PEMUYAN 9:29 - Kenyah New Testament

²⁹ Saul iaʹ tai petiraʹ ngan paseʹ neng lepoʹ Yahudi diaʹ kanan isiu Gerika. Kun nte mita janan ubaʹ ke lematai ia.

PEMUYAN 9:29 Iomraidhean Croise

PEMUYAN 11:20

Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi.

PEMUYAN 17:17

Ina ukoʹ Paulus pata petira dalem amin sebayang Yahudi me lepoʹ Yahudi ngan dulu diaʹ ca diaʹ temek lemameʹ palaʹ Allah bayaʹ Katuk Adet Musa. Pekina pe kenai ie petiraʹ kaʹ pasen, singket tau ne tai ie ngejahi dulu, mele aheʹ nai ngan ne.

PEMUYAN 18:19

Abeʹ ne ida telu kaʹ lepoʹ Ipesus, tai Paulus petat ngan nte dua kina. Bang Paulus tengen le iaʹ tai penco kedalem amin sebayang Yahudi. Kina ha pata petiraʹ ngan lepoʹ Yahudi.

PEMUYAN 19:8

Un Paulus, tai kun ne kaʹ amin sebayang Yahudi, mentung nge pisiu ngan tempa dau ue. Telu bulan majan ne pata petiraʹ ngan petisen ida neng puyan pengaren Allah ngaren kelunan.

PEMUYAN 22:18

Kun nceʹ taʹan Tuhan nai pisiu ngan nceʹ: ‘Sangkit coʹ, tai ne ikoʹ nyelarai mecin lepoʹ Yerusalim ne, moʹ abeʹ dulu kina ke ngelan dau tugen katuk koʹ iaʹ penco dau heʹ puʹo,’ kun dau Tuhan makeʹ.

PEMUYAN 6:1

Kudaʹ majan uʹo ina, nai un pit un pit ne pengekadoʹ de diaʹ bayaʹ katuk Tuhan dina. Tai paseʹ ne dau lepoʹ Yahudi diaʹ pisiu Gerika neng lepoʹ Yahudi diaʹ puʹun. Un lepoʹ Yahudi diaʹ pisiu Gerika dina badaʹ abeʹ un aheʹ iaʹ pesingo leto balu re dalau re petulat balun singket tau are.

PEMUYAN 9:27

Sulo Barnabas mepo ia, ngan tai ngkin ia palaʹ diaʹ lawa Injil dina. Barnabas badaʹ diseʹ Saul lepa taʹan Tuhan kaʹ janan Damsik, ngan badaʹ diseʹ puyan Tuhan pisiu ia. Kun Barnabas badaʹ diseʹ Saul pedenga ngadan Yesus kaʹ lepoʹ Damsik ngan tempa lan pe dau ue.

PEMUYAN 9:28

Ngan ina ukoʹ Saul tai ngelineʹ ngan nte kina. Ketai ie masat neng lepoʹ Yerusalim pa libut, mentung nge badaʹ tiraʹ dalem ngadan Tuhan ngan tempa dau ue.

2 KURINTUS 11:26

Dalem pengaset ceʹ un kudaʹ liwai heʹ taru kuʹun sungai lempam, pekina pe taru kuʹun kejamun, pekina pe taru kuʹun kelunan, kuaʹ Yahudi pekina pe kuʹun dulu diaʹ ca lete. Un pe taru kaʹ lepoʹ bioʹ, un pe taru kaʹ dalau baʹi, un pe taru kaʹ banget, un pe taru kuʹun cenganak palo lete.

YAHUDA 1:3

Ahaʹ cenganak keʹ diaʹ akeʹ malaʹ, tekaʹ sedep keʹ are, ubaʹ ke pemuʹo tekaʹ penyanget ceʹ ke nyurat palaʹ ikem neng puyan iaʹ ke pudip ilu dalem Tuhan, iaʹ ilu ban pemung un. Un kaʹ kenai kimet ceʹ laʹa ke nyurat ca naʹan iaʹ ke petangen ikem ke pali ngkang katuk pengelan ini, iaʹ Allah lepa naʹ me ilu diaʹ anun ne ca liwai lan lan le.

YAHUDA 1:9

Naʹ pe Mikal iaʹ pengebioʹ paren melikat, abeʹ e pejaʹat dau neng aheʹ pe. Tegoʹ Mikal pesakat ngan Bali Jaʹat, punan patai Musa are, abeʹ e makang ngukum Bali Jaʹat ina man isiu iaʹ jaʹat dau, bang dau ue kuma ha: “Mele ne dau Tuhan ke ngenca ikoʹ ʹo.”