YAHUDA 1:3 - Kenyah New Testament

³ Ahaʹ cenganak keʹ diaʹ akeʹ malaʹ, tekaʹ sedep keʹ are, ubaʹ ke pemuʹo tekaʹ penyanget ceʹ ke nyurat palaʹ ikem neng puyan iaʹ ke pudip ilu dalem Tuhan, iaʹ ilu ban pemung un. Un kaʹ kenai kimet ceʹ laʹa ke nyurat ca naʹan iaʹ ke petangen ikem ke pali ngkang katuk pengelan ini, iaʹ Allah lepa naʹ me ilu diaʹ anun ne ca liwai lan lan le.

YAHUDA 1:3 Iomraidhean Croise

PEMUYAN 17:3

Kun Paulus peluhaʹ sen ngan peluhaʹ katuk cen Kitap ina iaʹ badaʹ kumpin ban Laki iaʹ ngkang pungu udip tekep ke sihoʹ tuyen, ngan numpak mudip cen patai. Un dau ue laʹa: “Yesus ia akeʹ badaʹ mikem ne, ia lete Laki iaʹ ngkang pungu udip.”

PEMUYAN 18:28

Moʹ kuʹun penisen Apulus, ina ukoʹ lepoʹ Yahudi supeʹ pesakat ngan ne neng mpun dulu, mentung nge badaʹ cen isiu dalem Kitap Tuhan ban Yesus ina, ia lete iaʹ ngkang pungu udip.

PEMUYAN 20:27

Moʹ lepa ne akeʹ badaʹ mung ban pengubaʹ kimet Allah mikem. Abeʹ keʹ un nyuhuk palai.

PEMUYAN 28:28

Un dau Paulus pelaʹa: “Ina ukoʹ awaʹ pe ikem tisen dau Allah cuk ilu ketai ngkin tiraʹ a, iaʹ badaʹ puyan ne iaʹ ke pudip kelunan, ngkin ne palaʹ dulu diaʹ tahaʹ awang Yahudi. Ida ne iaʹ ke ngeringa ha nuʹo.” [

PEMUYAN 4:12

Abeʹ un ca kelunan kentaʹ langit ne iaʹ senteng pudip ilu, bang Yesus le, iaʹ Allah ban mencai me kelunan, moʹ dalem Yesus un iaʹ ke pudip ilu.”

PEMUYAN 6:7

Tai libut kuʹo ne denga tiraʹ Allah, ngan nai un pit un pit ne kadoʹ de diaʹ bayaʹ katuk Tuhan kaʹ lepoʹ Yerusalim. Kadoʹ pe ida diaʹ detaʹu nai ngelan bayaʹ Yesus.

PEMUYAN 9:13

Un dau Ananias mipa pelaʹa: “Ahaʹ Tuhan, lepa ne akeʹ kenahan dau dulu badaʹ puyan laki ina, pasak jaʹat te neng dulu diaʹ ngelan ikoʹ kaʹ Yerusalim.

PEMUYAN 9:22

Un Saul pali kuʹo ke diseʹ e badaʹ katuk kina. Un dau ue: “Atek ban Yesus ina, ia lete iaʹ ngkang pungu udip.” Un lepoʹ Yahudi diaʹ mudip kaʹ lepoʹ Damsik dina tai benaʹa ne ida, supeʹ de mipa ia.”

1 KURINTUS 15:3

Dau iaʹ akeʹ pelawa mikem are, ia ne iaʹ akeʹ lepa alaʹ lete, ca puyan iaʹ atek bioʹ, iaʹ ina Keristus ban matai tuman penyalaʹ le, bayaʹ dau Kitap.

GALATIA 2:5

Un sepuʹo ca bute pe, abeʹ meʹ ubaʹ ke tunuk palaʹ ida, moʹ meʹ ubaʹ ke pubo iaʹ telit dalem Denga Injil ina mikem.

