1 Timoti 3:16 - KNTP

¹⁶ Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

1 Timoti 3:16 Iomraidhean Croise

Mateo 1:23

“Talai! Muzhike wakishinka wabula kusambakanapo na mwanamulume ukemita jiimi, ukasema mwana wamulume, kabiji bakamutumba jizhina janji amba Emanuele.” (Kulumbulula, ko kuuba amba, “Lesa tuji nanji.”)

Mateo 13:11

Kumvwa aye amba, “Kya kuyuka byafyamika bya bufumu bwa mwiulu kyapanwa kwi anweba, bino kechi kwi abo ne.

Mateo 28:2

Kabiji ponkapo kwajinga kitentanshi kikatampe, mambo malaika wa Nkambo waikijile mwiulu kwiya na kwalumunako jibwe, waikajile ne ponka pa jibwe.

Mateo 3:16

Ne Yesu byo abatizhilwe, ponkapotu watuntukile mu mema, kabiji talai, mwiulu mwashinkukile ne aye wamwene ne Mupashi wa Lesa kasa ekila pamo nobe nkunda, ne kumwikijila.

Mateo 4:11

Ponkapo Diabola wamulekele; kabiji bamalaika baishile ke bamwingijile.

Mako 1:13

Ne aye waikajile mungye moba makumi ana, kasa bamweseka kwi Satana. Kabiji waikajilenga na banyama bamungye, ne bamalaika bamwingijilenga.

Mako 16:19

Byo apwishishe Nkambo Yesu kwamba naabo, watwajilwe mwiulu ne kwikala waikajile ku kilujo kya Lesa.

Mako 16:5

Kabiji pa kutwela mu kilende bamwene nsongwalume kasa aikala ku kilujo, kasa avwala kivwalo kyalepa kitoka, ne abo baumvwine moyo.

Luka 2:32

Kyeya kya kwibamwesha Bangentila ne lukumo lwa bantu benu bena Isalela.”

Luka 20:44

Byonkabyo Davida wamutelele amba, ‘Nkambo.’ Leelo kabiji ye mwananji byepi?”

Luka 22:43

Kabiji kwamumwekejile malaika kufuma mwiulu na kumukosesha.

Luka 24:4

Byo baimene na kukumya na mambo a kino, talai banabalume babiji baimene ko baji mu bivwalo bibekauka.

Luka 24:51

Byo ebapesheshenga, aye wa abene naabo ne kutwalwa watwajilwe mwiulu.

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 13:3

Yesu nangwa wayukile amba, bataata bampa bintu byonse mu maboko ami, kabiji nafuma kwi Lesa, kabiji nkaya kwi Lesa.

Yoano 15:26

Mambo aye Nkwasho byo akeya, ye nkemutumina ukafuma kwi bataata, ye Mupashi wa bukine, ufuma kwi bataata, ye ukanshimuna.

Yoano 16:28

Amiwa nafumine kwi bataata, naiya pano pantanda, kabiji mbena kufuma pano pantanda, ne kuya kwi bataata.”

Yoano 17:5

Pano, anweba Taata! Muntumbijike ko muji anweba bene na lonkalwa lukumo lo najinga naalo ko muji, pano pantanda kasa pakyangye kulengwa.

Yoano 20:12

wamwene bamalaika babiji mu bitoka kasa baikala, umo ku mitwe, ne mukwabo ku maulu, konka kwalaajile mubiji wa Yesu.

Yoano 6:62

Nanchi inge mukamone Mwana Muntu sa akanjila ko ajinga kala mukoba byepi?

Byubilo 1:19

Ne akyo kyayukanyikilwe ku bonse bangikazhi bamu Yelusalema, onkao mambo mu mulaka wabo abwa bujimi bebutelele amba, Akeladama, kulumbulula amba, “Bujimi bwa mashi.”)

Byubilo 10:34

Ponkapo Petelo watatwile kwamba amba, “Kine pano nayuka namba aye Lesa kechi utala ku bilungi bya bantu ne.

