1 Timoti 3:1 - KNTP

¹ Kino kyambo kyokya kishinka, umvwe muntu wakeba mwingilo wa bukulumpe bwa kulama kipwilo, ubena kukeba mwingilo wawama.

1 Timoti 3:1 Iomraidhean Croise

Luka 15:10

Byonkabyo, nemwambila namba, kuji lusekelo ku meso a bamalaika ba Lesa pa ndengamambo umo walapila.”

Byubilo 1:20

Mambo kyanembwa mu buku wa Masalamo amba, “Kifulo kyanji poaikajile paluke ke pamasala, Kechi pekale muntu nangwa umo ne. Kabiji amba, bukulumpe bwanji ungi ebuje.”

Byubilo 20:28

Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.

Loma 11:13

Pano amiwa mbena kwamba kwi anweba Bangentila. Byonji mutumwa ku Bangentila, natumbijika mwingilo wami.

Efisesa 4:12

Na mambo a kwibanengezha bazhijikwa amba bekale ba kwingila mwingilo, wa kukomesha mubiji wa Kilishitu.

Filipai 1:1

Kufuma kwi Paulo ne Timoti bakalume bakwa Kilishitu Yesu. Ku bonse bazhijikwa baji mwi Kilishitu Yesu, baji mu Filipai ne bantangi balama kipwilo pamo ne bankwasho.

Tesalonika 5:14

Kabiji anweba bakwetu twimufunda namba, mwibafunjishe ba nkope, koseshai ba michima ya pungila, kwashai banekena, mwikale bakooka michima ku bonse.

1 Timoti 1:15

Kino kyambo kyokya kishinka, kabiji kyafwainwa kwitabilwa konse amba, Kilishitu Yesu waishile pano pantanda na kupulusha bandengamambo. Mwi abo, amiwa yami ndegamambo mwine wakilaamo,

1 Timoti 4:9

Kino kyambo kyokya kishinka, kabiji kyafwainwa kwitabilwa konse.

2 Timoti 2:11

Kino kyambo kyokya kishinka amba, “Umvwe twafwile nanji pamo, tukekala na bumi pamo ne aye.

Titusa 1:7

Mambo mukulumpe ulama kipwilo wafwainwa kwikala wabula mambo byo aji kalama wa mwingilo wa Lesa. Kechi usakatu monka mwaswila muchima wanji mwine ne, nangwa uzhingila bukiji ne, nangwa upendwa maalwa ne, nangwa upumang'ana ne, nangwa wa lwiso lwa mali ne.

Titusa 3:8

Kino kyambo kyokya kishinka. Kabiji na mambo a bino bintu nasaka namba ukoselepotu na kwamba namba, aba bamwitabila Lesa batesheko muchima na kuuba mingilo yawama, bino bintu byawamisha, mambo bantu bamwenamo byawama.

Bahebelu 12:15

Jimukai kuchiina amba, nangwa umo wakabwela mu nyuma ne kufuma ku bupe bwa Lesa. Amba muzhazhi wa bululu wakeya kusapuka ne kwimukatazha ne bavula bakatamishiwa.

1 Petelo 2:25

Mambo anweba mwaendelenga kyendeende nobe mikooko yalubilamo, pakuba pano mwabwela kwi Kafunga ne Kalama wa michima yenu.

1 Petelo 4:15

Bino kechi umo wa mwi anweba amaname mambo a kwikala mbanzhi, nangwa ngivi nangwa ngubabibi nangwa wa kwibiika mu mambo a bakwabo ne.

1 Petelo 5:2

Namba lamai jitanga ja Lesa jiji mwenu, kasa mwijiketa, kechi na mambo a kwimukanjikizha ne, poso na muchima wa kifyele, monka mwayila muchima wa Lesa, nangwa na mambo a mali ne, poso na muchima yense.