1 Timoti 1:4 - KNTP

⁴ Nangwa kutaako muchima ku bishimi ne ku bya kulondolola bisemi bibula kupela ne, byo bileeta bya kwipuzhaipuzha, kechi bingila bukalama bwa Lesa bwa mu lwitabilo ne.

1 Timoti 1:4 Iomraidhean Croise

2 kolinda 1:12

Mambo kwitota kwetu ko ko kuno, ko kushimuna kwa jiwi ja mu michima yetu, amba mo mu buzhile ne mu bumuchima wa bukine bwa Lesa, momo twaikela pano pantanda, pakuba kwi anweba ko kwine, kechi mu maana a buntunshi ne, poso mu bupe bwa Lesa.

Efisesa 3:2

umvwe kine mwaumvwine mambo a bukalama bwa bupe bwa Lesa bonampelwe na mambo a anweba,

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

1 Timoti 4:7

Ukaane bishimi byatu bishimikila banabakazhi bakote. Kabiji wifunjishenga obewa mwine ulumbuluke mu munema wa kunemeka Lesa.

1 Timoti 6:11

Pakuba obewa, muntu wa Lesa, unyemeko ku byo bino bintu. Sakisha bololoke, ne munema wa kunemeka Lesa, ne lwitabilo, ne butemwe, ne butekanye, ne bukimote.

1 Timoti 6:20

Kine obewa Timoti, lama akya kyo wapelwe; vundamina ku bya kyambeambe byatu, ne ku lupata lwa ao o bateela mu bubela amba, “maana.”

2 Timoti 2:14

Wibavulule bino bintu, ne kwibakambizha ku meso a Nkambo amba, kechi bapachike lupata lwa byambo ne, mambo lo lwatu, kabiji lwibavulang'anya aba bebyumvwa.

2 Timoti 2:22

Kabiji nyema bya lwiso bya bwanyike, ulonde bololoke, ne lwitabilo, ne butemwe, ne mutende, pamo na boba beta Nkambo na muchima watoka.

2 Timoti 2:23

Pakuba mepuzho a kukosama, ne a bulubi wiakaane, byo wayuka amba, aleeta lutobo.

2 Timoti 4:4

Kabiji bakafutulwila matwi abo kungi kufuma ku bya bukine, ne kusendukila ku bishimitu.

Titusa 1:1

Paulo, kalume wa Lesa, kabiji mutumwa wa Yesu Kilishitu. Nasalulwilwe monka mwayila lwitabilo lwa basalululwa ba Lesa, mu kwibayukisha bukine, mwayila munema wa kunemeka Lesa,

Titusa 1:14

ne kutaako muchima ku bishimi bya Bayudea ne, nangwa ku mikambizho ya bantu bavundamina ku bya bukine ne.

Titusa 3:9

Bino chiina mepuzho a kukosama, ne bya kulondolola bisemi, ne mapata ne lutobo pa mambo a mizhilo, abya byo byatu bya kubula kumwenamo kintu.

Bahebelu 13:9

Kechi mutwalwe mungi ku mafunjisho a misango ne misango ne. Mambo kyo kintu kyawama amba muchima bamukoseshe na bupe, kechi na bya kuja ne; mambo abo bateele michima monka kechi bamwenejilemo kintu ne.

2 Petelo 1:16

Mambo atweba byo twimubujile mambo a bulume ne kwiya kwa Nkambo yetu Yesu Kilishitu, kechi twalondejile bishimi byo bashimikile bantu mu kujimuka kwabo ne, bino atweba bene twi batumonyi ba kumona na meso lukumo lwanji lukatampe.