PEMUYAN 9:34 - Kenyah New Testament

³⁴ Un dau Peterus neng ia: “Ahaʹ Inias, ban Yesus Keristus iaʹ paget ikoʹ. Beteʹ ne, lemelen ne pat coʹ ne.” Dalau ina to kenai ie beteʹ tuaʹ ne.

PEMUYAN 9:34 Iomraidhean Croise

MATIUS 8:3

Kun Yesus mencai ujoʹ o ngan man ia. Un dau ue: “Ubaʹ te akeʹ paget ikoʹ. Maget ne ikoʹ.” Dalau ina lete pesau ne sakit bekayen ne, penco ho maget.

MATIUS 9:6

Akeʹ keʹ peluhaʹ mikem ca tedanaʹ Anak Sio ini lan ne un nyingan neng usun tanaʹ ini ke senteng sau penyalaʹ.” Un dau Yesus neng iaʹ sakit lemaʹ ina: “Beteʹ ne ikoʹ, ngkin ne pat coʹ, ngan tai ne ikoʹ uleʹ.”

YAYA 2:11

Ini iaʹ ading Yesus uyan puyan nyingan. Ia uyan ne kaʹ lepoʹ Kana kaʹ tanaʹ Galilia. Kina ha peluhaʹ seʹ serema peniga ha, ngan diaʹ bayaʹ katuk ke dina ngelan neng ia.

PEMUYAN 16:18

Selu kudaʹ tau pe majan ne tesep tesep ke pekina dau ue, pa Paulus tai miat laleʹ tekaʹ. Sulo ho nyileʹ ngan pisiu bali ina, un dau ue: “Man ngadan Yesus Keristus akeʹ cuk ikoʹ nai kawang cen leto ini.” Dalau ina tuaʹ ne tai bali ina kelap.

PEMUYAN 3:12

Dalau Peterus taʹan seʹ mpun dulu kina, penco ho pisiu ida: Un dau ue: “Ahaʹ cenganak keʹ lepoʹ Israil, inu iaʹ ukoʹ kem tai salam neng seʹ puyan laki ini tupe? Ngan inu adeʹ kem nekeneng naʹat ameʹ tupe? Ayen kuma ban penyukat meʹ ngan pengebuheʹ adet meʹ iaʹ ban cuk laki ini senteng masat.

PEMUYAN 3:16

Ban kuʹun penyukat dalem ngadan Yesus, ina iaʹ lepa puhat laki ini. Puyan laki apet, iaʹ ikem taʹan ngan tisen ini, lepa nuyan ban kuʹun pengelan kedalem ngadan Yesus ne. Ban pengelan neng Yesus iaʹ paget ia lan, kata ikem mung.”

PEMUYAN 3:6

Un dau Peterus: “Abeʹ un ligit neng akeʹ. Un sepuʹo inu iaʹ un neng akeʹ, idi te iaʹ akeʹ kenaʹ mikoʹ ini: kuʹun ngadan Yesus Keristus kelunan Nasarit ina, masat ne ikoʹ.”

PEMUYAN 4:10

tiga hem mung tisen kidi. Tekep ketoʹ lepoʹ Israil tai tisen, ban laki iaʹ nai nekejeng kata ikem ini, lepa maget lan ne ia kuʹun penyukat dalem Yesus Keristus, lepoʹ Nasarit, iaʹ ikem ban lematai neng kayu tecek idai, ngan Allah iaʹ ban pudip ia cen patai ie.

PEMUYAN 9:33

Kina ha petegoʹ ngan ca laki ngadan ne Inias, iaʹ sakit lemaʹ uhat te. Lepa aya uman ne majan ne, abeʹ e senteng puke cen ukoʹ o meken.

PEMUYAN 9:35

Mung dulu diaʹ kaʹ lepoʹ Lida ngan kaʹ tanaʹ Sarun ina taʹan seʹ aget Inias, penco re mayo bayaʹ Tuhan.