PEMUYAN 9:13 - Kenyah New Testament

¹³ Un dau Ananias mipa pelaʹa: “Ahaʹ Tuhan, lepa ne akeʹ kenahan dau dulu badaʹ puyan laki ina, pasak jaʹat te neng dulu diaʹ ngelan ikoʹ kaʹ Yerusalim.

PEMUYAN 9:13 Iomraidhean Croise

MATIUS 10:16

“Ikem nawai le, akeʹ ke cuk ikem koʹ baʹan puyan pun dumba tai neng ahang asu lajam. Tiga hem tudi koʹ baʹan puyan ncung ulai are, mentung ngkem ngelemaʹ kimet cem koʹ baʹan puyan sui garaʹ are.

PEMUYAN 22:4

Akeʹ nyakit pe dulu diaʹ bayaʹ Janan Yesus ne pa palai matai. Ngan tai pe akeʹ dakep laki, pekina pe leto, penco meput ida kedalem amin sepin.

PEMUYAN 8:3

Un Saul ne ubaʹ ke ngasing Mpun diaʹ ngelan Tuhan. Tai ie kaʹ dalem singket amin, mentung nge mihit dulu kawang, toʹ de diaʹ ngelan, inu pia laki, pekina pe leto, penco naʹ ida dalem amin sepin.

PEMUYAN 9:1

Dalau ina caʹ buseʹ lepe Saul. Kun ne ngeretaʹ dau mida ubaʹ ke lematai diaʹ bayaʹ katuk Tuhan dina. Ketai Saul nyat surat neng Pengebioʹ Detaʹu.

PEMUYAN 9:21

Tai salam ne tekaʹ mung dulu diaʹ kenahan dau ue. Un dau re: “Moʹ abeʹ e laki ini lete iaʹ lematai dulu diaʹ ngelan Yesus kaʹ Yerusalim are tupe? Masaʹ nai ie kini ke magang kelunan dini, ngan ngkin ida palaʹ diaʹ detaʹu lataʹ taʹin?”

PEMUYAN 9:32

Tai Peterus masat pa tipo dale ina, tai ie ca liwai naʹat diaʹ anun Tuhan diaʹ mudip kaʹ lepoʹ Lida.

PEMUYAN 9:41

Kun Peterus mencai ujoʹ o mepo beteʹ ia. Uʹo ina ha mengin ida diaʹ anun Tuhan, peging ngan diaʹ balu dina, kun ne badaʹ ban ne nai mudip mida.

RUM 1:7

Pekina dau heʹ nyurat me mung ngkem diaʹ kaʹ lepoʹ Rum, diaʹ Allah malaʹ ngan mengin ke nuyan kelunan diaʹ anun ne tengen. Awaʹ pe Allah iaʹ Amai le, ngan Tuhan Yesus Keristus, ke naʹ pengelesau ue ngan udip iaʹ tadan mikem.

RUM 15:31

Lemameʹ apan nceʹ abeʹ un sihoʹ jaʹat kuʹun dulu diaʹ abeʹ un ngelan Tuhan kaʹ tanaʹ Yudia, apan gayeng ngkeʹ kaʹ Yerusalim sihoʹ neng pengubaʹ cenganak le dalem Tuhan kina.

RUM 16:15

Badaʹ tiga saheʹ keʹ me Pilugus ngan Yulia, nang Nirius, ngan cenganak ke diaʹ leto, ngan Ulimpas, ngan mung diaʹ cenganak le dalem Tuhan diaʹ pemung ngan nte kina.

RUM 16:2

Ikem alaʹ Pibi ne dalem ngadan Tuhan, koʹ baʹan kelayan iaʹ tekep diseʹ le alaʹ diaʹ cenganak le dalem Tuhan are, ngan mepo ho neng gayeng nge, neng inu iaʹ ia ke nebelum neng ikem. Moʹ kadoʹ dulu diaʹ ia ban mepo ne; kahum pe akeʹ kidi.

1 KURINTUS 1:2

Palaʹ Mpun iaʹ anun Allah, iaʹ un kaʹ lepoʹ Kurintus. Iaʹ ina palaʹ mung kelunan diaʹ lepa sihoʹ pengin ke tai nuyan kelunan buheʹ iaʹ Allah ke un. Allah iaʹ un ida moʹ kuʹun puyan nte pebeka tawai dalem Keristus Yesus. Ida iaʹ pebulung ngan kelunan diaʹ lemameʹ man ngadan Tuhan le Yesus Keristus ngalang kempi kempi kukoʹ de. Tuhan nte, ia lete Tuhan ne.

1 KURINTUS 14:33

moʹ Allah iaʹ ngkang ilu. Abeʹ e cuk ilu lepo adet temek, di lareʹ mudip neng udip iaʹ tadan. Pekina puyan dalem singket Mpun diaʹ anun Allah.

1 KURINTUS 16:1

Un dau heʹ neng puyan pempun ligit man le ke mepo cenganak le diaʹ anun Allah kaʹ tanaʹ Yudia. Koʹ baʹan dau heʹ lepa cuk mung Mpun Tuhan kaʹ tanaʹ Galatia are, pekina lete ikem uyan bayaʹ dau ina.

1 KURINTUS 6:5

Atek ca penyaʹe-aʹe puyan ina. Abeʹ un kasip ca kelunan iaʹ tudi un dalem Mpun ncem, iaʹ senteng ke pebetep dau neng puyan pesakat neng ahang diaʹ cenganak le dalem Tuhan.

IPESUS 1:1

Cen Paulus, lawa Keristus Yesus kuʹun pengubaʹ kimet Allah: Palaʹ mung ikem diaʹ anun Allah kaʹ lepoʹ Ipesus, diaʹ tudep bayaʹ Keristus Yesus.

PILIPI 1:1

Cen Paulus ngan Timutius diaʹ ulaʹ Keristus Yesus: Palaʹ mung kelunan diaʹ anun Allah kaʹ lepoʹ Pilipi diaʹ pebeka tawai ngan Keristus Yesus, pemung ngan mung diaʹ tuʹa ngan diaʹ mepo dalem Mpun diaʹ ngelan Tuhan kina.

PILIPI 4:22

Mung dulu kini diaʹ anun Allah, menco pelaʹa dau diaʹ pegayeng dalem amin Laja Kaisar, badaʹ tiga saheʹ de mikem.

KULUSE 1:2

akeʹ pekatu surat ini palaʹ diaʹ anun Allah kaʹ lepoʹ Kuluse, ida diaʹ tai nuyan cenganak le diaʹ semamet dalem Keristus. Awaʹ pe Allah iaʹ anun le ke naʹ pengelesau ue ngan udip iaʹ tadan mikem.

IBERANI 13:24

Badaʹ tiga saheʹ meʹ palaʹ mung diaʹ tuʹa Mpun ncem, pekina pe me mung kelunan diaʹ anun Allah. Cenganak le diaʹ cen tanaʹ Italia ngatu tiga saheʹ de palaʹ ikem.

YAHUDA 1:3

Ahaʹ cenganak keʹ diaʹ akeʹ malaʹ, tekaʹ sedep keʹ are, ubaʹ ke pemuʹo tekaʹ penyanget ceʹ ke nyurat palaʹ ikem neng puyan iaʹ ke pudip ilu dalem Tuhan, iaʹ ilu ban pemung un. Un kaʹ kenai kimet ceʹ laʹa ke nyurat ca naʹan iaʹ ke petangen ikem ke pali ngkang katuk pengelan ini, iaʹ Allah lepa naʹ me ilu diaʹ anun ne ca liwai lan lan le.