1 Timoti 2:6 - KNTP

⁶ ye wipaine mwine na kwibakuula bonse. O mambo ashimunwa mu myaka yao yafwainwa.

1 Timoti 2:6 Iomraidhean Croise

Mateo 20:28

byonka byo aishile Mwana Muntu, kechi waishile amba, bamwingijile ne, poso amba ebengijile, ne kupana mweo wanji ke kya kukuula bavula.”

Mako 1:15

“Kimye kyafika kala, ne bufumu bwa Lesa bwafwenya ke pepi! Lapilai ne kwitabila mu Mambo Awama.”

Mako 10:45

Mambo ne Mwana Muntu kechi waishile amba bamwingijile ne; poso amba ebengijile, ne kupana mweo wanji ke kya kukuula bavula.”

Yoano 10:15

Monka mwangyukila bataata amiwa, ne amiwa nebayuka bataata, ne amiwa neyelela mikooko mweo wami.

Yoano 6:51

Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”

Loma 16:26

Pakuba pano, kyasololwa, kabiji kyayukanyikwa mu binembelo bya bangauzhi, monka mwayila mukambizho wa Lesa wa myaka yonse, amba bonse Bangentila belukokele lwitabilo.

Loma 5:6

Mambo byo twakijinga banekena, mu kimye kyafwainwa Kilishitu wibafwijile babula kwakamwa Lesa.

1 Kolinda 1:6

Kushimuna kwa kumushimuna Kilishitu kwa lumbulukila mwi anweba.

2 kolinda 5:21

Aye wabujile kuyuka bundengamambo bamwalwile ke bundengamambo na mambo a atweba, amba atweba twaluke ke bololoke bwa Lesa mwi aye.

Ngalatiya 1:4

Ye wipaine mwine na mambo a bubi bwetu, mu kwitupokolola ku bya pano pantanda pa katataka pabiipa, monka mwayila muchima wa Lesa Taata wetu.

Ngalatiya 4:4

Bino pene po kyafikijile kimye, Lesa watumine Mwananji wasemenwe mu mwanamukazhi, wasemenwe mu mizhilo,

Efisesa 1:17

namba Lesa wa Nkambo yetu Yesu Kilishitu, Shanja lukumo, emupe Mupashi wa maana ne wa lumwekesho lwa kumuyukisha aye mwine.

Efisesa 1:7

Mwi Kilishitu mo muji bukuuzhi bwetu bwa mu mashi anji, lo lulekelo lwa mizhilulwila yetu, monka mwayila bunonshi bwa bupe bwanji,

Efisesa 3:5

Kyabujilwe kusololwa ku bantu bakwabo bamu myaka ya kala pamo ne byo kyasololwa pa kino kimye ku batumwa banji bazhila ne bangauzhi kwi aye Mupashi.

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

2 Tesalonika 1:10

mu joja juba byo akeya na kutumbijikilwa mu bazhijikwa banji ne kumukomoka ku bonse baitabila. Mambo ne anweba mwaitabijile kushimuna kwetu.

1 Timoti 6:15

Loakamwesha mu kimye kyanji mwine, yenkaye wa bibusa, wa luusa lonse, Mfumu wa bamfumu, ne Nkambo wa ba nkambo.

2 Timoti 1:8

Byonkabyo obewa kechi wikuubile bumvu kushimuna ko umushimuna Nkambo yetu ne, nangwa kungubila bumvu amiwa kaili wanji ne. Bino manama pamo ne amiwa mu Mambo Awama monka mwayila bulume bwa Lesa.

Titusa 1:3

kabiji pa kimye kyafwainwa mwine wikimwesheshe mu byambo byanji kupichila mu kusapwila ko napelwe amiwa monka mwayila mukambizho wa Lesa Mupulushi wetu.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Bahebelu 9:12

Aye watwelele jimo jonka kikupu amwa Mwazhijisha kechi na mashi a bambuzhi ne a twana twa ng'ombe ne, poso na mashi anji mwine, ne kwitumwena bukuuzhi bwa myaka.

1 Petelo 2:24

Mwine ye wasendele mambo etu mu mubiji wanji konka ku kichi, amba atweba tufwe ku bundengamambo ne kwikala mu bololoke. Ko ku bipumo byanji ko mwabukilwa.

1 Petelo 3:18

Mambo Kilishitu naye wiamanamijile mambo jimo jonka, aye waoloka na mambo a babula koloka, amba etufikizhe kwi Lesa, waipayilwe mu mubiji, bino waubilwe bumi mu mupashi,

1 Yoano 4:10

Butemwe buji bino; kechi amba atweba twamutemenwe Lesa ne, poso amba aye witutemenwe atweba ne kutuma Mwananji amba ekale ke mfuto ya mambo etu.

Lumwekesho 1:5

kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.