Luka 4:6 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁶ ũShetani numuĩĩla, “Nĩkakukupeela uusũũmi uu tũlũ nuukulu waakue, kunsooko uwaasio ĩne numupeeegue, nineene nukumupeela tũlũ wensi muna numuloelue.

Luka 4:6 Iomraidhean Croise

Aepeso 2:2

Naalĩ mukugendelaa ndĩo ĩkalĩ kukuzitiata intendo za unkũmbigyulu uu, nukukumutiata umutemi wa usũũmi wa nzega, ĩnkolo niasio nyĩkĩtuma umulĩmo sunga nunzuauu muaana auleki.

Yohana 14:30

Sika nĩkakumutambuĩla ningĩ kangĩ kunsooko umukulu wa unkũmbigyulu wapolokaa. Mugila kakĩntu kumuane;

Yohana 12:31

Ĩpaino uulamulua wa unkũmbigyulu uu ukoolĩ; ĩpaino umukulu wa unkũmbigyulu ukitaagua kunzi.

1 Yohana 5:19

Kumanile ya kĩna ishie ingĩ kwa kĩNzua; nuunkũmbigyulu tũlũ ukoolĩ mungũlũ za mubĩĩ.

Ukũnukulua 13:7

Nĩpeegua kukĩlaasa nĩeelu, nukukuadula. Nĩpeegua uusũũmi mutũlũ ensi, uluuli, nĩantu, nintambo, nindugu.

Ukũnukulua 13:2

Nĩnimu naalĩ nĩmĩoonie alĩ yĩmpiani nĩnsuĩ, nĩmĩgulu yaakue alĩ zĩ ya ngaa, numulomo waakue alĩ zĩ wa nsimba. iJoka nalyĩmĩpeela ingũlũ zaakue nityengu liakue lya kĩtemi nuusũũmi wingĩ.

Ukũnukulua 12:9

iJoka nikyulu nalĩtaagua, ĩnzoka ya kalĩ nukuĩtaguaa, Mupembeelia kangĩ Shetani, nukulimĩĩlagiaa uunkũmbigyulu tũlũ; nutaagua sunga munsĩĩ, nĩamalaĩka aakue naataagua palumuĩ nduyo.

1 Petelo 1:24

Kunsooko, “uUuntu wensi zĩ masanzĩ, Nuukulu waakue tũlũ zĩ lyua lya masanzĩ, ĩMasanzĩ makuumaa nilyua liakue lyukuguaa,

2 Akolinto 11:14

Kangĩ sika ukulĩlua, kuitĩ ũShetani umuene ukĩpĩlula wĩĩ mpiani ya malaĩka wa weelu.

Yohana 8:44

Inie mwa kĩtata waani Shetani, ninshula za kĩtata waani mualoe kukuzitenda. uNuasio alĩ muulagani kwipũna iyuukĩ, sunga sika ukuĩmaa mutai, kuitĩ ĩtai yukutilĩ mumuakue. Pĩna witambula ulongo ukutaambulaa ĩzaakue muene, kunsooko ingĩ mulongo, kangĩ tata wa ulongo.

Luka 4:7

Iio gua, ue kanga wĩntekele, tũlũ mikitũla maako.”