1 Timoti 3:3 - KNTP

³ kechi upendwa na maalwa ne, nangwa upumang'ana ne, kana wakooka muchima, ubula kutoboka, wabula kutemwa mali.

1 Timoti 3:3 Iomraidhean Croise

Mateo 21:13

ne kwibambila amba, “Kyanembwa amba, Nzubo yami ikatelwa amba nzubo ya milombelo. Pakuba anweba mwiyalula ke jiyengo ja ba tupondo bapukula bintu.”

Byubilo 20:33

Kechi na kumbilwepo siliva nangwa ngolode, nangwa bivwalo bya muntu ne.

Loma 16:18

Mambo ba byonkabyo kechi bamwingijila Nkambo yetu Kilishitu ne, bengijila munda mwabo abo bene, kabiji na byambo byabo bya mulambisha ne kuwama beyongola michima ya babula kujimuka.

Efisesa 5:18

Kabiji kechi mupendwe binyu ne, mo muji bono, kana muyulwe na Mupashi.

Tesalonika 5:14

Kabiji anweba bakwetu twimufunda namba, mwibafunjishe ba nkope, koseshai ba michima ya pungila, kwashai banekena, mwikale bakooka michima ku bonse.

1 Timoti 3:8

Pamo byonkabyo ne bankwasho ba kipwilo nabo bekale bashing'ama, kechi ba njimi ibiji ne, nangwa batomatoma binyu ne, nangwa ba lwiso lwa mali ne.

2 Timoti 3:2

Mambo bantu bakekala ba kwitemwatu abo bene, ba kutemwa mali, ba kwitota, ba kwilemena, ba mwenga, ba kulengulula bebasema, ba kubula kusanta, ba kubula kuzhila,

Titusa 1:11

Abo kyafwainwa kwibazhindamika, bo bantu bavulang'anya bisaka byonse pa kufunjisha bintu byabula kufwainwa, na mambo a kuuba amba bamwenemo.

Titusa 1:7

Mambo mukulumpe ulama kipwilo wafwainwa kwikala wabula mambo byo aji kalama wa mwingilo wa Lesa. Kechi usakatu monka mwaswila muchima wanji mwine ne, nangwa uzhingila bukiji ne, nangwa upendwa maalwa ne, nangwa upumang'ana ne, nangwa wa lwiso lwa mali ne.

Titusa 2:3

Ne banabakazhi bakulumpe nabo pamo, wibambile bekale byafwainwa bazhijikwa, kechi babang'ana ne, nangwa banonkwa buzha ku binyu ne, bekale ba kufunjisha byawama,

Titusa 3:2

Kechi bamunene bya mwenga muntu nangwa umotu ne, nangwa kwikala ba lutobo ne, bekale bakooka michima ne kumwesha bukimote ku bantu bonse.

Bahebelu 13:5

Mwikale babula kutemwa mali, sekelai na byonka byo muji naabyo. Mambo aye mwine wa amba amba, “kechi nkakusha nangwa pachechetu ne, ne kukulekelela nangwa pachechetu ne.”

Yakoba 4:1

Nanchi makondo ne bulwi bifuma paka mwi anweba? Bifuma monka mu bya kusakasaka byenu bilwa na bya mibiji yenu.

1 Petelo 5:2

Namba lamai jitanga ja Lesa jiji mwenu, kasa mwijiketa, kechi na mambo a kwimukanjikizha ne, poso na muchima wa kifyele, monka mwayila muchima wa Lesa, nangwa na mambo a mali ne, poso na muchima yense.

2 Petelo 2:3

Kabiji monka mu lunkumbwa lwabo bakemujiila bintu na byambo byabo bya kujimbaika. Batambwile kala luzhachisho lwabo, kabiji ne lonaiko lwabo kechi lukabanda ne!

Yuda 1:11

Lesa ukebonauna kine! Mambo benda mu jishinda ja kwa Kaina, na mambo akutemwa mfweto baya mungi byonka byaubile Balamu. Basatuka byonka byasatukile Kola, Lesa ukebonauna byonka byo a onawine Kola.

Lumwekesho 1:9

Amiwa Yoano, mulongo wenu, ne wa kushilang'ena nenu mu bya malwa ne mu bufumu, ne mu butekanye, biji mwi Yesu. Najinga pa jikuji jo bateela amba, Patamosa na mambo a busapwishi bwa mambo a Lesa ne bukamonyi bwa Yesu.