PEMUYAN 7:53 - Kenyah New Testament

⁵³ Ikem te iaʹ ban lepa alaʹ Katuk Adet Allah iaʹ melikat lepa badaʹ idai. Belekaʹ ikem lete ban muau kidi puʹo.”

PEMUYAN 7:53 Iomraidhean Croise

YAYA 7:19

Un Musa lepa naʹ adet mikem mo? Un sepuʹo abeʹ un ca usa mikem iaʹ atek bayaʹ adet ina. Inu adeʹ kem ubaʹ mita janan man lematai akeʹ?”

PEMUYAN 7:38

Musa ne lete iaʹ ban pemung ngan lepoʹ Israil dalau re pempun kaʹ tanaʹ lenga. Musa pe iaʹ ban pemung ngan tepun le, ngan melikat iaʹ pisiu musa neng usun Mudung Sinai. Musa pe iaʹ alaʹ tiraʹ katuk udip cen Allah, apan katuk udip ini ketai pabeʹ palaʹ ilu naʹkini.

GALATIA 3:19

Buk ke pekina, inu tuman Allah ban naʹ Katuk Adet ina cen naʹaʹ? Allah ban naʹ Katuk Adet ina apan ne ke peluhaʹ puyan iaʹ salaʹ. Ngan Katuk Adet ina nuyan ca janan pa kenai Laki iaʹ mela cen Ibrahim, moʹ palaʹ ia ne dau tuket ina nuyan are. Katuk Adet ina nai cen Allah, ngan diaʹ melikat te iaʹ ngkin ne palaʹ Musa, ngan Musa iaʹ neng ahang Allah ngan kelunan dalau ina.

GALATIA 6:13

Kelunan diaʹ ngkang adet sunat dina, abeʹ de ngkang mung Katuk Adet. Pengubaʹ de uyan adet sunat mikem apan nte sukat ke pincung ngadan nte, sulo badaʹ ban ncem lepa tunuk palaʹ katuk adet de.

IBERANI 2:2

Singket liwai diaʹ melikat pelawa tiraʹ cen naʹaʹ are, luhaʹ ban atek lan isiu re. Kelunan diaʹ nyakat ngan muau dau re are, sihoʹ ukum marung neng salaʹ de.