PEMUYAN 9:20 - Kenyah New Testament

²⁰ Tegoʹ ina pe, ketai ie kedalem amin sebayang Yahudi. Kina Saul badaʹ denga Yesus iaʹ atek Anak Allah.

PEMUYAN 9:20 Iomraidhean Croise

MATIUS 27:43

Kun ne nebelum palaʹ Allah, ngan pekina pe ia badaʹ ia Anak Allah. Buk lan ne Anak Allah, ilu naʹat selu Allah ubaʹ ke pudip ia naʹkini.”

MATIUS 27:54

Tegoʹ kaptin sedadu ina ngan sedadu ue diaʹ ban jagaʹ Yesus taʹan seʹ tanaʹ tai liung, ngan mung inu iaʹ nuyan, tai takut ne tekaʹ de, mentung nte kuma ha: “Atek lan lete ia ini Anak Allah.”

MATIUS 4:3

Un dau kenai Bali neng ia: “Buk koʹ Anak Tuhan Allah, tiga hoʹ cuk batu dini ngaliu kanen.”

YAYA 1:49

Un dau Natanil mipa ia: “Guru, ikoʹ iaʹ Anak Allah, ikoʹ iaʹ paren lepoʹ Israil.”

YAYA 19:7

Un dau kelunan Yahudi dina nyakat: “Un dau dalem Katuk Adet meʹ iaʹ kuma ha tekep tia sihoʹ ukum patai, uban ne badaʹ ia iaʹ Anak Allah.”

YAYA 20:28

Dau Tumas mipa ia: “Dui, iaʹ Tuhan nceʹ, ngan Allah heʹ.”

YAYA 20:31

Un sepuʹo dini diaʹ lepa senurat apan ncem ke ngelan Yesus iaʹ atek Keristus iaʹ ngkang pungu udip, ngan iaʹ atek Anak Allah. Ngan kuʹun pengelan ncem ini pe ikem ke alaʹ udip dalem ngadan ne.

PEMUYAN 13:14

Ketai Paulus ngan Barnabas penco masat cen Perga pa abeʹ kaʹ Antiukia kaʹ tanaʹ Pisidia. Sulo ketai re madung kedalem amin sebayang Yahudi tegoʹ Tau Kelineʹ.

PEMUYAN 13:33

Naʹkini ne Allah lepa palup pe neng ilu diaʹ mela cen tepun le, moʹ o lepa pudip Yesus neng ca udip iaʹ tumpak. Koʹ baʹan ina are lete iaʹ un dalem Kitap Kentau Masmur, tulat kedua iaʹ pekini dau: ‘Ikoʹ lete Anak keʹ. Tegoʹ tau ini akeʹ ne nuyan Amai hoʹ.’

PEMUYAN 13:46

Un Paulus ngan Barnabas makang kuʹo ke dau re dua pisiu. Kun dau re dua: “Tekep ne ameʹ nekena badaʹ tiraʹ Allah ini mikem. Un sepuʹo ikem nyekang tiraʹ Allah. Dalem puyan ina, seʹ kem ubaʹ ngukum usa hem tengen ne ina. Tepa ne ikem neng udip saheʹ keline iaʹ ngeriman. Ina iaʹ ukoʹ meʹ lepo ikem. Tai kun meʹ palaʹ dulu diaʹ tahaʹ awang Yahudi.

PEMUYAN 13:5

Dalau re abeʹ kaʹ lepoʹ Salamis, kun nte badaʹ tiraʹ Allah dalem amin sebayang Yahudi. Un Yaya Markus, ia mepo ida dua.

PEMUYAN 14:1

Kuaʹ koʹ baʹan puyan ina are pelaʹa kaʹ lepoʹ Ikunium. Tai Paulus de dua Barnabas kedalem amin sebayang Yahudi. Kun nte dua penco pekatuk kidi. Kadoʹ dulu nai ngelan Tuhan, un pe Yahudi, pekina pe lepoʹ diaʹ ca.

PEMUYAN 16:13

Tegoʹ Tau Kelineʹ, tai meʹ kawang lepoʹ ina kaʹ sada bahi sungai. Kidi meʹ ngihoʹ ke un kukoʹ lepoʹ Yahudi lemameʹ. Penco meʹ madung pisiu ngan leto diaʹ pempun kina.

