PEMUYAN 8:9 - Kenyah New Testament

⁹ Un ca laki dalem lepoʹ ina, ngadan ne Simun. Majan ne ia pelingu mata neng lepoʹ Samaria ne, pa tai dulu salam neng ia. Mentung nge badaʹ ia ca kelunan bioʹ.

PEMUYAN 8:9 Iomraidhean Croise

YAYA 7:18

Kelunan aheʹ iaʹ pisiu man pengubaʹ a tengen, seʹ e ubaʹ pada ia loʹ. Un sepuʹo aheʹ iaʹ ubaʹ pada mia iaʹ cuk ia nai, laki ina iaʹ telit kimet, abeʹ un inu iaʹ palo neng ia.

PEMUYAN 13:6

Dalau ketai re nipo tanaʹ ina, abeʹ ne ida kaʹ lepoʹ Papus. Kun nte petegoʹ ngan ca laki iaʹ mencam pucau, ina ca usa pegawa palo, lepoʹ Yahudi. Un ngadan Yahudi ie Bar-yesus.

PEMUYAN 13:8

Un laki iaʹ mencam pucau ina, Bar-yesus ne, (Ilimas ngadan ne neng isiu Gerika,) ia nyakat Barnabas ngan Saul, moʹ o ubaʹ ke nyalaʹ laki bioʹ gebenur ne tai coʹ neng pengelan ne neng Tuhan.

PEMUYAN 5:36

Moʹ cen naʹaʹ nai beteʹ ca laki iaʹ ngadan ne Tidas. Ia badaʹ ia paren bioʹ. Un pe tai dulu mayo ia, kihoʹ kihoʹ pat ato laki pengekadoʹ de. Kun dulu lematai ia, ngan kudaʹ kadoʹ dulu diaʹ bayaʹ ia tai pasi. Abeʹun ca inu inu ue laʹa.

PEMUYAN 8:11

Mung dulu tai payo ngan ne, moʹ majan laleʹ ne Simun ne pesalam ida man puyan pelingu mata re.

2 TESALUNIKA 2:4

Laki ina ke nyakat mung naʹan adet sebayang kelunan iaʹ ida ngelan seleket Tuhan nte. Ngan ia ke ngempau usa ha neng toʹ naʹan puyan dina, pa ha tai madung kaʹ dalem Umaʹ Palan Allah, ngan badaʹ ia iaʹ atek Allah.

2 TIMUTIUS 3:2

Moʹ dulu ke malaʹ neng usa re tengen, mekum neng ligit, balang tawai, kancau, pejaʹat dau neng dulu. Tai re muau neng ueʹ ngan amai re, abeʹ de nyuaʹ tiga saheʹ, ngan untau pe ida.

2 TIMUTIUS 3:5

Ida ngelayen usa re koʹ seʹ diaʹ mudip temek bayaʹ Allah, un sepuʹo penyukat ke mudip temek ina, lepa ne ida nyekang nge. Ngerada ne usa hoʹ neng diaʹ pekina.

2 PETERUS 2:18

Mpau dau re pisiu, ngan abeʹ un semantet dau tiraʹ de. Ida kanan puyan asam pengubaʹ usa man nte ngepan dulu diaʹ laho laho ban kelap cen dulu diaʹ mudip dalem iaʹ salaʹ.

PUYAN LUHA’ 22:15

Un sepuʹo diaʹ tahaʹ awang lepoʹ ina un kelunan diaʹ ti puyan jameng, ngan kelunan diaʹ malai ngkang taban pucau, ngan diaʹ pemung nyelem, ngan diaʹ lematai kelunan, ngan diaʹ lemameʹ neng uyat, ngan diaʹ lemalo, ngan diaʹ bayaʹ puyan palo re.