GALATIA 3:28

Tuman ina, abeʹ un tekajaʹ lepoʹ Yahudi ngan lepoʹ dulu diaʹ ca, pekina pe diaʹ ulaʹ ngan diaʹ abeʹ un ulaʹ, pekina pe laki ngan leto. Moʹ mung ngkem lepa pekuaʹ dalem pebeka penawai hem ngan Keristus Yesus.

GALATIA 6:11

Naʹat ne kumpin mempat seʹ kalung iaʹ akeʹ nyurat man ujoʹ keʹ tengen ini. Abeʹ keʹ pincung kuʹun ne.

IPESUS 1:1

Cen Paulus, lawa Keristus Yesus kuʹun pengubaʹ kimet Allah: Palaʹ mung ikem diaʹ anun Allah kaʹ lepoʹ Ipesus, diaʹ tudep bayaʹ Keristus Yesus.

PILIPI 1:1

Cen Paulus ngan Timutius diaʹ ulaʹ Keristus Yesus: Palaʹ mung kelunan diaʹ anun Allah kaʹ lepoʹ Pilipi diaʹ pebeka tawai ngan Keristus Yesus, pemung ngan mung diaʹ tuʹa ngan diaʹ mepo dalem Mpun diaʹ ngelan Tuhan kina.

PILIPI 1:27

Iaʹ tekep laleʹ neng pengudip kem, bayaʹ ne kuaʹ ngan katuk Denga Injil Keristus are. Buk pekina, abe kudaʹ keʹ tepahoʹ nai naʹat ikem, naʹ pe ilu pecoʹ, senteng te akeʹ kenahan denga puyan salet tekejeng ngkem, moʹ ban tengangan ca le ilu dalem Berua Tuhan. Kuaʹ kuaʹ le pepatai ngan bali, nbang ca pengubaʹ le ke pekateng pengelan le neng katuk Injil ini.

KULUSE 1:2

akeʹ pekatu surat ini palaʹ diaʹ anun Allah kaʹ lepoʹ Kuluse, ida diaʹ tai nuyan cenganak le diaʹ semamet dalem Keristus. Awaʹ pe Allah iaʹ anun le ke naʹ pengelesau ue ngan udip iaʹ tadan mikem.

1 TESALUNIKA 2:2

Tisen te ikem kumpin puyan dulu nyakit ameʹ ngan panyi ameʹ kaʹ lepoʹ Pilipi, kena kenai meʹ palaʹ ikem kaʹ Tesalunika. Naʹ pe ia pekina, Allah le iaʹ naʹ akang mameʹ, man meʹ badaʹ Denga Injil iaʹ nai cen ia, kenuen pe kadoʹ diaʹ ke nyekang nge.

1 TIMUTIUS 1:18

Ahaʹ anak keʹ Timutius, ini ne dau pengecuk iaʹ akeʹ ke pesuʹun mikoʹ, bayaʹ dau pegawa Tuhan diaʹ badaʹ seluhan kimet Allah neng puyan ncoʹ cen kena are. Kanan ne tiraʹ ina seleket gelam pepatai, man ncoʹ lan lan pepatai dalem kayau iaʹ tiga.

1 TIMUTIUS 6:12

Nengayet ne ikoʹ pasa dalem pengelan, pa ha nalan udip saheʹ kelineʹ iaʹ ngeriman. Moʹ palaʹ udip ina Allah ban mengin ikoʹ, dalau hoʹ tiga ngan teto dau ngahaʹ pengelan ncoʹ kata kadoʹ dulu diaʹ badaʹ tugen neng ikoʹ are.

2 TIMUTIUS 1:13

Kanan ne tiraʹ iaʹ atek lan, iaʹ akeʹ ban pekatuk mikoʹ are, nuyan ca senawan mikoʹ. Ngan nemek ne ikoʹ dalem pengelan, ngan dalem pengemalaʹ iaʹ ilu pemung un dalem Keristus Yesus.