Byubilo 14:27

Kabiji byo bafikile, bakonkenye pamo kipwilo, bebabujile byonsetu byaubile Lesa, ne byo a shinkwijile Bangentila kibelo kya lwitabilo.

Byubilo 20:28

Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.

Loma 10:12

Mambo Bayudea ne Bagiliki kechi bapusana ne; mambo Nkambo umo ye Nkambo wa bonse, kabiji Aye wibapesha bonse bamwita.

Loma 10:18

Bino amiwa naipuzha namba, nanchi kechi ba umvwine nenyi? Ee, kine ba umvwine, “Jiwi jabo jakumbana pano pantanda ponse, ne byambo byabo nabyo byafika ne kwapela ntanda.”

Loma 16:25

Pano kwi aye wakonsha kwimukosesha monka mwayila Mambo ami Awama ne kusapwila kwa Yesu Kilishitu, mwayila lumwekesho lwa akya kyafyamikile myaka ya kala.

Loma 16:26

Pakuba pano, kyasololwa, kabiji kyayukanyikwa mu binembelo bya bangauzhi, monka mwayila mukambizho wa Lesa wa myaka yonse, amba bonse Bangentila belukokele lwitabilo.

Loma 3:4

Abyo ne! Lesa ekale wa kine nangwa bantu bonse baikala ke ba bubela. Monka mo kyanembelwa amba, “Bemubingishe mu byambo byenu, kabiji mukabingishiwa pa kwiya mukije.”

Loma 8:3

Mambo Lesa wikyubile akya kyakankelwe kuuba Mizhilo na mambo a kunekena kwa mubiji wa buntunshi, byo atumine Mwananji mwine mu kipasha kya mubiji wa bundengamambo amba ekale ke kitapisho kya mambo, aye wibuzhachisha bundengamambo mu buntunshi.

Loma 9:5

ne bene bashakulu bo babo, kabiji mo mukisemi kyabo moaishijile Kilishitu kumubiji. Ye mwine wa byonse, ye Lesa utotwa pe myaka yonse! Amena.

1 Kolinda 15:47

Muntu mutanshi walengelwe ku lukungu lwa panshi, muntu wa bubiji wafumine mwiulu.

1 Kolinda 2:7

Bino twamba maana a Lesa a mu byafyamika, o afyamikile kala o atongwejile jimo Lesa mu kwituletela lukumo pano pantanda kasa pakyangye kulengwa.

2 kolinda 1:19

Mambo Mwana Lesa, Yesu Kilishitu, yenka ye twimusapwijile atweba, amiwa ne Silivanusa, ne Timoti, kechi wajinga wa kuzhinauka amba, “Ee”, kabiji amba, “Ine”, ine, pakuba mwi aye mwajingatu “Ee”.

Ngalatiya 2:8

Mambo Lesa waingijilenga mwi Petelo mu kumupa butumwa bwa ku bamukanda ye waingijilenga ne mwi amiwa mu kumpa butumwa bwa ku Bangentila.

Ngalatiya 4:4

Bino pene po kyafikijile kimye, Lesa watumine Mwananji wasemenwe mu mwanamukazhi, wasemenwe mu mizhilo,

Efisesa 1:9

Byo etusolwejile akya kyafyamika kya ku muchima wanji, monka mwayila akya kyamutokela ku muchima kyo afukwijile jimo mwi Kilishitu.

Efisesa 6:19

Ne amiwa mwine pamo namba, byambo bimpewe amiwa pa kwasamika kanwa kami, mu kwibabuula na kuchinchika akya kyafyamika kya Mambo Awama.

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Kolose 1:27

Abo, boaswile Lesa kwibayukisha byo buji bukata bwa lukumo lwa mu Bangentila lwa ano mambo afyamikile. Kokuuba amba, Kilishitu uji mwi anweba lo luketekelo lwa lukumo.

Kolose 1:6

Ao aishile kwi anweba monka mo aikajikilwa pano pantanda kasa apanga bipangwa ne kuya na kunanuka, byo auba ne mwi anweba, kufuma ku juba jitanshi jo mwiomvwine ne kwibuyukisha bupe bwa Lesa kya kine.

