PEMUYAN 7:55 - Kenyah New Testament

⁵⁵ Un Stipanus iaʹ sangan kuʹun Berua Buheʹ, nekadaʹ a kaʹ langit, sulo ho taʹan serema peniga Allah; un pe Yesus nekejeng tahaʹ taʹu Allah.

PEMUYAN 7:55 Iomraidhean Croise

MARKUS 16:19

Lepa Yesus petiraʹ ngan nte, sulo tai ie pejung kaʹ surga, ngan madung tahaʹ taʹu Tuhan Allah.

YAYA 11:41

Kun nte mesau batu kep liang ina, penco Yesus naʹat kempau, ngan kuma: “Akeʹ nyuaʹ saheʹ kimet neng ikoʹ Amai, uban ncoʹ ngeringa dau heʹ.

YAYA 12:41

Yesaya pisiu pekini dau uban ne lepa taʹan serema peniga Yesus, ngan penco badaʹ puyan ne.

YAYA 14:3

Uʹo heʹ lepa tai petenup ca ukoʹ mikem ne, akeʹ te iaʹ kenai ngeliwet alaʹ ikem, apan ncem pemung ukoʹ ngan nceʹ.

PEMUYAN 2:4

Mung nte tai sangan kuʹun Berua Buheʹ, sulo re pisiu neng naʹan naʹan dau isiu, bayaʹ ban puyan Berua Buheʹ iaʹ nai mesun neng ida cuk ida pisiu.

PEMUYAN 4:8

Peterus iaʹ sangan kuʹun Berua Buheʹ ina mipa ida, un dau ue: “Ahaʹ pui, amai, ngan mung ngkem diaʹ tuʹa tuʹa le,

PEMUYAN 6:10

Un Stipanus ina, Berua Tuhan iaʹ naʹ tudi penisen mia, ina ukoʹ de supeʹ nyakat ia.

PEMUYAN 6:3

Moʹ ina cenganak cenganak, tiga hem lemileʹ neng ahang ikem, tujoʹ usa diaʹ ban ilu nugen luhaʹ diseʹ un sangan kuʹun Berua Buheʹ, ngan diaʹ tudi diseʹ penisen pe, iaʹ ilu nebelum ke ngkang gayeng ini.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

PEMUYAN 6:8

Un Stipanus, laki iaʹ sangan kuʹun peniga Allah ngan penyukat. Ia uyan puyan nyingan iaʹ bioʹ ngan tedanaʹ bulen neng ahang lepoʹ ina.

2 KURINTUS 4:6

Allah iaʹ pisiu cen naʹaʹ kuma ha: “Cen dalau ntem kenai dema nyerema.” Atek Allah ina lete iaʹ uyan dema ha nai nyerema kaʹ dalem kimet le are, idi kenai palaʹ ilu dema penisen neng puyan peniga Allah, kumpin seʹ e luhaʹ serema ha neng silung Keristus.

IBERANI 1:3

Ia iaʹ nyerema serema peniga Allah lete. Ia iaʹ seleket uban peluhaʹ layen Allah lan, ngan ia lete iaʹ ngkang mung inu kusun langit ngan tanaʹ man isiu nyingan ne. Lepa ha uyan puheʹ man muheʹ penyalaʹ kelunan, sulo ho madung kaʹ surga tahaʹ taʹu Allah iaʹ atek Bioʹ Nyingan.

IBERANI 8:1

Ini ne umpung isiu le: ilu un ca Laki Pengebioʹ Detaʹu le iaʹ madung tahaʹ taʹu padung pengaren Allah iaʹ Atek Bioʹ kaʹ surga.

2 PETERUS 1:17

Moʹ ameʹ iaʹ un dalau Allah iaʹ Amai Bioʹ nyelama ia, ngan naʹ serema peniga mia dalau kenai isiu cen Serema iaʹ Atek Bioʹ, iaʹ pekini dau ue: “Ini ne Anak pengemalaʹ keʹ, iaʹ sihoʹ neng pengubaʹ keʹ.”

PUYAN LUHA’ 21:11

ngan nyerema kuʹun serema peniga Allah. Serema lepoʹ ina koʹ baʹan batu intan iaʹ mahan beli, koʹ baʹan seʹ batu yasip, mening koʹ baʹan batu kelingai are.