PEMUYAN 8:37 - Kenyah New Testament

³⁷ Kun dau Pilipus mipa ia: “Buk koʹ ngelan lan tekaʹ neng kimet coʹ, senteng te.” Un dau laki bioʹ lepoʹ Itiupia mipa ia: “Akeʹ ngelan Yesus Keristus ne atek Anak Allah.”]

PEMUYAN 8:37 Iomraidhean Croise

MATIUS 16:16

Un dau Simun Peterus mipa ia: “Ikoʹ lete Keristus iaʹ ngkang pungu udip, Anak Allah iaʹ mudip.”

MATIUS 28:19

Tuman ina, tai ne ikem palaʹ mung puhoʹ kelunan, mele kempi kempi kusun tanaʹ ini, ngan uyan ida kelunan diaʹ bayaʹ katuk keʹ. Ngan ngebatis ida man ngadan Amai Bioʹ, ngan Anak, ngan Berua Buheʹ.

MARKUS 16:16

Aheʹ iaʹ ngelan, ngan alaʹ batis, ia lete iaʹ atek ke tisen puyan iaʹ ke pudip ia dalem Tuhan. Aheʹ iaʹ abeʹ un ngelan, atek penyalaʹ a iaʹ ke mekem ngkin ia neng penaru.

YAYA 11:27

Dau Marta mipa ia: “Ahaʹ Tuhan, akeʹ ngelan lete ikoʹ iaʹ Keristus iaʹ ngkang pungu udip, iaʹ Anak Allah, iaʹ ameʹ mengaʹ ke nai kusun tanaʹ ini.”

YAYA 20:31

Un sepuʹo dini diaʹ lepa senurat apan ncem ke ngelan Yesus iaʹ atek Keristus iaʹ ngkang pungu udip, ngan iaʹ atek Anak Allah. Ngan kuʹun pengelan ncem ini pe ikem ke alaʹ udip dalem ngadan ne.

YAYA 6:68

Kun dau Simun Peterus mipa ia: “Ahaʹ Tuhan, palaʹ aheʹ meʹ ketai laʹa? Ikoʹ iaʹ mampin isiu iaʹ naʹ udip saheʹ kelineʹ iaʹ ngeriman.

YAYA 9:35

Yesus kenahan dau denga re pet ia kawang, penco ha tai naʹat ia. Kun ne tegoʹ ia, un dau ue neng ia: “Un ncoʹ ngelan neng Anak Sio tupe?”

PEMUYAN 2:38

Un dau Peterus neng ida: “Nesen ne, ngan nyepuleʹ kimet cem cen penyalaʹ kem singket usa hem te, ngan tai alaʹ batis neng ngadan Yesus Keristus. Ina janan ke sau penyalaʹ kem, idi hem alaʹ pengencai Allah, atek Berua Buheʹ ina.

PEMUYAN 8:12

Dalau re kenahan dau kenai Pilipus iaʹ badaʹ Denga Injil neng puyan pengaren Allah ngaren kelunan, ngan neng puyan ngadan Yesus Keristus ina, mung nte ngelan, peging ngan laki ngan leto. Sulo toʹ de sihoʹ ngebatis.

PEMUYAN 8:21

Abeʹ anun ncoʹ ne sihoʹ dalem gayeng ini, moʹ kimet coʹ abeʹ e telit dalem penaʹat Tuhan Allah.

PEMUYAN 8:36

Ngajan ketai re dua masat ngalang janan kina, abeʹ ne ida dua neng ca alo sungai. Un dau laki bioʹ ina neng Pilipus: “Un sungai kina. Inu iaʹ ukoʹ keʹ abeʹ un senteng ke siho ngebatis tupe?” [

PEMUYAN 8:38

Penco ho cuk iaʹ ngkang kerita ina ngelineʹ. Sulo ketai re dua puno kedalem sungai, iaʹ ina Pilipus ngan laki bioʹ ina are. Penco Pilipus ngebatis ia.

PEMUYAN 9:20

Tegoʹ ina pe, ketai ie kedalem amin sebayang Yahudi. Kina Saul badaʹ denga Yesus iaʹ atek Anak Allah.

RUM 10:10

Moʹ dalem penawai le ilu ngelan, ina ukoʹ le penco tai teneng ngan Allah. Man isiu le ilu teto ke ngahaʹ, ina ukoʹ le penco un udip iaʹ ke pudip ilu dalem Tuhan.

1 KURINTUS 12:3

Moʹ ina, tekep ikem iaʹ tisen moʹ kelunan aheʹ iaʹ pisiu seluhan Berua Tuhan Allah ina, abeʹ e senteng pisiu: “Pesataʹ ne Yesus.” Laʹa abeʹ un aheʹ iaʹ senteng pisiu: “Yesus ina Tuhan” buk Berua Buheʹ abeʹ un mampin ia.

1 PETERUS 3:21

Man sungai ina le ke alaʹ kata neng puyan batis iaʹ pudip ilu dalem Tuhan naʹkini: sen ne, abeʹ e ntoʹ man le muheʹ sau ano usa le, di lareʹ man tiraʹ le petuket bayaʹ Allah cen tekaʹ kimet dalem penawai le iaʹ tiga. Batis ina iaʹ pudip ikem kuʹun puyan Yesus Keristus ngeliwet mudip cen patai ie,

1 YAYA 4:15

Aheʹ kelunan iaʹ tuman dau ngahaʹ ban Yesus ina iaʹ anak Allah, Allah iaʹ mudip dalem ia, ngan ia pe mudip dalem Allah.

1 YAYA 5:1

Aheʹ kelunan iaʹ ngelan uban Yesus iaʹ atek Keristus iaʹ man pungu keniga udip, kelunan ina ne iaʹ anak Allah. Ngan aheʹ iaʹ malaʹ neng iaʹ amai, ia ke malaʹ neng iaʹ anak ke lete.

1 YAYA 5:10

Tuman ina, aheʹ kelunan iaʹ ngelan neng Anak Allah un puyan tugen ina dalem penawai ie tengen. Un sepuʹo kelunan aheʹ iaʹ abeʹ un ngelan neng Allah, seʹ e lepa naʹ Allah palo, uban abeʹ e ngelan dau iaʹ Allah lepa badaʹ tugen neng Anak ke.

1 YAYA 5:5

Aheʹ iaʹ senteng pesupeʹ puyan penyaheʹ usun tanaʹ ini tupe? Bang kelunan iaʹ ngelan ban Yesus iaʹ atek Anak Allah.