Kolose 2:2

Namba michima yabo itundaikwe bulongo bakwatankane ke umo mu butemwe, kabiji bekale na bunonshi bonse bwa maana a kukwatankanya ne kuyukisha kyafyamika kya Lesa, ye Kilishitu.

2 Tesalonika 1:10

mu joja juba byo akeya na kutumbijikilwa mu bazhijikwa banji ne kumukomoka ku bonse baitabila. Mambo ne anweba mwaitabijile kushimuna kwetu.

2 Tesalonika 2:7

Mambo akya kyafyamika kya bumpupabizhila kibena kwingila ne pa kino kimye, bino ko aji umo ubena kwikikanya mu kino kimye poso byo bakamufumyapo.

1 Timoti 3:9

Bafwainwa kulama byafyamika bya lwitabilo na muchima watoka.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Bahebelu 7:7

Kwa kubula kuzhinauka, mucheche ye upeshiwa ku mukatampe.

Bahebelu 8:1

Kine kintu kikatampe kyo tubena kwamba kyo kino amba atweba tuji na Ng'anga Mukatampe, umo waikala ku kilujo kya jitanda ja Mfumu wa mwiulu.

1 Petelo 1:12

Kabiji kibabujilwe abo amba kechi babena kwiingijila abo bene ne, poso kwimwingijila anweba, mu bintu byo bemubujile anweba kupichila mu boba basapwijile Mambo Awama kwi anweba na Mupashi Wazhila watuminwe kufuma mwiulu, bino bintu ne bamalaika nabo basakisha kwibimona.

1 Petelo 1:20

Ye basalulwijile jimo pano pantanda kasa pakyangye kulengwa, pakuba wasololwa kuno kumpelo ya myaka na mambo a anweba.

1 Petelo 1:21

Mwaitabila Lesa kupichila mwi aye, ye basangwile mu bafu ne kumupa lukumo, amba lwitabilo lwenu ne luketekelo lwenu lwikale mwi Lesa.

1 Petelo 3:18

Mambo Kilishitu naye wiamanamijile mambo jimo jonka, aye waoloka na mambo a babula koloka, amba etufikizhe kwi Lesa, waipayilwe mu mubiji, bino waubilwe bumi mu mupashi,

1 Petelo 3:22

Aye waya mwiulu, kabiji uji ku kilujo kya Lesa, ne bamalaika ne ba luusa, ne ba bulume kasa bamunekenena.

1 Yoano 1:2

Ne abwa Bumi bwamwekele, kabiji twibumona, ne kushimuna twibushimuna, ne kwimubuula anweba abwa Bumi bwa myaka ne myaka, bo bwajinga ne Taata kabiji be bumwesheshe ne kwi atweba.

1 Yoano 3:5

Kabiji anweba mwayuka amba aye wamwekele amba afumye bubi kabiji amba mwi aye kechi muji bubi ne.

1 Yoano 3:8

Awa utwajijila na kulenga mambo ye wa kwa Diabola, aye Diabola ye ndengamambo kufumatu ne ku ntendekelo. Onkao mambo Mwana Lesa kyokyo amwekejile amba onaune mingilo ya kwa Diabola.

Lumwekesho 17:5

Ne pa kilungi kyanji panembelwe jizhina ja bufyamfya, ja lumbulula amba, “Babilona mukatampe, inanja ba pite ne bya bunya pano pantanda.”

Lumwekesho 17:7

Ne aye malaika wang'ambijile amba, “Wakumya ka? Amiwa nsakukubula kyafyamika kya aye mwanamukazhi, ne kya lukinyama wamusenda aye uji na mitwe itanu na ibiji ne nsengo jikumi.

Lumwekesho 7:9

Pakupita bibye, ponkapo namwene jibumba jikatampe, jo babula kukonsha kubala nangwa ku muntu umo ne! Bafuma mu mikoka yonse ne mu bisaka byonse ne mu mitundu yonse ne njimi yonse ya bantu, kasa baimana ku meso a jitanda ne ku meso a Mwana Mukooko, kasa bavwala bivwalo bitoka, ne mapambo a bisonga mu maboko abo.