PEMUYAN 8:1 - Kenyah New Testament

¹ Saul ca iaʹ mayo neng puyang lematai Stipanus ne. Tegoʹ tau ina, ina ne tading kenai taru iaʹ bioʹ neng Mpun diaʹ ngelan Tuhan kaʹ Yerusalim. Mung diaʹ ngelan Tuhan petat purat de pa tipo tanaʹ Yudia, ngan kaʹ Samaria. Bang diaʹ lawa Injil tuaʹ le diaʹ ngelineʹ.

PEMUYAN 8:1 Iomraidhean Croise

MATIUS 22:6

ngan diaʹ ca laʹa, ida lemengen ulaʹ dina are, metung ida, ngan lematai ida.

MATIUS 23:34

Tuman ina akeʹ badaʹ mikem, akeʹ ke cuk kudaʹ usa pegawa nai palaʹ ikem ngan pekina pe kelunan tudi, ngan kudaʹ usa guru. Un sepuʹo ikem ke lematai palai mida, ngan palai ikem ke napek kaʹ kayu tecek, ngan palai laʹa ikem ke lemeta dalem amin sebayang, mentung ngkem ke pekarap ida cen ca lepoʹ, tai kaʹ ca lepoʹ.

MATIUS 5:13

“Kumpin seʹ usen tekep un neng penguman le, pekina lete ikem un neng usun tanaʹ ini. Buk usen ina ke tai jeling, kumpin seʹ le ke pelaʹit te ne laʹa. Abeʹ un ca inu iaʹ bang nge. Ina le dulu ke pet te ngan cut te.

YAYA 15:20

Petawai dau iaʹ akeʹ lepa badaʹ mikem: ‘Abeʹ ca ulaʹ tai pelapa bioʹ cen diaʹ tuʹa ha.’ Buk de ke nyakit akeʹ, atek de ke nyakit ikem lete. Buk de bayaʹ dau katuk keʹ, atek de bayaʹ dau katuk kem lete.

YAYA 16:2

Dulu ke mesau ikem cen amin sebayang ʹo. Ngan un te kenai jakaʹ dulu diaʹ ke lematai ikem, ke pekimet ban kuʹun puyan ini re kuma ida ke penco gayeng Allah.

PEMUYAN 1:8

Un sepuʹo ke sangan ncem kuʹun penyukat te tegoʹ Berua Buheʹ kenai mesun neng ikem, ngan ikem iaʹ ke tai nuyan kelunan diaʹ ke badaʹ tugen neng akeʹ kaʹ Yerusalim, pekina pe pa tipo tanaʹ Yudia, ngan kaʹ tanaʹ Samaria, pabeʹ libut usun tanaʹ ne.”

PEMUYAN 13:1

Neng Mpun diaʹ ngelan Tuhan kaʹ lepoʹ Antiukia, un pe kudaʹ kadoʹ pegawa Tuhan ngan guru, iaʹ ina Barnabas, ngan Simiun (iaʹ dulu naʹ Saleng), ngan Lukius (lepoʹ Kirini), ngan Menahem (cenganak ca ueʹ ngan Laja Herudis iaʹ ngkang ca tulat neng iaʹ kepat dale ina), ngan Saul.

PEMUYAN 13:36

Lepa ne Daut pegayeng bayaʹ pengubaʹ Allah ngajan udip pe, uʹo ina tai ie matai. Tai re masek ia, pedudo ia ngan tepun ne, ngan madam pe ia.

PEMUYAN 2:47

mentung nte pempau Allah, ngan sihoʹ neng pengubaʹ lepoʹ ina mung. Singket tau ne Tuhan ngepit Mpun nte kuʹun dulu diaʹ tisen puyan iaʹ pudip ida dalem Tuhan.

PEMUYAN 22:20

Un pelaʹa dalau dulu lematai Stipanus iaʹ badaʹ tugen neng ikoʹ are, un pe akeʹ kaʹ ina. Akeʹ ngahaʹ dulu lematai ia, ngan akeʹ ia mengau sapai kelunan diaʹ lematai ia.’

PEMUYAN 26:10

Atek pekina puyan nceʹ kaʹ Yerusalim are. Tai heʹ palaʹ diaʹ detaʹu lataʹ, alaʹ surat penyukat ceʹ ketai nyepin dulu diaʹ anun Allah. Dalau re sihoʹ ukum patai are, payo pe akeʹ ngan dulu diaʹ ti ida.

