PEMUYAN 8:30 - Kenyah New Testament

³⁰ Ngasa tai Pilipus palaʹ ia, penco ho kenahan dau laki bioʹ lepoʹ Itiupia ne baca cen Kitap Pegawa Yesaya. Kun dau Pilipus: “Tisen te ikoʹ kidi amai, inu iaʹ ikoʹ baca ina tupe?”

PEMUYAN 8:30 Iomraidhean Croise

MATIUS 13:19

Kelunan diaʹ kenahan dau katuk neng puyan pengaren Allah ke ngaren ilu kelunan, ngan abeʹ un tisen sen ne, ida dina ne diaʹ koʹ baʹan beneʹ diaʹ ban laboʹ kaʹ sada janan are. Nai ne kun Bali Jaʹat ʹo, magang katuk iaʹ Tuhan lepa mula dalem kimet de.

MATIUS 13:23

Un sepe beneʹ diaʹ laboʹ kaʹ tanaʹ iaʹ tiga, koʹ baʹan kelunan diaʹ ngeringa katuk ina ngan mentung nte ngetisen sen ne. Penco re un buʹan. Un pe diaʹ tai mato, ngan un pe diaʹ nem puloʹ, ngan un pe diaʹ telu puloʹ.”

MATIUS 13:51

Un dau Yesus lemutu ida: “Kumpin tupe, lepa ne ikem tisen mung tiraʹ ini?” Un dau re mipa ia: “Ahaʹ, tisen te ameʹ kidi.”

MATIUS 15:10

Sulo Yesus mengin kelunan kadoʹ dina ngenyeng ia, ngan un dau ue neng ida: “Tiga hem ngeringa ngan ngetisen dau heʹ.

MATIUS 24:15

“Ikem ke taʹan ‘Puyan iaʹ Pelapa Jaʹat,’ baʹan dau pegawa Daniel, kenai ie beteʹ kukoʹ buheʹ. (Ikem diaʹ pecap surat ini, ayen tepa pekimet sen isiu ini.)

MARKUS 13:14

“Ikem ke taʹan puyan iaʹ pelapa jaʹat ke nai beteʹ neng ukoʹ iaʹ abeʹ un tekep ke nai ie ke beteʹ.” (Ikem diaʹ baca ini, ayen ncem talu neng isiu ini ʹo.) “Kelunan diaʹ mudip kaʹ tanaʹ Yudia dalau ina, tiga re tai kelap kaʹ mudung.

YAYA 4:34

Kun Yesus pisiu mida: “Penguman nceʹ ne keti bayaʹ pengubaʹ kimet ia iaʹ cuk akeʹ nai, ngan pedaʹam gayeng iaʹ ia cuk akeʹ ti.

YAYA 5:39

Ikem pekalai Kitap uban ncem kuma dalem surat dina hem ke alaʹ udip saheʹ kelineʹ iaʹ ngeriman, ngan surat dina tengen ke badaʹ tugen neng akeʹ.

PEMUYAN 8:27

Penco Pilipus pedepa inu ue, tai ie puke. Un ca laki lepoʹ Itiupia iaʹ puntan, ca pegawai bioʹ, tai uleʹ bayaʹ janan ina. Laki bioʹ lepoʹ Itiupia ina iaʹ un penyukat ngkang mung bahan ligit Kandake, laja leto lepoʹ Itiupia ne. Laki ina nai ie uleʹ uʹo ho lemameʹ palaʹ Allah kaʹ Yerusalim.

PEMUYAN 8:29

Kun Berua Buheʹ pisiu Pilipus: “Tai ne ikoʹ ngenyeng laki bioʹ lepoʹ Itiupia ina, tai pemung ngan ne neng kerita haʹ.”

PEMUYAN 8:31

Un dau laki bioʹ ina neng ia: “Kumpin nceʹ ketisen ne buk abeʹ un aheʹ iaʹ badaʹ a makeʹ?” Penco ho mengin Pilipus nai kempau neng usun kerita ha, pata madung ngan ne.

PEMUYAN 8:5

Un Pilipus, tai ie puno kaʹ dale Samaria, penco ho badaʹ neng puyan Keristus iaʹ ngkang pungu udip me dulu kina.

1 KURINTUS 14:19

Un sepuʹo dalem Mpun diaʹ ngelan Tuhan, akeʹ ubaʹ ke pisiu lema luʹung isiu diaʹ luhaʹ sen ne apan nceʹ pekatuk kelunan, neng ʹo kudaʹ ibu luʹung isiu iaʹ bulen dau.

IPESUS 5:17

Moʹ ina, ayen ncem untau laʹa, di lareʹ nengayet ne ngetisen pengubaʹ kimet Tuhan neng ikem.

PUYAN LUHA’ 13:18

Ini iaʹ ten tudi penisen le. Aheʹ iaʹ mencam pekimet, senteng te tisen sen cap pun ini, moʹ cap lumpun ina iaʹ seleket ngadan kelunan. Cap ina lumpun nem ato nem puloʹ nem.