PEMUYAN 8:35 - Kenyah New Testament

³⁵ Sulo Pilipus badaʹ mia cen tading jo isiu dalem Kitap ina are, kun ne badaʹ Denga Injil neng puyan Yesus.

PEMUYAN 8:35 Iomraidhean Croise

MATIUS 5:2

Sulo ho nading pekatuk ida:

LUKAS 24:27

Sulo Yesus badaʹ mida dua mung dau katuk iaʹ sihoʹ neng ia tengen dalem isiu Kitap Tuhan. Kun ne nading nge cen Kitap Musa ngan mung surat pegawa ne.

PEMUYAN 10:34

Pekini dau Peterus nading tiraʹ a: “Iaʹ lan ne, naʹkini akeʹ tisen abeʹ Allah selepeʹ neng kelunan.

PEMUYAN 11:20

Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi.

PEMUYAN 17:18

Un palai diaʹ guru katuk Ipikuri ngan diaʹ guru katuk Stuiki nai paseʹ ngan Paulus, kun dau re: “Inu baʹan dau laki iaʹ tipan petiraʹ ini nuran nuran dau pisiu tupe?” Un dau diaʹ ca pelaʹa: “Masaʹ kenai ie pelibut denga bali uyat dulu diaʹ cen coʹ taʹin.” Ida pekina dau moʹ Paulus pedenga Yesus ngan puyan kelunan diaʹ matai nai numpak mudip.

PEMUYAN 18:28

Moʹ kuʹun penisen Apulus, ina ukoʹ lepoʹ Yahudi supeʹ pesakat ngan ne neng mpun dulu, mentung nge badaʹ cen isiu dalem Kitap Tuhan ban Yesus ina, ia lete iaʹ ngkang pungu udip.

PEMUYAN 19:13

Un pe palai lepoʹ Yahudi iaʹ ban tutang tutang nai masat, diaʹ mencam cuk bali kelap neng kelunan. Kun nte ten ke kanan ngadan Tuhan Yesus neng ida diaʹ ban bali nelasek. Kun dau re neng bali: “Akeʹ cuk kem kelap man ngadan Yesus iaʹ Paulus badaʹ ina.”

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

PEMUYAN 3:20

Ngan laʹa idi Allah ke cuk Yesus nai, iaʹ ngkang pungu udip, iaʹ Allah ban lemileʹ ke naʹ mikem.

PEMUYAN 5:42

Sulo tai re pekatuk singket tau kedalem Umaʹ Palan, pekina pe ngalang amin dulu. Abeʹ de beto tai pedengan ban Yesus iaʹ atek ngkang pungu udip.

PEMUYAN 8:34

Penco dau laki bioʹ ina neng Pilipus: “Tiga ne ikoʹ badaʹ a makeʹ sedeʹ, moʹ neng aheʹ iaʹ pegawa Yesaya pisiu pekina dau tupe? Dau ue neng usa ha tengen taʹin, buk are neng dulu diaʹ ca pe?”

PEMUYAN 9:20

Tegoʹ ina pe, ketai ie kedalem amin sebayang Yahudi. Kina Saul badaʹ denga Yesus iaʹ atek Anak Allah.

1 KURINTUS 1:23

Un sepe ilu dini ke pedenga Keristus iaʹ lepa ngediding neng usun kayu tecek, iaʹ ina ca puyan iaʹ mpeng me kelunan Yahudi, ngan ca apaʹ me kelunan diaʹ ca.

1 KURINTUS 2:2

Dalau heʹ ngelineʹ ngan ncem are, tangen tekaʹ keʹ badaʹ puyan Yesus Keristus, iaʹ ina puyan ne matai neng usun kayu tecek. Abeʹ keʹ un kimet ubaʹ ke nawai puyan diaʹ ca dalau ina.

2 KURINTUS 6:11

Ahaʹ cenganak cenganak meʹ kaʹ lepoʹ Kurintus, ameʹ lepa pisiu mikem ngan sebelang-belang dau, moʹ bioʹ lan lan tekaʹ kimet meʹ neng ikem.

IPESUS 4:21

Buk lan ncem lepa kenahan dau denga ha, ikem diaʹ bayaʹ katuk ke, ngan pekalai neng katuk iaʹ telit lan, mentung ngkem pebeka tawai hem dalem Yesus.