PEMUYAN 8:4 - Kenyah New Testament

⁴ Mung nte diaʹ petat purat dina, kempi kempi ketai re masat, kina re pedenga Injil ina.

PEMUYAN 8:4 Iomraidhean Croise

MATIUS 10:23

Buk dulu petuyen ikem neng ca lepoʹ, tiga hem tai kelap neng lepoʹ diaʹ ca. Dau heʹ neng ikem laʹa, abeʹ kem ke pelepa gayeng ngkem neng mung lepoʹ Israil kena Anak Sio ini ke nai.

LUKAS 1:2

Lepa ne ida nyurat te koʹ baʹan dau iaʹ dulu nai badaʹ milu are. Moʹ diaʹ badaʹ a dina, lepa ne ida taʹan puyan Yesus man mata re tengen, dina, lepa ne ida taʹan puyan Yesus man mata re tengen, cen penading nge. Ida lete diaʹ ban penco katuk ina.

PEMUYAN 11:19

Mung diaʹ ngelan Tuhan tai petat kuʹun penaru iaʹ nai dalau dulu lematai Stipanus are. Un palai mida tai kelap pabeʹ dale Penisia ngan tanaʹ Siperus, mentung nte bada tiraʹ Allah me diaʹ lepoʹ Yahudi tengen le.

PEMUYAN 15:35

Paulus ngan Barnabas ngelineʹ pelaʹa kaʹ Antiukia pemung ngan kadoʹ dulu diaʹ ca pe, mentung nte dua pekatuk ngan badaʹ tiraʹ Tuhan.

PEMUYAN 8:1

Saul ca iaʹ mayo neng puyang lematai Stipanus ne. Tegoʹ tau ina, ina ne tading kenai taru iaʹ bioʹ neng Mpun diaʹ ngelan Tuhan kaʹ Yerusalim. Mung diaʹ ngelan Tuhan petat purat de pa tipo tanaʹ Yudia, ngan kaʹ Samaria. Bang diaʹ lawa Injil tuaʹ le diaʹ ngelineʹ.

PEMUYAN 8:12

Dalau re kenahan dau kenai Pilipus iaʹ badaʹ Denga Injil neng puyan pengaren Allah ngaren kelunan, ngan neng puyan ngadan Yesus Keristus ina, mung nte ngelan, peging ngan laki ngan leto. Sulo toʹ de sihoʹ ngebatis.

1 TESALUNIKA 2:2

Tisen te ikem kumpin puyan dulu nyakit ameʹ ngan panyi ameʹ kaʹ lepoʹ Pilipi, kena kenai meʹ palaʹ ikem kaʹ Tesalunika. Naʹ pe ia pekina, Allah le iaʹ naʹ akang mameʹ, man meʹ badaʹ Denga Injil iaʹ nai cen ia, kenuen pe kadoʹ diaʹ ke nyekang nge.