1 Timoti 1:16 - KNTP

¹⁶ na onka ano mambo kyo namwenejile lusa, amba monka mwi amiwa, byo nji mwine wakilamo kulenga mambo, Kilishitu Yesu amwesheshemo kukooka muchima kwanji konse, ngikale wa kumwenako bonse bakamwitabila mu kumona bumi bwa myaka.

1 Timoti 1:16 Iomraidhean Croise

Luka 15:10

Byonkabyo, nemwambila namba, kuji lusekelo ku meso a bamalaika ba Lesa pa ndengamambo umo walapila.”

Luka 23:43

Ne aye wamwambijile amba, “Kine nemwambila namba, jonka jino juba ja leelo musa kwikala ne amiwa mu Paladisa.”

Luka 7:47

Onkao mambo nemwambila namba, mambo anji, nangwa avula, alekelwa. Mambo wamwesha butemwe bwabaya. Mambo ye balekela kacheche utemwa pacheche.”

Yoano 20:31

Pakuba bino byanembwa amba, mwitabile amba, Yesu ye Kilishitu, Mwana Lesa, kabiji amba, pa kwitabila, mwikale na bumi mu jizhina janji.

Yoano 3:36

Aye wamwitabila Mwana ye uji na bumi bwa myaka, pakuba aye ubula kukookela Mwana kechi akamone bumi ne, ne bukaji bwa Lesa bwaikala pe aye.

Yoano 5:24

“Kine, kine nemwambila namba, aye waumvwa mambo ami, ne kumwitabila aye wantuma uji na bumi bwa myaka, kechi ukeya mukije ne, pakuba mu lufu wafumamo, wapitaila ku bumi.

Yoano 6:37

Bonse bo bampa bataata bo bakeya kwi amiwa, kabiji awa wiya kwi amiwa kechi nkamupange nangwa pacheche ne.

Yoano 6:40

Pakuba kino kyo kyaswa muchima wa bataata amba, bonse bamumona Mwana ne kumwitabila, bekale na bumi bwa myaka, kabiji ne amiwa nkebasangula mu juba jikapelaako.”

Yoano 6:54

Awa uja ku mubiji wami, ne kutoma mashi ami, ye uji na bumi bwa myaka, ne amiwa nkamusangula mu juba jikapelaako.

Byubilo 13:39

Kabiji mwi aye, bonse baitabila ba bingishiwa ku byonse byakankelwe kwibabingisha ku Mizhilo ya Mosesa.

Loma 15:4

Mambo byonse byanembelwe kala byanembejilwe kufundwa kwetu, amba monka mu butekanye ne mulutundaiko lwa binembelo twikale na luketekelo.

Loma 6:23

Mambo mfweto ya bundengamambo lo lufu, pakuba kya bupe kyo a panatu Lesa bo bumi bwa myaka mwi Kilishitu Yesu Nkambo yetu.

1 Kolinda 7:25

Kabiji mwayila mambo a babula mu masongola kechi nji na mukambizho wa Nkambo ne, bino naamba mo nalangulukila byonji muntu wa kishinka waubilwa lusa kwi aye Nkambo.

2 kolinda 4:1

Onkao mambo byo tuji na ye uno mwingilo, monka mo twaubijilwe lusa, kechi tupungila ne.

Efisesa 1:12

amba atweba batanshi baketekejile mwi Kilishitu, twikale ke ba kumuletela lutotelo lwa kutota lukumo lwanji.

Efisesa 1:6

mukuleeta lutotelo lwa kutota lukumo lwa bupe bwanji, boetupeletu mwi aye Mutemwe.

Efisesa 2:7

Amba mu myaka ikeya akamweshe bunonshi bwine bwa bupe bwanji mu kwituubila lusa mwi Kilishitu Yesu.

2 Tesalonika 1:10

mu joja juba byo akeya na kutumbijikilwa mu bazhijikwa banji ne kumukomoka ku bonse baitabila. Mambo ne anweba mwaitabijile kushimuna kwetu.

1 Timoti 1:13

nangwa kala amiwa najinga wa mwenga, wa lupato kabiji washiinta. Bino nangwa byonkabyo namwene lusa, mambo nebyubile mu bulubi monka mu kubula kwitabila kwami.

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

1 Petelo 3:20

Bonka balengulwile kala, byo kwapembejile kukooka muchima kwa Lesa mu moba a Nowa byo a lengelenga bwato, mo bapulukijile bamo bacheche, bo batanu na basatu na mema,

2 Petelo 3:15

Ne kulanguluka amba, butekanye bwa Nkambo yetu lo lupulukilo; monka mo emunembejile ne Paulo mulongo wetu mutemwe, monka mwayila maana oapelwe.

2 Petelo 3:9

Aye Nkambo kechi wabanda ku mulaye wanji, byo balanguluka bamo mambo a kubanda ne. Pakuba wimutekenya muchima, byo abula kusaka nangwa umo amba onaike ne, poso amba bonse balapile.