PEMUYAN 9:31 - Kenyah New Testament

³¹ Ina ukoʹ o un tadan neng Mpun diaʹ ngelan Tuhan pa tipo tanaʹ Yudia, ngan Galilia, ngan Samaria. Un Mpun diaʹ ngelan Tuhan kina tai tangen kuʹun katuk ngan tai un pit kadoʹ de, mentung mudip ngan tunuk seʹ puyan nte palaʹ Tuhan, uban kuʹun Berua Tuhan iaʹ mepo ida.

PEMUYAN 9:31 Iomraidhean Croise

PEMUYAN 12:24

Tira Allah tai denga kuʹo ke, ngan un pit un pit ne dulu diaʹ ngelan ne.

PEMUYAN 16:5

Pekina te mung Mpun diaʹ ngelan Tuhan kina tai pali dalem pengelan nte, ngan singket tau nai un pit kadoʹ de.

PEMUYAN 2:47

mentung nte pempau Allah, ngan sihoʹ neng pengubaʹ lepoʹ ina mung. Singket tau ne Tuhan ngepit Mpun nte kuʹun dulu diaʹ tisen puyan iaʹ pudip ida dalem Tuhan.

PEMUYAN 20:32

Sulo dau Paulus laʹa: “Naʹkini akeʹ pelek kem me Allah iaʹ sukat ke petubo ikem. Akeʹ pelek kem me katuk tiraʹ pengelesau Allah iaʹ sukat ke pedengkep ikem ngan naʹ mikem tulat sioʹ iaʹ Allah petenup ke naʹ me mung kelunan diaʹ anun ne.

PEMUYAN 5:11

Mung Mpun diaʹ ngelan Tuhan dina takut laleʹ ne tekaʹ de, pekina pe mung dulu diaʹ kenahan denga puyan ina.

PEMUYAN 6:7

Tai libut kuʹo ne denga tiraʹ Allah, ngan nai un pit un pit ne kadoʹ de diaʹ bayaʹ katuk Tuhan kaʹ lepoʹ Yerusalim. Kadoʹ pe ida diaʹ detaʹu nai ngelan bayaʹ Yesus.

PEMUYAN 8:1

Saul ca iaʹ mayo neng puyang lematai Stipanus ne. Tegoʹ tau ina, ina ne tading kenai taru iaʹ bioʹ neng Mpun diaʹ ngelan Tuhan kaʹ Yerusalim. Mung diaʹ ngelan Tuhan petat purat de pa tipo tanaʹ Yudia, ngan kaʹ Samaria. Bang diaʹ lawa Injil tuaʹ le diaʹ ngelineʹ.

RUM 14:17

Moʹ puyan pengaren Allah ke ngaren ilu, abeʹ e puyan uman ngan nisep, di lareʹ puyan peneneng, ngan udip iaʹ tadan, ngan bangen iaʹ cen Berua Buheʹ.

RUM 14:19

Ina ukoʹ tiga le petuman mita inu inu puyan iaʹ ke ngkin udip iaʹ tadan, ngan puyan iaʹ ke mepo ngepali pengelan le semaheʹ apan.

RUM 15:13

Awaʹ pe Allah iaʹ puʹun tebelum ina ke nyangan mung bangen ngan udip iaʹ tadan neng ikem, moʹ kuʹun pengelan ncem neng ia. Idi tebelum ngkem ketai un pit un pit pengali ie moʹ kuʹun penyukat Berua Buheʹ ne.

RUM 5:5

Abeʹ tebelum ina ke pebahoʹ ilu, moʹ Allah ban lebang meseʹ pengemalaʹ a kedalem penawai le, kanan Berua Buheʹ iaʹ pengencai Allah milu.

1 KURINTUS 14:12

Sanget seʹ kem mita mung pencai Berua Tuhan, ina ukoʹ tekep ne man bioʹ kuʹo tekaʹ penyanget cem ke kanan naʹan naʹan pencai iaʹ ke pepo ke pedengkep Mpun diaʹ ngelan Tuhan.

1 KURINTUS 14:26

Inu iaʹ baʹan nceʹ ne cenganak cenganak keʹ? Tegoʹ kem nai pempun ke nyelama palaʹ Tuhan, singket cem un ca puyan iaʹ ke pepo ke pedengkep ikem mung, ca usa iaʹ un kentau, ca usa iaʹ un katuk, ca usa iaʹ un tiraʹ iaʹ Allah peluhaʹ mia, ca usa iaʹ un katuk ngan isiu bulen, laʹa ca usa iaʹ ke paso isiu bulen apan sen ne un luhaʹ.

