupashi wa bubela.

Yuda 1:18

Byo bemwambijile amba, “Mu moba akapelaako kukekala ba mwenga, kasa balonda monka mu bya lwiso lwabo bya kubula kwakamwa Lesa.”

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.

Lumwekesho 13:14

Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.

Lumwekesho 16:14

Mambo yo mipashi ya bademona, yuba biyukilo. Yo iya ku bamfumu ba pano pantanda ponse, mu kwibapwizha pamo ku nkondo ya aja juba jikatampe ja Lesa, wa bulume bonse.

Lumwekesho 18:2

Kabiji wabijikile na jiwi jikatampe amba, “Wapona! Babilona mukatampe wapona! Pano wa aluka ke mwa kwikala bademona, ke mwa kulamina bapashi bonse babipa, ne mwa kulamina bang'onyi bonse babipa ne banyama babipa ba muzhilo.

Lumwekesho 18:23

Ne kyeya kya lampi nakyo, kechi kikateema jibiji nangwa pacheche mwi obewa ne, ne jiwi ja musongoshi nangwa ja musongwa najo, kechi jikomvwanyika jibiji nangwa pacheche mwi obewa ne. Mambo basulu bobe bajinga bene bakatampe ba pano pantanda mambo mikoka yonse ya bantu yajimbaikilwe na bung'anga bobe bwa lubuko!”

Lumwekesho 19:20

Ne aye lukinyama wakwachilwe, ne aye ngauzhi wa bubela naye pamo, yenkawa waubilenga biyukilo ku meso anji. Byo ajimbaikilengako aba batambwile kayukilo kayewa lukinyama ne aba bapopwejilenga kipashang'ano kyanji. Abo bonse babiji baelelwe bomi mu kizhiba kya mujilo uteema na kibiliki.

Lumwekesho 2:11

“Aye uji na matwi, omvwe byamba Mupashi ku bipwilo! Awa ushinda kechi ukamona lufu lwa bubiji ne.”

Lumwekesho 2:17

“Aye uji na matwi, omvwe byamba Mupashi ku bipwilo. Kwi aye ushinda, nkamupapo manna afyamika. Kabiji nkamupa jibwe jitoka, panembwa jizhina jipya, jo babula kuyuka bonse kana yenkaye wijitambula.”

Lumwekesho 2:29

Aye uji na matwi, omvwe byamba Mupashi ku bipwilo.”

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”

Lumwekesho 20:10

Ne aye Diabola, yenkawa wibajimbaikile, waelelwe mu kizhiba kya mujilo ne kibiliki, monka muji aye lukinyama ne aye ngauzhi wa bubela ne abo bakamanyikwanga mute ne bufuku myaka ne myaka.

Lumwekesho 20:8

kabiji ukalupuka mu kwiijimbaika mikoka ya bantu ba ku makonka ana a pantanda, ko kuuba amba, Gogi ne Magogi. Mu kwibapwizha pamo ku nkondo, nambala yabo iji pamo nobe musenga wa ku kalunga.

Lumwekesho 3:13

“Aye uji na matwi, omvwe byamba Mupashi ku bipwilo.

Lumwekesho 3:22

“Aye uji na matwi, omvwe byamba Mupashi ku bipwilo.”

Lumwekesho 3:6

“Aye uji na matwi, omvwe byamba Mupashi ku bipwilo!”

Lumwekesho 9:20

Kabiji ne bantu bashajilepo, babujilwe kwipayiwa na ino myalo, kechi balapijile ku mingilo ya maboko abo amba, tuleke kupopwela bademona, ne bankishi ba ngolode, ne ba siliva, ne ba lubemba, ne ba mabwe, ne ba bichi bibula kumona, ne kumvwa nangwa kwenda ne.