PEMUYAN 5:18

Sulo re dakep diaʹ lawa Injil dina, penco naʹ ida dalem amin sepin lepoʹ ina.

PEMUYAN 5:20

“Tai ne ikem nekejeng kedalem Umaʹ Palan Allah. Badaʹ me kelunan mung, tiraʹ neng udip mading ini.”

PEMUYAN 5:33

Kun Mpun diaʹ Lataʹ diaʹ pempun kina kenahan dau tiraʹ ina, buseʹ laleʹ ne tekaʹ kimet de, mentung nte ubaʹ ke lematai diaʹ lawa Injil dina.

PEMUYAN 5:40

Mung Mpun diaʹ Lataʹ dina ngahaʹ dau Gamalil. Penco re mengin diaʹ lawa Injil dina nai kedalem laʹa. Kun nte lemeta ida, mentung nte mulen ida ayen peletoʹ ke pisiu man ngadan Yesus laʹa. Uʹo ina kun nte pawang ida tai.

PEMUYAN 7:38

Musa ne lete iaʹ ban pemung ngan lepoʹ Israil dalau re pempun kaʹ tanaʹ lenga. Musa pe iaʹ ban pemung ngan tepun le, ngan melikat iaʹ pisiu musa neng usun Mudung Sinai. Musa pe iaʹ alaʹ tiraʹ katuk udip cen Allah, apan katuk udip ini ketai pabeʹ palaʹ ilu naʹkini.

PEMUYAN 7:54

Dalau Mpun diaʹ Lataʹ dina kenahan dau Stipanus pekina dau, buseʹ laleʹ ne tekaʹ de ngan ngetaret dau jipen nte miʹa ia.

PEMUYAN 7:58

Sulo re pet ia kaʹ awang lepoʹ, mentung nte lemulo ia. Mung diaʹ ban badaʹ tugen are, ida mahung sapai re ngan ca laki iaʹ iʹut udip, ngadan ne Saul.

PEMUYAN 8:14

Un diaʹ lawa Injil kaʹ Yerusalim kenahan dau denga puyan lepoʹ Samaria lepa ngelan tiraʹ Tuhan Allah. Kun nte cuk Peterus ngan Yaya tai naʹat ida.

PEMUYAN 8:2

Un pe palai diaʹ temek lemameʹ, ida iaʹ tai masek patai Stipanus, mentung bioʹ dau tange re.

PEMUYAN 8:4

Mung nte diaʹ petat purat dina, kempi kempi ketai re masat, kina re pedenga Injil ina.

PEMUYAN 8:5

Un Pilipus, tai ie puno kaʹ dale Samaria, penco ho badaʹ neng puyan Keristus iaʹ ngkang pungu udip me dulu kina.

PEMUYAN 9:31

Ina ukoʹ o un tadan neng Mpun diaʹ ngelan Tuhan pa tipo tanaʹ Yudia, ngan Galilia, ngan Samaria. Un Mpun diaʹ ngelan Tuhan kina tai tangen kuʹun katuk ngan tai un pit kadoʹ de, mentung mudip ngan tunuk seʹ puyan nte palaʹ Tuhan, uban kuʹun Berua Tuhan iaʹ mepo ida.

RUM 1:32

Tisen te ida dau katuk adet Allah iaʹ badaʹ kelunan diaʹ mudip pekina puyan atek tekep de ke sihoʹ ukum patai. Naʹ pe pekina, abeʹ e bang pekina tuaʹ le puyan nte, pincaʹ kun nte pada diaʹ pekina pemuyan nte puʹo.

PILIPI 1:12

Cenganak cenganak keʹ dalem Tuhan, ubaʹ kaʹ keʹ ikem ke tisen, neng mung penaru iaʹ ban sihoʹ akeʹ ini, penaru ini ne iaʹ petutui nelicuk gayeng Denga Injil tai bioʹ.

IBERANI 11:27

Kuʹun pengelan ne Musa mecin tanaʹ Masir, ngan abeʹ un takut tekaʹ kuʹun iʹa laja. Koʹ baʹan puyan ne taʹan Allah iaʹ mata le abeʹ senteng taʹan, ina ukoʹ o abeʹ un dayo tai ngeliwet.