PEMUYAN 9:36 - Kenyah New Testament

³⁶ Un kaʹ lepoʹ Yupe, un ca leto iaʹ ngelan Tuhan, ngadan ne Tabita. (Un ngadan ne isiu Gerika, Durkas, iaʹ sen ne telaʹo.) Leto ina lemuto un saheʹ neng dulu, ngan naʹ tuaʹ inu ue moʹ o lesau diaʹ taru mudip.

PEMUYAN 9:36 Iomraidhean Croise

MATIUS 25:17

Pekina pe ulaʹ iaʹ alaʹ dua ibu ligit idai alaʹ pit anun ne dua ibu ligit laʹa.

YAYA 15:5

“Akeʹ ne iaʹ inan, ngan ikem iaʹ daʹan ne. Aheʹ iaʹ detem neng akeʹ, pekina lete akeʹ neng ia, ia lete ke un sahu buʹan uʹo. Abeʹ kem senteng uyan ca inu buk kem tengen cen akeʹ.

YAYA 15:8

Pekini ne puyan serema peniga Amai heʹ ke luhaʹ kuʹun ban ncem ke un buʹan iaʹ sahu. Ngan pekini ne puyan ncem ke nuyan diaʹ bayaʹ katuk keʹ.

PEMUYAN 10:23

Kun Peterus mengin ida telu dina nai kedalem, ngan tudo ne ida telu kina. Neng kenempam me, seʹ Peterus pedepa inu ue, tai ie pejahi serengan ida. Un pe kudaʹ usa diaʹ cenganak dalem Tuhan diaʹ cen Yupe tai pejahi ngan nte kina.

PEMUYAN 10:31

Un dau ue neng akeʹ: ‘Kurnilius, lepa ne Tuhan Allah kenahan dau temameʹ koʹ, ngan ia petawai ban pengencai hoʹ me diaʹ taru mudip.

PEMUYAN 10:8

Kun Kurnilius badaʹ mung puyan melikat ina mida, penco ho cuk ida tai kaʹ Yupe.

PEMUYAN 11:13

Kun ne badaʹ mameʹ kumpin ban ne taʹan ca usa melikat nekejeng kedalem amin ne, iaʹ kuma ha: ‘Cuk dulu tai pelawa kaʹ Yupe, mengin Simun Peterus.

PEMUYAN 11:5

“Dalau heʹ kelemameʹ kaʹ lepoʹ Yupe, tai pekaliu taʹat ceʹ. Penco heʹ taʹan ca inu dalem penaʹat ceʹ, iaʹ koʹ baʹan kelihuk keluma iaʹ bioʹ are, nai muno cen langit kata akeʹ, pat de tikung kukoʹ telu ue.

PEMUYAN 9:38

Moʹ lepoʹ Lida ina nyeng kata lepoʹ Yupe, ina ukoʹ de diaʹ bayaʹ katuk Tuhan kaʹ Yupe kenahan dau denga Peterus un kaʹ Lida. Penco re cuk dua usa tai mengin ia, pekini dau re: “Kudaʹ pe ikoʹ nyelarai nai naʹat ameʹ ading.”

PEMUYAN 9:42

Tai denga ne puyan ina pa tipo Yupe, ina ukoʹ kadoʹ dulu nai ngelan Tuhan.

IPESUS 2:10

Moʹ Allah iaʹ uyan ilu. Ia pemading ilu neng puyan ne pebeka tawai le dalem Keristus, apan le lemuto ke pegayeng iaʹ tiga utung udip le, neng gayeng gayeng iaʹ Allah ban petenup milu cen kena.

PILIPI 1:11

Ngan un toʹ pengudip kem sangan kuʹun buat iaʹ tiga, iaʹ nai kuʹun Yesus Keristus, apan ne luhaʹ serema peniga Allah, mentung le pempau ia.

KULUSE 1:10

Lepa ina, ina le ikem sukat ke mudip bayaʹ pengubaʹ Tuhan, ngan lemuto uyan inu iaʹ sihoʹ neng pengubaʹ a. Ngan ikem ke un usun neng toʹ gayeng iaʹ tiga, mentung penisen ncem neng puyan Tuhan Allah kenai un pit.

1 TESALUNIKA 4:10

Lan te puyan ncem pekina lepa luhaʹ palaʹ mung cenganak kem pa tipo tanaʹ Makedunia. Tuman ina, ameʹ ngelapen nyat ikem cenganak cenganak, ngepit puyan ina laʹa.

1 TIMUTIUS 5:10

Ngan tiga ban baloʹ saheʹ e, ngan mencam ban petubo anak ke, ngan selama alaʹ sakai nyabeʹ amin ne, ngan ban muheʹ taket diaʹ anun Tuhan, ngan mepo dulu dalem taru, ngan tangen neng kadoʹ naʹan puyan tiga.

TITUS 2:14

Ia lepa mencai usa ha ban tuman ilu, apan le pesau cen mung pengejaʹat le, ngan uyan ilu diaʹ anun ne tengen ca puhoʹ iaʹ buheʹ, iaʹ tangen ke menco pemuyan tiga.

TITUS 2:7

Tekep ne usa hoʹ tengen uyan ca kata neng mung pemuyan iaʹ tiga. Talan ne mung puyan ncoʹ ke ngelingai kimet iaʹ malaʹ katuk iaʹ telit, ngan sebelang dau hoʹ dalau hoʹ ke penco katuk ina.

TITUS 3:8

Atek lan dau tebadaʹ ini are. Pengubaʹ keʹ, pali le ikoʹ mejo tiraʹ ini, apan kelunan diaʹ ngelan palaʹ Allah, lemuto-uto tangen ke menco gayeng iaʹ tiga. Lan te puyan ina un tiga me kelunan, un pe bang nge lete.

IBERANI 13:21

Awaʹ pe Allah iaʹ puʹun udip tadan ke naʹ mikem mung naʹan iaʹ tiga, iaʹ tekep ikem ke un, apan ncem senteng ti pengubaʹ kimet te. Awaʹ pe laʹa Allah iaʹ kanan Yesus Keristus ke uyan dalem ilu puyan iaʹ ke niga kimet te. Me Keristus ketai mung serema peniga pa pa majan. Amin.

YAKUP 1:27

Ini ne Tuhan Allah iaʹ Amai Bioʹ ban kuma adet iaʹ buheʹ ngan iaʹ lan, iaʹ ina puyan ke pubo anak ilun ngan leto balu neng pengeketa re, mentung pubo usa ha tengen malap ketai tabin jameng kuʹun puyan kusun tanaʹ ini.