PEMUYAN 17:10

Kiʹan ketai tahup kun diaʹ cenganak le dalem Tuhan dina cuk Paulus ngan Silas tai kaʹ lepoʹ Beria. Dalau tai re abeʹ kaʹ Beria, penco ketai re kedalem amin sebayang Yahudi.

PEMUYAN 17:17

Ina ukoʹ Paulus pata petira dalem amin sebayang Yahudi me lepoʹ Yahudi ngan dulu diaʹ ca diaʹ temek lemameʹ palaʹ Allah bayaʹ Katuk Adet Musa. Pekina pe kenai ie petiraʹ kaʹ pasen, singket tau ne tai ie ngejahi dulu, mele aheʹ nai ngan ne.

PEMUYAN 17:2

Koʹ baʹan kelayan ne, tai Paulus kedalem pemung ngan nte kina. Dalem telu mingku, singket Tau Kelineʹ, Paulus pata petiraʹ ngan nte, mentung nge badaʹ katuk cen isiu dalem Kitap Tuhan.

PEMUYAN 18:19

Abeʹ ne ida telu kaʹ lepoʹ Ipesus, tai Paulus petat ngan nte dua kina. Bang Paulus tengen le iaʹ tai penco kedalem amin sebayang Yahudi. Kina ha pata petiraʹ ngan lepoʹ Yahudi.

PEMUYAN 18:4

Singket Tau Kelineʹ ne tai Paulus pata petiraʹ dalem amin sebayang Yahudi, moʹ o ubaʹ lepoʹ Yahudi ngan lepoʹ Gerika ke mayo nai ngelan.

PEMUYAN 19:8

Un Paulus, tai kun ne kaʹ amin sebayang Yahudi, mentung nge pisiu ngan tempa dau ue. Telu bulan majan ne pata petiraʹ ngan petisen ida neng puyan pengaren Allah ngaren kelunan.

PEMUYAN 8:36

Ngajan ketai re dua masat ngalang janan kina, abeʹ ne ida dua neng ca alo sungai. Un dau laki bioʹ ina neng Pilipus: “Un sungai kina. Inu iaʹ ukoʹ keʹ abeʹ un senteng ke siho ngebatis tupe?” [

PEMUYAN 8:37

Kun dau Pilipus mipa ia: “Buk koʹ ngelan lan tekaʹ neng kimet coʹ, senteng te.” Un dau laki bioʹ lepoʹ Itiupia mipa ia: “Akeʹ ngelan Yesus Keristus ne atek Anak Allah.”]

PEMUYAN 9:22

Un Saul pali kuʹo ke diseʹ e badaʹ katuk kina. Un dau ue: “Atek ban Yesus ina, ia lete iaʹ ngkang pungu udip.” Un lepoʹ Yahudi diaʹ mudip kaʹ lepoʹ Damsik dina tai benaʹa ne ida, supeʹ de mipa ia.”

RUM 1:4

Un ʹo neng puyan pengebuheʹ Berua ha, luhaʹ ban Yesus Anak Allah kuʹun penyukat bioʹ iaʹ ban pudip ia cen patai ie.

GALATIA 1:16

Tegoʹ Allah lepa metep kimet te ubaʹ ke peluhaʹ Anak ke palaʹ akeʹ, apan nceʹ tai pedenga Denga Injil neng puyan Anak ke ina palaʹ lepoʹ dulu diaʹ ca, abeʹ keʹ nyat dulu, mele aheʹ aheʹ pe iaʹ nai pekatuk akeʹ.

GALATIA 2:20

Ina ukoʹ pengudip keʹ naʹkini, abeʹ e akeʹ laʹa, di lareʹ Keristus iaʹ mudip dalem akeʹ. Pengudip keʹ naʹkini, iaʹ ina kuʹun pengelan nceʹ palaʹ Anak Allah, iaʹ malaʹ akeʹ ngan iaʹ lepa mencai pengudip pe tuman akeʹ.

PUYAN LUHA’ 2:18

Un dau Yesus pelaʹa: “Nyurat ne me iaʹ tuʹa Mpun iaʹ kaʹ lepoʹ Tatira: “Ini ne dau tiraʹ iaʹ nai cen Anak Allah iaʹ un mata koʹ baʹan seʹ serema luten idai, iaʹ un taket mening koʹ baʹan seʹ jangin iaʹ dulu lepa ngepilau are.