1 Timoti 2:8 - KNTP

⁸ Byonkabyo nasaka namba banabalume balombe konse konse kasa basuntula maboko abo azhila, kwa kubula bukaji ne kutoboka.

1 Timoti 2:8 Iomraidhean Croise

Mateo 21:21

Kumvwa Yesu wibambijile amba, “Kine ne mwambila namba, kana muji na lwitabilo ne kuzhinauka ne, kechi mukooba kyonkakye kyaubiwapo ku mukuyu ne, mukambila nangwa uno mutumba amba ushikulwe, utayiwe mu kalunga ka mema, kikobiwa byonkabyo.

Mateo 5:44

Pakuba amiwa nemwambila namba, kasa mwibatemwa balwanyi benu ne kwibalombelela bemushikwa,

Mateo 6:12

Ne kwitulekelako mambo etu, byonka byo twibalekela betulenga mambo.

Luka 23:34

Kabiji Yesu wa ambile amba, “Taata! Balekelaiko mambo, mambo kechi bayuka kyo babena kuuba ne.” Kabiji ne abo kasa bataaya bubale bwa kwiabenya bivwalo byanji.

Luka 24:50

Ponkapo aye wibatangijile kuya na kufika ku Betani, kabiji byo asuntwile maboko anji wibapesheshe ne kwibapesha.

Yoano 4:21

Yesu wa ambile amba, “Obewa mwanamukazhi ngitabile amiwa, juba jibena kwiya jo mukabula kupopwela Bataata pa ye uno mutumba, nangwa mu Yelusalema ne.

Byubilo 10:2

Aye wanemekanga ne kumwakamwa Lesa pamo naba mukisemi kyanji bonse, kabiji wapainenga bya bukwasho byavula ku bakajilwa, ne kulomba kwi Lesa moba onse.

Byubilo 10:31

wang'ambijile amba, Koneleusa, milombelo yobe yaumvwanyika, kabiji aye Lesa wamona ne bya bupe byobe byoukwasha balanda.

Byubilo 10:4

Ne aye pakumutajisha wa umvwine moyo ne kwamba amba, “Amba ka Nkambo?” Kumvwa aye amba, “Milombelo yobe ne bya bupe byobe ku balanda byafika kwi Lesa, ke bya kukuvulukilako.

Byubilo 21:5

Kabiji byotwapwishishe oa moba, twafumineko twayilenga pa lwendo lwetu, ne abo bonse pamo ne bakazhi babo ne baana, betushinjikinyeko, poso byo betupezhezhe pangye ya muzhi, ne pa kufukama panshi ku kitulu twalombele ne kwishajikapo.

Byubilo 7:60

Ponkapo wafukamine panshi, ne kubijika na jiwi jikatampe amba, “Nkambo! Kechi mwibape ano mambo ne!” Pa kupwisha kwamba byobyo, wafwile.

1 Kolinda 1:2

Ku kipwilo kya Lesa kiji mu Kolinda, baitwa amba bekale bazhila mwi Kilishitu Yesu, ne ku bonse beta pa jizhina ja Nkambo Yesu Kilishitu konse konse, Nkambo yabo ne wetu pamo.

1 Kolinda 7:7

Byonkabyo inge bantu bonse bajinga pamo byonka byonji amiwa inge natemwa. Bino bantu bonse baji na bya bupe byabo bene byo batambula kwi Lesa bya pusanapusana.

2 kolinda 2:14

Bino sante ekale kwi Lesa! Ye witutangijila mu lushinjilo mwi Kilishitu moba onse, ne kusolwela mwi atweba bwema bwawama bwa maana a kumuyuka aye konse, konse.

Filipai 1:12

Anweba balongo bami nasaka namba muyuke, amba abya byammwekejile amiwa, byakwasha kutwala Mambo Awama kulutwe.

Tesalonika 1:8

Mambo konka kwi anweba mambo a Nkambo aya nkuwa, kechi mu Makedonya ne mu Akaya monkatu ne, pakuba lwitabilo lwenu lwa mwi Lesa lwakumbana monse monse. Onkao mambo kechi tuji na bya kwamba ne.

1 Timoti 5:14

Byonkabyo nasaka namba, banabakazhi bafwilwa banyike basongolwe, baseme baana, balame mazubo abo, ne kumushiila aye mulwanyi mwa kwitunenena bibi ne.

Titusa 3:8

Kino kyambo kyokya kishinka. Kabiji na mambo a bino bintu nasaka namba ukoselepotu na kwamba namba, aba bamwitabila Lesa batesheko muchima na kuuba mingilo yawama, bino bintu byawamisha, mambo bantu bamwenamo byawama.

Bahebelu 10:22

Twayai tufwenye kwipi na muchima wa kine wayula lwitabilo lwa kubula kuzhinauka, na michima yetu kasa yatokeshiwa kala ku bubi bwituzhachisha ne mibiji yetu kasa ya ovwewa kala na mema atoka.

Yakoba 4:8

Fwenyai kwipi ne Lesa, kabiji ne aye ukafwenya kwipi ne anweba. Ovwai maboko enu, anweba bandengamambo! Tokeshai michima yenu, anweba ba michima ibiji.

1 Petelo 3:7

Ne anweba banabalume basongola byonkabyo ikalai na bakazhi benu monka mu maana ne kwibanemeka nobe kijiilo kyakila kunekena, byo baji banswanyi pamo ne anweba ba bupe bwa bumi. Kuchiina amba milombelo yenu yakeya kulubankana.