1 Timoti 1:9 - KNTP

⁹ Byo twayuka namba, Mizhilo kechi yalengejilwe muntu waoloka ne, poso bampupabizhila ne bakajimbulushi, ne baabula kwakamwa Lesa, ne bandengamambo, ne baabula kuzhila, ne baatu, ne bepaya bashabo ne bainabo, ne bepaya bantu bakwabo,

1 Timoti 1:9 Iomraidhean Croise

Mateo 10:21

“Mambo muntu ukafikizha mulongo wanji ku lufu; ne shanji naye ukasolola mwananji; ne baana nabo bakebabuukila bebasema ne kwibepayisha.

Loma 1:30

ne ba mwenga, ne bamushikwa Lesa, ne ba misuula, ne benemeka bene, ne belundumika, ne betota, ne baleeta byabipa, ne balengulula bebasema;

Loma 4:13

Mambo awa mulaye, ye balayile Abulahama ne ba munkunwa yanji amba ukekala nswanyi wa pano pantanda, kechi walaijilwe mu Mizhilo ne, walaijilwe mu bololoke bwa mu lwitabilo.

Loma 5:20

Pano Mizhilo nayo yatwelele amba, kuzhilulula kuvule; bino pavujile bundengamambo, ne bupe nabo bwakijishetu kuvula.

Loma 6:14

Mambo bundengamambo kechi bwafwainwa kwimunonka buzha ne, mambo kechi muji mu Mizhilo ne, muji mu bupe.

Ngalatiya 3:19

Nanchi mizhilo yayila muka? Yabikilweko na mambo a mizhilulwila poso byo akeya awa lukunwa ye balayile mulaye. Kabiji yatongwelwe na bamalaika ne kuleetwa mu maboko a kwa ng'ambi.

Ngalatiya 5:18

Bino umvwe bemutangijila ku Mupashi, kechi muji mu Mizhilo ne.

Ngalatiya 5:21

ne bikonkoma ne kupendwa ne kusangalala kubi ne bikwabotu bya musango uno. Mambo a bino bintu ne mujimuna pamo byonka byo nemujimwine kala, namba aba boba bya byonkabyo kechi bakaswana bufumu bwa Lesa ne.

Ngalatiya 5:23

ne bukimote ne kwikanya. Ku bya byonka bino kechi kuji muzhilo ne.

2 Tesalonika 2:8

Kabiji pa kyokya kimye awa mpupabizhila ukamweka, yenkawa yeakepaya Nkambo Yesu na muuya wa mu kanwa kanji, ne kumuvulang'anya ke waatu na kumweka kwa kwiya kwanji.

1 Timoti 4:7

Ukaane bishimi byatu bishimikila banabakazhi bakote. Kabiji wifunjishenga obewa mwine ulumbuluke mu munema wa kunemeka Lesa.

1 Timoti 6:20

Kine obewa Timoti, lama akya kyo wapelwe; vundamina ku bya kyambeambe byatu, ne ku lupata lwa ao o bateela mu bubela amba, “maana.”

2 Timoti 2:16

Chiina bya bu kyambeambe, mambo ba byobyo bayangatu mu bumbulwa kwakamwa Lesa.

2 Timoti 3:2

Mambo bantu bakekala ba kwitemwatu abo bene, ba kutemwa mali, ba kwitota, ba kwilemena, ba mwenga, ba kulengulula bebasema, ba kubula kusanta, ba kubula kuzhila,

Titusa 1:10

Mambo ko baji bavula bamilengulwila, ba kyabauki, bajimbijimbi, bino bamukanda bo bene bakilaamo.

Titusa 1:16

Abo bamba amba, Lesa twamuyuka, bino mu mingilo yabo bamukana, byo baji batamishatu, ne bamilengulwila, ne mingilo yonse yawama kechi ibafwainwa ne.

Titusa 1:6

kyafwainwa kana muntu wabula mambo, uji na mukazhi umo, uji na baana baitabila, babula kaneneno amba bancha, nangwa amba, bamilengulwila.

Titusa 3:3

Mambo ne atweba kala twajinga babula maana, bamilengulwila, bajimbaikwa, kasa twanonkwa buzha ku bya lwiso ne ku bya lusangajiko bya misango ne misango, kasa twaikala mubushikwe ne mu kikonkoma. Betushikilwe kabiji twishikilwe ne atweba bene na bene.

Bahebelu 11:31

Ko ku lwitabilo Lehaba pite ko abujile konaika pamo ne abo bamilengulwila, byo ebatambwijile mu mutende beyendejile ntanda.

Bahebelu 12:16

Amba kechi kwikale nangwa umo wa bulalelale nangwa wabula kuzhila nobe Isao ne, yenka wapoteshe bubeji bwanji na kijiilo kimo kya kajo.

1 Petelo 2:7

Byonkabyo buneme bo bwenu anweba mwaitabila. Pakuba kwi abo babula kwitabila. “Aja jibwe jo balengulwile bashimika, jo jaalukile ke mutwe wa jikonka.”

1 Petelo 3:20

Bonka balengulwile kala, byo kwapembejile kukooka muchima kwa Lesa mu moba a Nowa byo a lengelenga bwato, mo bapulukijile bamo bacheche, bo batanu na basatu na mema,

1 Petelo 4:18

Kabiji umvwe, “Kyakatazha pa kupuluka waoloka pakuba wabula kwakamwa Lesa ne ndengamambo ukekala ke wa byepi?”

Yuda 1:15

mu kwibachibila mambo bonse, ne kwibazhachisha babula kwakamwa Lesa bonse na mambo a mingilo yabo yonse ya kubula kwakamwa Lesa, yo baingila mu kubula kwakamwa Lesa, ne na byambo byonse byakosa byo bamwambila bandengamambo babula kwakamwa Lesa.”

Lumwekesho 21:8

Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”

Lumwekesho 22:15

Pangye ya muzhi paji bakabwa, ne bang'anga ba lubuko, ne ba bulalelale, ne bambanzhi, ne bapopwela bankishi, ne bonse batemwa kwamba ne kuuba bya bubela.