1 Timoti 1:5 - KNTP

⁵ Uno mukambizho wayila mu butemwe bufuma mu muchima watoka, ne mu muchima ubula kwizhachisha, ne mu lwitabilo lwabula bujimbijimbi.

1 Timoti 1:5 Iomraidhean Croise

Mateo 12:35

Muntu wawama mu bunonshi bwanji bwawama ulupula byawama; kabiji muntu mubi mu bunonshi bwanji bwatama, ulupula byatama.”

Mateo 5:8

Ba michima yatoka bo batokwa; mambo bakamumona Lesa!

Byubilo 15:9

Kabiji kechi witupusenye atweba ne abo ne, pa kutokesha michima yabo ku lwitabilo.

Byubilo 23:1

Kabiji Paulo watajile pajinga bena kije, wibambijile amba, “Anweba bakwetu, ku meso a Lesa konaikajilenga na muchima watoka wakubula kwizhachisha, kufika ne ku jino juba ja leelo.”

Byubilo 24:16

Byonkabyo nateshako bingi muchima namba ngikale na muchima wabula mambo kwi Lesa ne ku bantu moba onse.

Loma 10:4

Mambo Kilishitu yo mpelo ya Mizhilo pakuba amba, bonse baitabila bamone bololoke.

Loma 12:9

Butemwe bwikale bwa kubula bujimbijimbi. Shikwai byatama, kakachilai kyawama.

Loma 14:15

Mambo umvwe na mambo a kajo ko uja wamufichisha mulongo wobe ku muchima, kechi ubenakwenda mu butemwe ne. Kechi umonaune aye yeafwijile Kilishitu ne.

Loma 9:1

Naamba kya kine mwi Kilishitu; kechi nabepa ne. Ne jiwi ja mu muchima wami jibena kungitabizha pamo ne aye Mupashi Wazhila,

1 Kolinda 13:1

Nangwa ng'amba na njimi ya bantu ne ya bamalaika, umvwe ne kwikala na butemwe ne, naaluka pamo nobe kuvuma kwa kyela kya lubemba nangwa kuvuma kwa ngengele.

2 kolinda 1:12

Mambo kwitota kwetu ko ko kuno, ko kushimuna kwa jiwi ja mu michima yetu, amba mo mu buzhile ne mu bumuchima wa bukine bwa Lesa, momo twaikela pano pantanda, pakuba kwi anweba ko kwine, kechi mu maana a buntunshi ne, poso mu bupe bwa Lesa.

Ngalatiya 5:22

Pakuba bipangwa bya Mupashi bo butemwe ne lusekelo ne mutende ne kukooka muchima ne lusa ne buwame ne bukishinka,

Ngalatiya 5:6

Mambo mwi Kilishitu Yesu mukanda yewatu, ne kubulwa mukanda nako ko kwatu, kana lwitabilo lwingila mu butemwe.

1 Timoti 1:18

Uno mukambizho nakufikizhaye, obewa mwanami Timoti, monka mwayila byambo byo ba ambile bangauzhi na mambo a obewa. Namba ulwenga bulwi bwawama,

1 Timoti 1:19

kasa ulama lwitabilo na muchima watoka. Mambo bamo, byo bamutaaya ao muchima ubula kwizhachisha balobesha lwitabilo lwabo nobe bwato.

1 Timoti 3:9

Bafwainwa kulama byafyamika bya lwitabilo na muchima watoka.

2 Timoti 1:3

Namusanchila Lesa ye ng'ingijila na muchima watoka, byonka byaubilenga bashakulu bami. Byo mbena ku kuvuluka mu milombelo yami moba onse, bufuku ne mute.

2 Timoti 1:5

Navuluka mambo a lwitabilo lwa kine luji mwi obewa, lonkalwa lwajinga patanshi mwi nkambo yobe Loisa, ne mwi inobe Yunisa. Kabiji nayukishatu namba, luji ne mwi obewa pamo.

2 Timoti 2:22

Kabiji nyema bya lwiso bya bwanyike, ulonde bololoke, ne lwitabilo, ne butemwe, ne mutende, pamo na boba beta Nkambo na muchima watoka.

Titusa 1:15

Ku bamichima yatoka bintu byonse byatoka; pakuba ku batamishiwa kala ne babula kwitabila, kafwako nangwa ka kintu kamo katoka ne, pakuba maana abo ne jiwi ja mu michima yabo byatamishiwa kala.

Bahebelu 10:22

Twayai tufwenye kwipi na muchima wa kine wayula lwitabilo lwa kubula kuzhinauka, na michima yetu kasa yatokeshiwa kala ku bubi bwituzhachisha ne mibiji yetu kasa ya ovwewa kala na mema atoka.

Bahebelu 13:18

Tulombelelai, mambo twaketekela kine namba tuji na jiwi ja mu muchima jibula kwituzhachisha, kasa tusaka kuuba bulongotu mu bintu byonse.

Bahebelu 9:14

Nanchi mashi a Kilishitu yenka wilambwile mwine kwi Lesa mu Mupashi wa myaka kasa abula bulema akakijishamo kwiitokesha michima yetu ku mingilo ifu amba tumwingijile Lesa mumi.

Yakoba 4:8

Fwenyai kwipi ne Lesa, kabiji ne aye ukafwenya kwipi ne anweba. Ovwai maboko enu, anweba bandengamambo! Tokeshai michima yenu, anweba ba michima ibiji.

1 Petelo 1:22

Byo mwatokesha michima yenu na kukookela bya bukine ne kumwenamo butemwe bwa kine bwa kutemwa balongo, kasa mwitemwa anweba bene na bene na muchima watoka too.

1 Petelo 3:16

bino kasa muba na bukimote ne na mushingi, mwikale na michima yatoka, amba aba banena bwikalo bwenu bwawama bwa mwi Kilishitu, balengeshiwe bumvu.

1 Petelo 3:21

o afwanyikizha lubatizhilo lwimupulusha ne anweba pano, kechi na kufumya biko pa mubiji ne, poso kusakisha kwi Lesa muchima wawama ubula kwizhachisha, monka mu lusanguko lwa Yesu Kilishitu.

1 Petelo 4:8

Kyakila byonse itemwishai anweba bene na bene. Mambo butemwe buvweta pa mambo avula.

2 Petelo 1:7

ne mu kunemeka Lesa kwenu namo mu mwenemo butemwe bwa kutemwa balongo, ne mu butemwe bwa kutemwa balongo namo mu mwenemo butemwe bwa kutemwa bonse.

1 Yoano 3:10

Mukino mo mwayukanyikilwa baana ba Lesa, ne baana ba Diabola, bonse babula kuuba bololoke kechi bo bakwa Lesa ne, nangwa aye wabula kutemwa mulongo wanji ne.

1 Yoano 3:23

Kabiji uno ye mukambizho wanji, amba twitabile mu jizhina ja Mwananji Yesu Kilishitu, ne kwitemwa atweba bene na bene, byonka byo etu kambizha aye mwine.

1 Yoano 3:3

Kabiji bonse baji na luno luketekelo mwi Aye, betokesha bene byonka byoatoka Aye mwine.