PEMUYAN 9:39 - Kenyah New Testament

³⁹ Penco Peterus pedepa inu ue, tai serengan ida. Lepa ha abeʹ, kun dulu ngkin ia kaʹ jun amin kukoʹ patai idai. Mung leto balu diaʹ nekejeng nusau Peterus nange, mentung nte badaʹ sapai ngan gelam iaʹ ban Durkas uyan dalau ue un ngan nte are.

PEMUYAN 9:39 Iomraidhean Croise

MATIUS 17:17

Un dau Yesus mipa: “E kelunan diaʹ abeʹ un pengelan, ngan salaʹ kimet. Kudaʹ majan nceʹ ke ngelineʹ ngan ncem tupe? Ngan kudaʹ majan nceʹ ke pedenaʹ ngan ncem? Nai ne ngkin anak ina kini palaʹ akeʹ.”

MATIUS 26:11

Moʹ kelunan kasip lemuto re pemung ngan ncem, un sepuʹo abeʹ keʹ lemuto pemung ngan ncem.

MARKUS 14:8

Pemuyan iaʹ ia senteng uyan, ia uyan te. Ban ini ne seʹ e nekena petenup usa heʹ man kenyo, kena dulu ke masek akeʹ dalem liang.

LUKAS 24:44

Uʹo ina un dau Yesus mida: “Puyan ini lete iaʹ akeʹ badaʹ mikem dalau heʹ pemung ngan ncem are. Pekini dau heʹ are: Ketoʹ tiraʹ iaʹ ida badaʹ ke sihoʹ akeʹ dalem Katuk Adet Musa, pekina pe dalem Kitap Pegawa Tuhan, pekina pe dalem Kitap Kentau Masmur, atek ke palup mung.”

YAYA 12:8

Lemuto kelunan kasip un ngan ncem lete, un sepuʹo abeʹ keʹ un lemuto ngan ncem.”

YAYA 17:12

Ngajan nceʹ un ngan nte are, lepa ne akeʹ petubo ida man penyukat ngadan ncoʹ, ina ne ngadan ncoʹ iaʹ ikoʹ lepa naʹ makeʹ are. Ngan akeʹ nubo lete ida. Ca usa pe abeʹ un durat mida, sematu bang ca le laki iaʹ ke durat, apan ketai nuyan lan ne dau Kitap.

PEMUYAN 1:13

Sulo tai re kedalem lepoʹ Yerusalim, penco tai re pejakaʹ kaʹ amin iaʹ ban kukoʹ de are. Un pe Peterus, ngan Yaya, ngan Yakup, ngan Anderias, ngan Pilipus, ngan Tumas, ngan Batulumius, ngan Matius, ngan Yakup anak Alpius, ngan Simun laki ia sanget neng pulitik cen naʹaʹ are, ngan Yudas anak Yakup.

PEMUYAN 20:35

Neng mung ban gayeng ngkeʹ lepa ne akeʹ peluhaʹ a, nuyan ca kata mikem, apan ncem tisen pelase diseʹ mepo dulu diaʹ lemaʹ, mentung ngkem petawai tiraʹ Tuhan Yesus iaʹ ia tengen badaʹ a milu, kuma ha: ‘Ban pelapa bioʹ bangen kelunan buk de naʹ, cen ʹo re alaʹ.’ ”

PEMUYAN 6:1

Kudaʹ majan uʹo ina, nai un pit un pit ne pengekadoʹ de diaʹ bayaʹ katuk Tuhan dina. Tai paseʹ ne dau lepoʹ Yahudi diaʹ pisiu Gerika neng lepoʹ Yahudi diaʹ puʹun. Un lepoʹ Yahudi diaʹ pisiu Gerika dina badaʹ abeʹ un aheʹ iaʹ pesingo leto balu re dalau re petulat balun singket tau are.

PEMUYAN 8:2

Un pe palai diaʹ temek lemameʹ, ida iaʹ tai masek patai Stipanus, mentung bioʹ dau tange re.

PEMUYAN 9:41

Kun Peterus mencai ujoʹ o mepo beteʹ ia. Uʹo ina ha mengin ida diaʹ anun Tuhan, peging ngan diaʹ balu dina, kun ne badaʹ ban ne nai mudip mida.

2 KURINTUS 8:12

Buk ke sanget tekaʹ tawai hem ubaʹ ke mencai inu hem, Allah iaʹ tisen inu iaʹ ikem sukat mencai. Tuman ina ia ubaʹ alaʹ pencai hem, abeʹ e tuman inu iaʹ abeʹ un neng ikem.

IPESUS 4:28

Aheʹ iaʹ ban ngelau cen kena, ayen ne ngelau laʹa, di lareʹ tiga ha nading pegayeng man ujoʹ o tengen neng gayeng iaʹ tiga, apan ne senteng mepo diaʹ taru mudip.

1 TESALUNIKA 1:3

Ban ne dalau meʹ lemameʹ palaʹ Amai le Tuhan Allah, ameʹ petawai kumpin tangen seʹ pengelan ncem singket tau, ngan pekina pe tangen seʹ kem pegayeng tuman pengelesau hem, ngan pekina pe kumpin salet seʹ tebelum ngkem neng Yesus Keristus le.

1 TESALUNIKA 4:13

Ahaʹ cenganak cenganak, ameʹ ubaʹ ikem ke ngetisen iaʹ lan ne neng puyan ida diaʹ lepa matai, apan ncem abeʹ un jaʹat tawai koʹ baʹan puyan kelunan diaʹ abeʹ un tebelum are.

1 TIMUTIUS 5:3

Tiga le lesau leto balu iaʹ atek balu.

1 TIMUTIUS 5:5

Un pe leto balu, iaʹ balu lan iaʹ luʹung mudip, iaʹ pesente tebelum me neng Allah, ngan tudep pe lemameʹ nyat lesau naʹ tau ngan ngahu.

1 YAYA 3:18

Ahaʹ anak anak keʹ, ayen le malaʹ kelunan bang man dau isiu ngan dau paʹ tuaʹ le, di lareʹ tekep le peluhaʹ seʹ le malaʹ lan neng kelunan man ban pemuyan ne iaʹ telit.