PEMUYAN 7:52 - Kenyah New Testament

⁵² Pegawa iaʹ mpi iaʹ are sihoʹ tuyen kuʹu tepun ncem tupe? Tepun ncem lete iaʹ lematei diaʹ lawa Allah iaʹ nekena badaʹ neng puyan kenai Ulaʹ a iaʹ teneng ina. Naʹkini lepa ne ikem muau neng Laki ina, ngan lematai ia.

PEMUYAN 7:52 Iomraidhean Croise

MATIUS 5:12

Bangen ne ikem ngan tiga ne saheʹ kem, ban ne bioʹ ne bang kem iaʹ lepa tenup kaʹ surga. Kumpin puyan dulu nyakit pegawa Tuhan cen naʹaʹ, pekina lete puyan dulu neng ikem naʹkini.”

LUKAS 6:23

Dalau ina bangen ncem ngan kancet, moʹ kuʹun bangen cen dalem penawai hem, moʹ bioʹ laleʹ bang ngkem kaʹ surga. Moʹ pekina lete ban puyan diaʹ tepun nte neng diaʹ pegawa Allah cen naʹaʹ are.

YAYA 16:10

Ngan ida salaʹ pekimet puyan iaʹ teneng, uban akeʹ ketai palaʹ Amai Bioʹ, ngan abeʹ kem ke taʹan akeʹ laʹa.

PEMUYAN 2:23

Ban Yesus lete, Allah ban naʹ palaʹ ikem bayaʹ pengubaʹ kimet te, ngan penisen ne tengen. Lepa ne ikem lematai ia, moʹ ikem iaʹ cuk dulu diaʹ pepuk kuʹun penyalaʹ napek ia neng kayu tecek.

PEMUYAN 22:14

Un dau Ananias pelaʹa: ‘Un Allah le ne, ia lete Allah tepun le, ia ban lemileʹ ikoʹ, ke cuk ikoʹ ke ngetisen ban pengubaʹ kimet te, ngan ke taʹan Yesus ulaʹ a iaʹ atek teneng, ngan ikoʹ ke ngeringa dau isiu ue.

PEMUYAN 3:18

Uban cen naʹaʹ Allah badaʹ isiu ue man mung pegawa ha, kumpin seʹ puyan kenai Laki iaʹ ngkang pungu udip, iaʹ Allah naʹ milu, iaʹ atek ke ke sihoʹ tuyen lete ʹo. Pekina lete ban tai ie palup.

PEMUYAN 3:24

“Ngan pekina dau diaʹ pegawa Allah mung cen Samuil, peging ngan pegawa diaʹ bayaʹ, ketoʹ diaʹ penco tiraʹ Allah are, mung nte iaʹ ban badaʹ neng sun udip ini.

PEMUYAN 4:10

tiga hem mung tisen kidi. Tekep ketoʹ lepoʹ Israil tai tisen, ban laki iaʹ nai nekejeng kata ikem ini, lepa maget lan ne ia kuʹun penyukat dalem Yesus Keristus, lepoʹ Nasarit, iaʹ ikem ban lematai neng kayu tecek idai, ngan Allah iaʹ ban pudip ia cen patai ie.

1 TESALUNIKA 2:15

Lepoʹ ina lete iaʹ lematai Tuhan Yesus peging ngan diaʹ pegawa Tuhan. Ngan pekina pe ida lepa petuyen ameʹ pe. Seʹ de nyakit kimet Allah. Seʹ de buseʹ neng mung kelunan pe.

2 TIMUTIUS 3:4

mencam nyekaluk, mahing pisiu, mpau kimet de. Malaʹ de neng pengawaʹ usun tanaʹ ini. Nyahut de malaʹ Tuhan Allah.

1 PETERUS 1:11

Seʹ de ubaʹ ke ngetisen midan jakaʹ a, ngan ke kumpin seʹ puyan ke kenai ie ʹo. Moʹ Berua Keristus iaʹ un dalem ida, tugen dau neng iaʹ naʹkini, ngan nekena badaʹ neng penuyen iaʹ ke sihoʹ Keristus, ngan serema peniga iaʹ petuk kenai luhaʹ bayaʹ a.

1 YAYA 2:1

Ahaʹ ikem diaʹ anak keʹ, akeʹ ti surat ini mikem apan ncem abeʹ un uyan penyalaʹ ʹo. Un sepuʹo buk aheʹ ke uyan penyalaʹ, ilu un Yesus Keristus, Laki iaʹ atek teneng, iaʹ lemameʹ dau milu neng Amai Bioʹ.

PUYAN LUHA’ 19:10

Kun nceʹ muʹup kata taket melikat ina ke lemameʹ palaʹ ia. Un dau ue neng akeʹ: “Ayen ti pekina, akeʹ ne ca ulaʹ Allah pekuaʹ ngan ncoʹ lete, pekuaʹ ngan cenganak koʹ iaʹ mampin katuk telit, iaʹ nai luhaʹ kuʹun Yesus. Bang Allah le ilu lemameʹ.” Kuʹun katuk telit iaʹ Yesus peluhaʹ milu, ina iaʹ petangen pegawa Tuhan ke penco katuk milu.

PUYAN LUHA’ 3:7

Un dau Yesus pelaʹa: “Nyurat ne me iaʹ tuʹa Mpun iaʹ kaʹ lepoʹ Piladipia: “Ini dau tiraʹ cen Laki iaʹ buheʹ ngan telit, iaʹ mampin kusi anun Daut cen naʹaʹ. Inu ia ke mesik, abeʹ un aheʹ iaʹ senteng mekep pe. Inu ia ke mekep, abeʹ un aheʹ iaʹ senteng ke mesik ke.