TITUS 1:4

Akeʹ nyurat ini palaʹ Titus, iaʹ atek anak keʹ ban tuman ca le pengelan le. Awaʹ pe Allah iaʹ Amai Bioʹ, ngan Keristus Yesus iaʹ Keniga Udip le, ke naʹ pengelesau ue ngan udip iaʹ tadan mikoʹ.

IBERANI 13:22

Ahaʹ cenganak cenganak keʹ, ngelapen dau heʹ nyat ikem denaʹ tawai ke ngeringa dau katuk ini iaʹ ke petangen ikem, moʹ surat iaʹ akeʹ nyurat mikem ini, abeʹ un kumpin dadoʹ dau ue.

IBERANI 6:9

Ahaʹ cenganak cenganak diaʹ ameʹ malaʹ, naʹ pe ameʹ pekini dau, abeʹ meʹ un kawaʹ kuʹun ncem. Ameʹ tisen ikem un peniga iaʹ pelapa tiga, iaʹ nai luhaʹ uban ncem un puyan iaʹ pudip ikem dalem Tuhan.

1 PETERUS 5:12

Akeʹ uyan surat iaʹ buʹet ini palaʹ ikem man ujoʹ Suanus, moʹ keʹ kuma ia ca cenganak le iaʹ semamet. Kimet ceʹ ubaʹ ke petangen ikem, ngan badaʹ ban ini iaʹ lan lan ne pengelesau Allah. Tiga hem salet nekejeng kidi.

2 PETERUS 1:1

Cen Simun Peterus, ulaʹ ngan lawa Yesus Keristus: Palaʹ ikem diaʹ lepa un pengelan iaʹ kuaʹ tiga ngan pengelan meʹ, iaʹ kuʹun peneneng Allah le, ngan Laki iaʹ Keniga Udip le Yesus Keristus, iaʹ ban naʹ pengelan ina milu.

2 PETERUS 2:21

Masaʹ lapa tiga re dina buk nyahut de abeʹ un tisen neng janan iaʹ teneng cen kena are, cen ʹo re ban tisen kidi, sulo tai re pupa mecin katuk iaʹ buheʹ, iaʹ Allah ban naʹ mida.

YAHUDA 1:1

Cen Yahuda ca ulaʹ Yesus Keristus, ngan cenganak Yakup: Palaʹ mung kelunan diaʹ Allah ban mengin are, diaʹ ban mudip dalem pengemalaʹ Allah iaʹ Amai Bioʹ ngan dalem gaham Yesus Keristus iaʹ petubo ida.

YAHUDA 1:17

Ahaʹ cenganak keʹ diaʹ akeʹ malaʹ, petawai tiga le dau isiu diaʹ lawa Tuhan Yesus Keristus, iaʹ ida ban lepa badaʹ mikem cen naʹaʹ are.

YAHUDA 1:20

Un sepuʹo ikem diaʹ cenganak keʹ, nemek ne nekedeng pengudip kem pebesun ne neng pengelan ncem iaʹ atek buheʹ. Lemameʹ ne ikem dalem pengali Berua Tuhan,

PUYAN LUHA’ 12:11

Mung diaʹ cenganak le dina lepa tai un usun neng ia moʹ kuʹun dahaʹ Anak Dumba ina, ngan kuʹun katuk telit iaʹ ida penco. Abeʹ cenganak le dina mawaʹ neng udip de, inu pia pa matai.

PUYAN LUHA’ 2:10

Ayen ncem takut neng penaru iaʹ kenai nantaʹ ikem uʹo. Nawai dau heʹ, ban Bali Jaʹat ina ke ten ikem, ngan ia ke naʹ palai mikem kedalem sepin. Puloʹ tau pengemajan ncem ke sihoʹ taru uʹo. Semamet ne bayaʹ akeʹ. Naʹ pia seʹ ketai pesen neng patai, atek keʹ ke naʹ ca tapung keriman mikem uʹo.