2 KURINTUS 10:8

Lan te akeʹ badaʹ kaʹ keʹ selum kuʹun puyan penyukat iaʹ Tuhan naʹ mameʹ telu. Naʹ pe dau heʹ selum ina un pelapa kediʹut, abeʹ keʹ saʹe, moʹ penyukat ina ne puyan iaʹ sukat medeng ikem salet, abeʹ e puyan iaʹ ke ngasing ikem.

2 KURINTUS 12:19

Masaʹ ikem kuma ameʹ bang pekimet ke menting ngadan meʹ tengen kata ikem. Abeʹ e pekina. Ameʹ pisiu pekuaʹ iaʹ Keristus ubaʹ ameʹ pisiu neng juma Allah lete. Ahaʹ cenganak cenganak diaʹ akeʹ malaʹ, mung pemuyan meʹ, ameʹ uyan man pedengkep ikem.

2 KURINTUS 13:10

Ina tuman nceʹ nyurat ini dalau heʹ petem coʹ kaʹ ikem, apan tegoʹ kenai heʹ abeʹ ʹo, abeʹ titin nceʹ mahing dau neng ikem, kanan penyukat iaʹ Tuhan lepa naʹ makeʹ. Moʹ penyukat ina un tuman ke pedengkep ikem, abeʹ e tuman ke ngasing ikem.

2 KURINTUS 7:1

Ahaʹ cenganak cenganak diaʹ akeʹ malaʹ, mung dau tuket Tuhan ini iaʹ nuyan utung ilu. Tuman ina tekep le ngebuheʹ cen singket naʹan puyan iaʹ ke ngejameng usa le, ngan puyan iaʹ ke ngejameng berua le. Tiga ne ilu daʹam neng pengebuheʹ seʹ udip le kuʹun puyan le mudip neng iaʹ selumuk seʹ palaʹ Tuhan Allah.

IPESUS 4:12

Ia uyan pekina moʹ o ke pedengkep mung nte diaʹ anun Allah, apan nte mencam pasat gayeng nge dalem nte ke pepo medeng usa Keristus.

IPESUS 4:16

Moʹ cen ulu ue, mung senganan neng usa un tuk iaʹ dengkep. Ngan toʹ usa ina pedapit neng ca le kuʹun uhat buku neng singket te. Buk singket naʹan senganan dalem usa ina pegayeng bayaʹ kelayen nte iaʹ tekep, toʹ usa ina ke nai un pit ngan ke nekedeng tengen, moʹ mung puyan dina nuyan kuʹun malaʹ.

IPESUS 4:29

Buk kem pisiu, ayen kanan isiu iaʹ ke ngejaʹat dulu. Un sepuʹo kanan ne isiu iaʹ ke mepo dulu, iaʹ ke pedengkep ida neng inu iaʹ ida tepa. Cen diaʹ pekina hem uyan tiga me dulu diaʹ kenahan dau hem ʹo.

IPESUS 5:21

Pekina pe tiga hem tunuk neng ikem selepeʹ dalem ngkem takut neng Keristus.

PILIPI 2:1

Kumpin, un pengudip kem dalem Keristus ina iaʹ uyan ikem salet tekaʹ tupe? Kumpin, un pengemalaʹ Keristus niga saheʹ kem mo? Un ncem pebeka tawai hem ngan Berua Buheʹ tupe? Ngan un te tekaʹ kem puyan lesau ngan kimet malaʹ neng ikem selepeʹ tupe?

KULUSE 1:10

Lepa ina, ina le ikem sukat ke mudip bayaʹ pengubaʹ Tuhan, ngan lemuto uyan inu iaʹ sihoʹ neng pengubaʹ a. Ngan ikem ke un usun neng toʹ gayeng iaʹ tiga, mentung penisen ncem neng puyan Tuhan Allah kenai un pit.

1 TESALUNIKA 5:11

Tuman ina, petangen ikem peselepeʹ, ngan pepo ikem ca usa ngan ca usa, koʹ baʹan iaʹ ikem lepa ban uyan naʹkini are.

1 TIMUTIUS 1:4

ngan cuk ida lepo tekenaʹ iaʹ palo, ngan petepun iaʹ abeʹ un ketai kuʹo, iaʹ tai ngkin dulu muʹo ketai paseʹ. Moʹ neng puyan iaʹ pekina, abeʹ un telicuk ke neng gayeng Allah ngan pengelan le.

IBERANI 4:9

Un sepuʹo iaʹ lan ne, petem un ne naʹkini ca puyan kelineʹ me kelunan diaʹ anun Allah, koʹ baʹan puyan Allah ngelineʹ tegoʹ tau ketujoʹ idai are.

YAHUDA 1:20

Un sepuʹo ikem diaʹ cenganak keʹ, nemek ne nekedeng pengudip kem pebesun ne neng pengelan ncem iaʹ atek buheʹ. Lemameʹ ne ikem dalem pengali Berua Tuhan,