PEMUYAN 8:22 - Kenyah New Testament

²² Bang nesen ne ikoʹ ngan nyepuleʹ ne kimet coʹ cen puyan jaʹat coʹ ne. Ngan lemameʹ palaʹ Tuhan, apan Tuhan sau kimet coʹ iaʹ jaʹat ina ʹo.

PEMUYAN 8:22 Iomraidhean Croise

PEMUYAN 17:30

Toʹ ngajan kelunan turan mudip are, abeʹ Allah un situk kidi. Un sepuʹo, naʹkini Allah cuk mung kelunan kempi kempi ke nesen ngan nyepuleʹ kimet de cen puyan jaʹat de.

PEMUYAN 2:38

Un dau Peterus neng ida: “Nesen ne, ngan nyepuleʹ kimet cem cen penyalaʹ kem singket usa hem te, ngan tai alaʹ batis neng ngadan Yesus Keristus. Ina janan ke sau penyalaʹ kem, idi hem alaʹ pengencai Allah, atek Berua Buheʹ ina.

PEMUYAN 3:19

Moʹ ina, nesen ne, ngan nyepuleʹ kimet cem palaʹ Allah, idi ie ke musoʹ sau penyalaʹ kem. Laʹa idi hem ke un ca iaʹ ke nyengim udip kem, iaʹ ban nai cen juma Tuhan.

PEMUYAN 8:20

Kun dau Peterus mipa ia: “Pebareng ne ligit coʹ pemung ngan usa hoʹ, moʹ un tekaʹ koʹ pekimet senteng ke lemeli pengencai sio Allah man ligit coʹ.

PEMUYAN 9:11

Un dau Tuhan neng ia: “Petenup ne ikoʹ. Tai hoʹ masat kaʹ janan iaʹ ngadan ne Janan Telit. Ikoʹ ke taʹan ca laki ngadan ne Saul lepoʹ Tarsus kaʹ amin Yudas de. Un te Saul lemameʹ kina te.

RUM 2:4

Pamoʹ pe ikem pesingo neng pengelesau iaʹ Allah lebang naʹ milu, ngan dadoʹ saheʹ e, ngan denaʹ tawai ie. Tekep kem tisen inu ukoʹ Allah ban lesau ikem, moʹ o ten ke ngkin ikem nyepuleʹ kimet cem cen penyalaʹ kem.

IBERANI 4:12

Atek mudip ne tiraʹ Allah ngan un penyukat. Tiraʹ Allah iaʹ lapa lerip cen bahing iaʹ nyahit seripa, ngan nyapaʹ pa besut neng ukoʹ tuk tawai ngan berua, koʹ baʹan neng ukoʹ tuk sekarup tulang ngan utak tulang. Tiraʹ ini iaʹ peluhaʹ pengubaʹ ngan kimet neng penawai kelunan.

PUYAN LUHA’ 2:21

Lepa ne akeʹ naʹ ca awang mia apan ne senteng ke nesen ngan nyepuleʹ kimet te cen penyalaʹ a. Ia iaʹ, abeʹ e ubaʹ ke kelap cen puyan pemung nyelem me ne.