PEMUYAN 9:17 - Kenyah New Testament

¹⁷ Penco ketai Ananias masat, tai kedalem amin kukoʹ Saul ne. Kun ne napoʹ ujoʹ o neng Saul, un dau ue: “Ahaʹ cenganak keʹ Saul, akeʹ iaʹ ban Tuhan cuk, ia lete Yesus iaʹ ban nai luhaʹ kata ikoʹ ngalang janan, dalau nai hoʹ are. Ina ukoʹ o cuk akeʹ nai, moʹ o ke cuk ikoʹ ke taʹan pelaʹa, ngan cuk ikoʹ tai sangan kuʹun Berua Buheʹ.”

PEMUYAN 9:17 Iomraidhean Croise

MATIUS 19:13

Un palai kelunan nai ngkin anak de palaʹ Yesus apan ne napoʹ ujoʹ o neng ida, ngan lemameʹ mida. Un sepuʹo diaʹ bayaʹ katuk ke ngenca kelunan dini are.

MARKUS 5:23

Sulo ho lemameʹ nyat ngan kelapen dau ue: “Pareng laleʹ le anak keʹ sakit. Ca anak leto iʹut lepe ia. Nai ne ikoʹ naʹat ia ading, ngan napoʹ ujoʹ koʹ neng ia, apan ne nai maget ngan mudip.”

MARKUS 6:5

Abeʹ Yesus ubaʹ ke uyan puyan nyingan kina. Bang kediʹut le diaʹ sakit ia napoʹ ujoʹ o ngan paget ida.

LUKAS 1:41

Dalau Ilisabet kenahan dau isiu Mariam nyelama ia, belekaʹ anak ina nepejuk dalem batek ke. Dalau ina sangan ne Ilisabet kuʹun Berua Buheʹ.

LUKAS 1:67

Un Sakaria, amai Yaya ne, sangan ne kuʹun Berua Buheʹ, penco ho badaʹ dau Allah, kun dau ue:

LUKAS 1:76

Ahaʹ anak keʹ Yaya, dulu ke pisiu ikoʹ ca pegawa Allah. Allah iaʹ Atek Mpau. Ikoʹ iaʹ ke tai nekena Tuhan, ke petenup janan

LUKAS 15:30

Un sepuʹo dalau kenai anak koʹ ini uleʹ, iaʹ lepa ngebura inu amai, ti ngan leto diaʹ lunteʹ, belekaʹ amai lematai anak sapi iaʹ atek tiga idai mia.’

LUKAS 15:32

Tekep te ilu tiga saheʹ ngan bangen tawai, moʹ sadin ncoʹ ini seleket ban matai, ngan nai ie ngeliwet mudip pe ini laʹa. Lepa tutang ne ia are, belekaʹ nai ie luhaʹ pe ini laʹa.’ ”

LUKAS 2:11

Alem ini ne, kenai Laki iaʹ Keniga Udip kem. Lepa un ia nai pempet kaʹ dalem lepoʹ Daut. Ia lete Keristus, Tuhan.

PEMUYAN 10:36

Tisen te ikem, un tiraʹ iaʹ Allah lepa naʹ palaʹ lepoʹ Israil, iaʹ ina Denga Injil, iaʹ pedenga neng puyan udip iaʹ tadan me kelunan kuʹun Yesus Keristus, iaʹ atek Tuʹa kelunan mung.

PEMUYAN 13:3

Kun nte lemameʹ Tuhan ngan lemalan abeʹ un uman laʹa, sulo re napo ujoʹ de neng ida dua Saul ngan Barnabas, penco re cuk ida dua tai puke?

PEMUYAN 13:52

Toʹ de diaʹ bayaʹ katuk Tuhan kaʹ lepoʹ Antiukia ina sangan kuʹun bangen ngan Berua Buheʹ.

PEMUYAN 19:6

Kun Paulus napoʹ ujoʹ o neng ida, sulo kenai Berua Buheʹ mesun neng ida, penco re pisiu man isu iaʹ bulen dau. Kun nte badaʹ seluhan isiu cen Allah pelaʹa.

PEMUYAN 2:4

Mung nte tai sangan kuʹun Berua Buheʹ, sulo re pisiu neng naʹan naʹan dau isiu, bayaʹ ban puyan Berua Buheʹ iaʹ nai mesun neng ida cuk ida pisiu.

