PEMUYAN 8:12 - Kenyah New Testament

¹² Dalau re kenahan dau kenai Pilipus iaʹ badaʹ Denga Injil neng puyan pengaren Allah ngaren kelunan, ngan neng puyan ngadan Yesus Keristus ina, mung nte ngelan, peging ngan laki ngan leto. Sulo toʹ de sihoʹ ngebatis.

PEMUYAN 8:12 Iomraidhean Croise

MATIUS 28:19

Tuman ina, tai ne ikem palaʹ mung puhoʹ kelunan, mele kempi kempi kusun tanaʹ ini, ngan uyan ida kelunan diaʹ bayaʹ katuk keʹ. Ngan ngebatis ida man ngadan Amai Bioʹ, ngan Anak, ngan Berua Buheʹ.

LUKAS 9:2

Sulo kun ne cuk ida tai badaʹ denga puyan pengaren Allah, mentung paget diaʹ sakit.

LUKAS 9:60

Un dau Yesus neng ia: “Talan pia diaʹ abeʹ un pengudip dalem Tuhan masek patai neng ata re tengen. Iaʹ un ncoʹ ini, tai ne pedenga puyan pengaren Allah.”

PEMUYAN 1:3

Dalem pat puloʹ tau majan ne cen uʹo ho lepa matai are, un pe kudaʹ kudaʹ liwai kenai ie luhaʹ palaʹ ida. Atek luhaʹ ban ne mudip, moʹ un diaʹ lawa dina taʹan ia, ngan ia pekatuk ida neng puyan pengaren Allah ngaren ilu kelunan.

PEMUYAN 11:20

Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi.

PEMUYAN 18:8

Un Kerispus de panak, nai re ngelan Tuhan. Kerispus iaʹ tuʹa bioʹ mpun sebayang Yahudi dina. Ngan kadoʹ kenai diaʹ lepoʹ Kurintus ngeringa dau katuk Paulus, sulo nai re ngelan Tuhan ngan tai sihoʹ ngebatis.

PEMUYAN 19:5

Lepa re kenahan dau puyan ina, tai re mung sihoʹ ngebatis dalem ngadan Tuhan Yesus.

PEMUYAN 2:38

Un dau Peterus neng ida: “Nesen ne, ngan nyepuleʹ kimet cem cen penyalaʹ kem singket usa hem te, ngan tai alaʹ batis neng ngadan Yesus Keristus. Ina janan ke sau penyalaʹ kem, idi hem alaʹ pengencai Allah, atek Berua Buheʹ ina.

PEMUYAN 2:41

Kadoʹ de kina diaʹ ngelan dau katuk ke, sulo re alaʹ batis nuʹo. Tegoʹ tau ina, kadoʹ de, kihoʹ kihoʹ telu ibu usa, iaʹ nai ngepit neng mpun nte.

PEMUYAN 20:21

Palaʹ lepoʹ Yahudi, pekina pe palaʹ lepoʹ Gerika, akeʹ nyebelang badaʹ ngan tugen dau neng puyan nyepuleʹ cen penyalaʹ tai palaʹ Allah, ngan puyan ngelan Tuhan le Yesus.

PEMUYAN 20:25

“Lepa ne kenai heʹ masat neng ahang ikem badaʹ katuk neng puyan pengaren Allah ke ngaren ilu kelunan. Naʹkini tisen nceʹ, abeʹ kem ke taʹan akeʹ ne laʹa ʹo.

PEMUYAN 28:31

Kun ne badaʹ denga neng puyan pengaren Allah ngaren ilu kelunan, ngan badaʹ katuk neng Tuhan Yesus Keristus. Kun ne pisiu ngan tempa dau ue, ngan abeʹ un aheʹ iaʹ penceng ia. 109

PEMUYAN 5:14

Keno ketai kadoʹ dulu nai ngepit Mpun nte. Kadoʹ lan ne laki, pekina pe leto diaʹ ngelan Tuhan.

PEMUYAN 8:4

Mung nte diaʹ petat purat dina, kempi kempi ketai re masat, kina re pedenga Injil ina.

RUM 10:10

Moʹ dalem penawai le ilu ngelan, ina ukoʹ le penco tai teneng ngan Allah. Man isiu le ilu teto ke ngahaʹ, ina ukoʹ le penco un udip iaʹ ke pudip ilu dalem Tuhan.

1 KURINTUS 11:11

Naʹ pia pekina neng puyan pengudip le dalem Tuhan, leto kedatung neng laki pekuaʹ koʹ baʹan laki kedatung neng iaʹ leto.

GALATIA 3:28

Tuman ina, abeʹ un tekajaʹ lepoʹ Yahudi ngan lepoʹ dulu diaʹ ca, pekina pe diaʹ ulaʹ ngan diaʹ abeʹ un ulaʹ, pekina pe laki ngan leto. Moʹ mung ngkem lepa pekuaʹ dalem pebeka penawai hem ngan Keristus Yesus.

1 PETERUS 3:21

Man sungai ina le ke alaʹ kata neng puyan batis iaʹ pudip ilu dalem Tuhan naʹkini: sen ne, abeʹ e ntoʹ man le muheʹ sau ano usa le, di lareʹ man tiraʹ le petuket bayaʹ Allah cen tekaʹ kimet dalem penawai le iaʹ tiga. Batis ina iaʹ pudip ikem kuʹun puyan Yesus Keristus ngeliwet mudip cen patai ie,