1 Timoti 1:3 - KNTP

³ Byonka byo nakusashijile byo nasakile kuya ku Makedonya, amba ushale ku Efisesa. Namba wibakambizhe bamo bantu amba kechi bafunjishe mafunjisho angi ne.

1 Timoti 1:3 Iomraidhean Croise

Byubilo 18:19

Kabiji byo afikile ku Efisesa waabene naabo, bino aye mwine wakatwelele mu shinagoga ka aipuzhang'ane naabo Bayudea.

Byubilo 18:21

Bino pa kwibashajikapo, aye wibalayile amba, “Nkabwela ko muji umvwe aye Lesa waswa.” Kabiji wafumineko ku Efisesa na bwato.

Loma 15:26

Mambo kibatokela ku muchima bamu Makedonya ne mu Akaya kupana bya bupe bya kukwasha balanda bamu bazhijikwa bamu Yelusalema.

Loma 16:17

Anweba bakwetu, ne musashijila namba, batajishai aba baleeta lwabano ne bintu byabula kwesakana na mafunjisho o mwafunjile; mwabane naabo.

2 kolinda 11:4

Mambo anweba musendwatu bukiji umvwe umo waiya ko ko, usapwila Yesu ungi, ye twabujile kusapwila atweba, nangwa umvwe mwatambula mupashi ungi, ye mwabujile kutambula, nangwa mwaitaba mambo awama angi, o mwabujile kutambula!

Efisesa 4:14

Amba kechi tukikale banyike ne, kasa tukumpaulwa ne kulelaulwa na luvula lonse lwa mafunjisho a bantu mu bujimuku bubi, bo bebajimukila bantu mu kwibatwala mungi.

Filipai 2:24

Kabiji nji na luketekelo mwi Nkambo namba pakupita kakimye kacheche ne amiwa nsakukeya ko muji.

1 Timoti 4:11

Wibikambizhe bino bintu ne kwibifunjisha.

1 Timoti 4:6

Umvwe wafunjisha bino bintu ku baitabila, ukekala ke wa mwingilo walumbuluka wa kwa Kilishitu Yesu, wikomesha na byambo bya lwitabilo, ne na lufunjisho lwalumbuluka lo walondejilenga kufika ne leelo.

1 Timoti 5:7

Bino bintu nabyo wibikambizhe amba bekale babula kaneneno.

1 Timoti 6:10

Mambo kutemwa mali ye muzhazhi wa misango yonse ya bubi. Bino bamo byo beakumbilwe ebasendwile kufuma ku lwitabilo, ne kwiasa bene na bya bulanda byavula.

1 Timoti 6:17

Banonshi wibakambizhe amba, kechi bekale na michima ya kwitumbijika ne, nangwa kubiika luketekelo lwabo mu bunonshi bwa pano pantanda ne, kana mwi Lesa, ye witupa bintu byavujisha bya kusekelamo.

1 Timoti 6:3

Umvwe muntu wafunjisha lufunjisho lungi ne kwibiswa byambo byalumbuluka bya Nkambo yetu Kilishitu Yesu ne, nangwa lufunjisho lwa mwayila munema wa kunemeka Lesa ne,

2 Timoti 1:18

Aye Nkambo amupe kya kumona lusa mu aja juba! Kabiji ne obewa mwine wayukisha bulongo aya mingilo yavula yo ankwashishenga amiwa ku Efisesa.

2 Yoano 1:7

Mambo bajimbijimbi bavula bapalang'ena pano pantanda, bonkaba babula kwitaba kwiya kwa Yesu mu mubiji. Uno ye awa mujimbijimbi ne anti kilishitu.

Lumwekesho 2:14

Bino nji na bimo bicheche byonatala bibi mwi obewa, mambo uji na bamo baalama lufunjisho lwa Balamu, ye wafunjishe Balaka kwibata bena Isalela kya kwituntulako kya kuja byo batapisha ku bankishi, ne kyakuuba bulalelale.

Lumwekesho 2:20

Pakuba nji na kino kyo natala bibi mwi obewa, byo wamulekatu awa mwanamukazhi Yezebeli, yenkawa witeela amba, ye ngauzhi. Kabiji aye wibafunjisha ne kwibongola bakalume bami kuuba bulalelale, ne kuja byo batapisha ku bankishi.