PEMUYAN 21:20

Lepa re kenahan dau puyan ina, penco re pempau Allah. Kun dau re neng Paulus: “Ahaʹ cenganak, tisen ne ikoʹ ban kudaʹ ibu diaʹ lepoʹ Yahudi diaʹ lepa ngelan Tuhan Yesus di lareʹ mung nte caʹ tudep lepe ida kanan Katuk Adet Musa.

PEMUYAN 26:15

Un dau heʹ: ‘Aheʹ koʹ, Tuhan?’ Un dau Tuhan ne: ‘Akeʹ lete Yesus iaʹ ikoʹ nyakit ini.

PEMUYAN 4:31

Lepa re lemameʹ, un amin iaʹ ukoʹ de pempun tai tekicuk. Mung nte sangan kuʹun Berua Buheʹ pa re senteng penco tiraʹ Allah ngan iaʹ tempa dau.

PEMUYAN 6:6

Mung nte dina, ida ngkin palaʹ diaʹ lawa Injil dina. Penco diaʹ lawa dina lemameʹ, ngan napoʹ ujoʹ de neng ida.

PEMUYAN 8:17

Sulo Peterus ngan Yaya napoʹ ujoʹ de neng ida, penco re un Berua Buheʹ.

PEMUYAN 9:18

Dalau ina koʹ baʹan un are tekaʹ ca king atuk laboʹ cen mata ha, penco ho taʹan. Nai kun ne beteʹ, sulo tai ie sihoʹ ngebatis nuʹo.

RUM 15:7

Moʹ ban pekina, tiga hem nyelama ikem selepeʹ koʹ baʹan Keristus ban nyelama alaʹ ikem are, apan ne nai luhaʹ serema peniga Allah.

1 KURINTUS 15:47

Adem iaʹ ading are, ban nuyan man seluhan tanaʹ. Adem iaʹ kedua are, ban nai cen surga ne.

1 KURINTUS 15:8

Ketai kebayaʹ a, nai ie luhaʹ palaʹ akeʹ lete, iaʹ koʹ baʹan anak uno are.

1 KURINTUS 9:1

Moʹ abeʹ keʹ ca kelunan iaʹ muga tekaʹ mudip tupe? Moʹ abeʹ keʹ te ca kelunan lawa Injil tupe? Moʹ abeʹ keʹ lepa taʹan Yesus, Tuhan le tupe? Moʹ abeʹ kem dini diaʹ badaʹ uban nceʹ pegayeng me Tuhan tupe?

1 TIMUTIUS 4:14

Ayen ncoʹ peterai neng pengencai Berua Tuhan iaʹ un dalem ikoʹ, iaʹ ban Allah naʹ mikoʹ tegoʹ diaʹ pegawa Tuhan pisiu, ngan tegoʹ diaʹ tuʹa Mpun napoʹ ujoʹ de neng ikoʹ are.

1 TIMUTIUS 5:22

Ngan ayen ncoʹ nup napoʹ ujoʹ koʹ neng dulu ke nyalet ida neng gayeng Tuhan. Ngan ayen ncoʹ tai tabin dalem penyalaʹ dulu. Petubo ne usa hoʹ neng iaʹ buheʹ.

2 TIMUTIUS 1:6

Ini iaʹ ukoʹ keʹ petawai ikoʹ, apan ncoʹ ke pekatan pengencai Allah iaʹ ia naʹ mikoʹ dalau heʹ napoʹ ujoʹ keʹ neng ikoʹ are.

PILIMUN 1:16

Naʹkini abeʹ ne ia bang ca ulaʹ tuaʹ le, di lareʹ naʹkini lapa tiga ne ia neng ʹo ca ulaʹ. Ia ne iaʹ cenganak le iaʹ ilu malaʹ dalem Keristus. Bioʹ kimet ceʹ malaʹ ia. Nco pe ia neng ikoʹ laʹa. Abeʹ e bang ca ulaʹ iaʹ ikoʹ ke malaʹ, un sepuʹo ca usa iaʹ cenganak dalem Tuhan.

IBERANI 6:2

ngan naʹan naʹan batis, ngan puyan napoʹ ujoʹ, ngan puyan diaʹ lepa matai nai beteʹ, ngan puyan ukum iaʹ pa majan ʹo.

2 PETERUS 3:15

Tiga hem ngetisen pengedadoʹ tawai Tuhan, ca pengebiʹen ncem ke pigai katuk udip dalem Tuhan. Pekina lete dau cenganak le Paulus iaʹ ilu malaʹ, dalem surat katu ue mikem, bayaʹ ban penisen iaʹ Allah naʹ mia.