1 Timoti 2:2 - KNTP

² ne bamfumu, ne bonse baji mu bukulumpe namba, twikale mu bwikalo bwa mutende ne bwazhindama mu kunemeka Lesa konse, ne na mushingi.

1 Timoti 2:2 Iomraidhean Croise

Luka 1:6

Bubiji bwabo bajinga baoloka ku meso a Lesa, ba endelenga kwakubula mambo monka mu mikambizho ne mu mizhilo ya Nkambo.

Luka 2:25

Kabiji kwajinga muntu mu Yelusalema, jizhina janji Shimeona, ne uno muntu wajinga waoloka kabiji wa akamwa Lesa, kasa apembelela lutekenesho lwa bena Isalela, ne Mupashi Wazhila wajinga pe aye.

Byubilo 10:22

Kumvwa abo ba mwambijile amba, Koneleusa, mukulumpe wa bashilikale, muntu waoloka, wa akamwa Lesa, watelwa bulongo ku mukoka yense wa Bayudea, ba mwambijile kwi malaika wazhila wa Lesa, kwimulonda anweba ne kwimutwala ku nzubo yanji, amba omvwe byambo kwi anweba.

Byubilo 24:16

Byonkabyo nateshako bingi muchima namba ngikale na muchima wabula mambo kwi Lesa ne ku bantu moba onse.

Loma 12:18

Umvwe kyakonsheka kubiwa, monka mwayila bulume bwenu, mwikale mu mutende na bantu bonse.

Filipai 4:8

Kyapelaako, balongo bami, langulukai byonse bya kine, ne byonse bya mushingi, ne byonse byaoloka ne byonse byawamisha, ne byonse bya buuya, ne byonse bya lusa, kabiji umvwe kobuji buwame ne lutotelo, bilangulukai bino bintu.

Tesalonika 4:11

Kabiji muteshe michima kwikala mu mutende ne kwingila mingilo yenu anweba bene, kasa mwingila na maboko enu monka mo twimulayijile.

Bahebelu 12:14

Mwesekeshe kwikala na mutende na bantu bonse ne buzhile nabo pamo, mambo pakubulwabo kafwako nangwa umo ukamumona Nkambo ne.