1 Timoti 1:15 - KNTP

¹⁵ Kino kyambo kyokya kishinka, kabiji kyafwainwa kwitabilwa konse amba, Kilishitu Yesu waishile pano pantanda na kupulusha bandengamambo. Mwi abo, amiwa yami ndegamambo mwine wakilaamo,

1 Timoti 1:15 Iomraidhean Croise

Mateo 1:21

Kabiji aye ukasema mwana wamulume, ne obewa ukamutumba jizhina janji amba Yesu, mambo aye yenka ukebapulusha bantu banji ku mambo abo.”

Mateo 18:10

“Jimukai! Kechi musuule nangwa kamotu ka tuno tucheche ne. Mambo nemwambila namba, bamalaika baato baji mwiulu bakeelwa kutala mu kilungi kya Taata wa mwiulu.

Mateo 18:11

Mambo Mwana Muntu waiya amba, apulushe balubilamo.

Mateo 20:28

byonka byo aishile Mwana Muntu, kechi waishile amba, bamwingijile ne, poso amba ebengijile, ne kupana mweo wanji ke kya kukuula bavula.”

Mateo 9:13

Nanchi yainga, kafundai mwayila kino amba nsaka lusa, kechi kitapisho ne. Mambo kechi naiya na kwita baoloka ne, poso bandengamambo.”

Mako 2:17

Aye Yesu byo aumvwine, wibambijile amba. “Batuntulu kechi basaka shayuka wa michi ne, poso bakolwa. Kechi naiya na kwita baoloka ne, poso bandengamambo.”

Luka 15:2

Kepo Bafaliseo ne banembeshi banyinyichilenga amba, “Awe muntu utambwila bandengamambo ne kuja naabo.”

Luka 19:10

Mambo Mwana Muntu waiya na kwibakeba ne kwi bapulusha balubilamo.”

Luka 5:32

Amiwa kechi naiya na kwita baoloka ne poso bandengamambo namba balapile.”

Yoano 1:12

Pakuba bonse mobavujila bamutambwile, ne kwitabila mu jizhina janji, ibo bo apeele luusa lwa kwikala ke baana ba Lesa.

Yoano 1:29

Byo bwakiile lukelo Yoano wamwene Yesu kasa eya ko aji, kabiji wa ambile amba, “Talai, Mwana Mukooko wa Lesa, ye ufumya bundengamambo bwa ba pano pantanda!

Yoano 12:47

Kabiji umvwe muntu waumvwa byambo byami ne kwibilama ne, amiwa kechi namuzhachishe ne, mambo amiwa kechi naishile kuzhachisha ba pano pantanda ne, poso namba nebapulushe ba pano pantanda.

Yoano 3:36

Aye wamwitabila Mwana ye uji na bumi bwa myaka, pakuba aye ubula kukookela Mwana kechi akamone bumi ne, ne bukaji bwa Lesa bwaikala pe aye.

Byubilo 11:1

Batumwa ne balongo bajinga mu Yudea ba umvwine amba, Bangentila nabo batambula mambo a Lesa.

Byubilo 11:18

Byo ba umvwine bino, bazhindamine nzo, ke bamutumbijike Lesa amba, “Nanchi kine Lesa wibapa ne Bangentila nabo lulapilo lwa ku bumi!”

Byubilo 3:26

Lesa byo amusangwile wamwingilo wanji, wamutumine kwi anweba patanshi, na kwimupesha, amba anweba bonse muvundamine ku bubi bwenu.”

Loma 11:14

Namba nangwa na kya byepi, nebobishe kichima balongo bami Bayudea, ne kupulushapo bamo mwi abo.

Loma 5:6

Mambo byo twakijinga banekena, mu kimye kyafwainwa Kilishitu wibafwijile babula kwakamwa Lesa.

1 Kolinda 15:9

Mambo amiwa ne muchechetu pa batumwa, kechi nafwainwa kutelwa butumwa ne, mambo namanyikile kipwilo kya Lesa.

Efisesa 3:8

Kwi amiwa yenka mucheeche mwine wa mu bazhijikwa bonse, ko bwapewa buno bupe bwa kusapwila ku Bangentila mambo a bya bunonshi bwa Kilishitu bwabulwa kukonsheka kwibuyuka,

1 Timoti 1:13

nangwa kala amiwa najinga wa mwenga, wa lupato kabiji washiinta. Bino nangwa byonkabyo namwene lusa, mambo nebyubile mu bulubi monka mu kubula kwitabila kwami.

1 Timoti 1:19

kasa ulama lwitabilo na muchima watoka. Mambo bamo, byo bamutaaya ao muchima ubula kwizhachisha balobesha lwitabilo lwabo nobe bwato.

1 Timoti 3:1

Kino kyambo kyokya kishinka, umvwe muntu wakeba mwingilo wa bukulumpe bwa kulama kipwilo, ubena kukeba mwingilo wawama.

1 Timoti 4:9

Kino kyambo kyokya kishinka, kabiji kyafwainwa kwitabilwa konse.

1 Timoti 6:13

Na kukambizha ku meso a Lesa, yenka upana bumi ku bintu byonse, ne ku meso a Kilishitu Yesu, yenka washimwine kwisolola kwawama ku meso a Pontiusa Pilato,

2 Timoti 2:11

Kino kyambo kyokya kishinka amba, “Umvwe twafwile nanji pamo, tukekala na bumi pamo ne aye.

Titusa 3:8

Kino kyambo kyokya kishinka. Kabiji na mambo a bino bintu nasaka namba ukoselepotu na kwamba namba, aba bamwitabila Lesa batesheko muchima na kuuba mingilo yawama, bino bintu byawamisha, mambo bantu bamwenamo byawama.

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

1 Yoano 3:5

Kabiji anweba mwayuka amba aye wamwekele amba afumye bubi kabiji amba mwi aye kechi muji bubi ne.

1 Yoano 3:8

Awa utwajijila na kulenga mambo ye wa kwa Diabola, aye Diabola ye ndengamambo kufumatu ne ku ntendekelo. Onkao mambo Mwana Lesa kyokyo amwekejile amba onaune mingilo ya kwa Diabola.

1 Yoano 5:11

Kabiji kushimuna kwanji koko kuno, amba Lesa witupele bumi bwa myaka, ne buno bumi buji monka mwi Mwananji.

Lumwekesho 21:5

Ne aye waikala pa jitanda wa ambile amba, “Tala, na alula bintu byonse ke bipya!” Kabiji wa ambile amba, “Nemba bino, mambo byo byambo bya kishinka ne bya kine.”

Lumwekesho 22:6

Kabiji aye malaika wang'ambijile amba, “Bino byambo byo bya kishinka ne bya kine. Ne aye Nkambo, Lesa upana Mupashi wanji ku bangauzhi, watuma malaika wanji mu kwibabuula bakalume banji bintu bisaka kumweka palutwe kacheche.”

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.