PEMUYAN 7:38 - Kenyah New Testament

³⁸ Musa ne lete iaʹ ban pemung ngan lepoʹ Israil dalau re pempun kaʹ tanaʹ lenga. Musa pe iaʹ ban pemung ngan tepun le, ngan melikat iaʹ pisiu musa neng usun Mudung Sinai. Musa pe iaʹ alaʹ tiraʹ katuk udip cen Allah, apan katuk udip ini ketai pabeʹ palaʹ ilu naʹkini.

PEMUYAN 7:38 Iomraidhean Croise

YAYA 1:17

Cen Musa, Allah lepa naʹ Katuk Adet milu. Un sepuʹo cen Yesus Keristus kenai pengelesau ngan isiu iaʹ telit.

YAYA 6:63

Berua Allah iaʹ naʹ udip me kelunan. Penyukat usa kelunan abeʹ un inu iaʹ bang nge. Un sepuʹo ketoʹ tiraʹ diaʹ akeʹ lepa pisiu mikem, ina iaʹ atek Berua ngan udip.

PEMUYAN 7:30

“Sukung ne pat puloʹ uman majan Musa kina te, kun ne taʹan ca usa melikat kata ia dalau aʹang luten neng kayu jue, kaʹ tanaʹ lenga nyeng kaʹ Mudung Sinai te.

PEMUYAN 7:35

Sulo dau Stipanus laʹa: “Lepoʹ Israil diaʹ nyekang Musa are. Pekini dau re neng ia are: ‘Aheʹ iaʹ uyan ikoʹ paren ngan tuʹa pebetep tiraʹ neng ameʹ tupe?’ Idi Musa ne lete iaʹ Allah cuk ke paren ngan tuʹa re, ngan laki keniga udip de, moʹ melikat ina pisiu ia dalau aʹang luten kaʹ kayu jue ina are.

PEMUYAN 7:53

Ikem te iaʹ ban lepa alaʹ Katuk Adet Allah iaʹ melikat lepa badaʹ idai. Belekaʹ ikem lete ban muau kidi puʹo.”

RUM 3:2

Kadoʹ bang nge, dalem kadoʹ naʹan janan. Iaʹ ading nge, Allah ban naʹ tiraʹ a me lepoʹ Yahudi.

RUM 9:4

Lepoʹ Yahudi, ida diaʹ Allah ban lemileʹ ngan mamung. Mida pe Allah naʹ serema peniga ha ne. Kun Allah nyalet tuket te neng ida. Kun ne naʹ Katuk Adet te mida puʹo. Ida pe diaʹ un puyan temameʹ iaʹ lan. Pekina pe ida iaʹ alaʹ dau tuket cen Tuhan Allah ne.

GALATIA 3:19

Buk ke pekina, inu tuman Allah ban naʹ Katuk Adet ina cen naʹaʹ? Allah ban naʹ Katuk Adet ina apan ne ke peluhaʹ puyan iaʹ salaʹ. Ngan Katuk Adet ina nuyan ca janan pa kenai Laki iaʹ mela cen Ibrahim, moʹ palaʹ ia ne dau tuket ina nuyan are. Katuk Adet ina nai cen Allah, ngan diaʹ melikat te iaʹ ngkin ne palaʹ Musa, ngan Musa iaʹ neng ahang Allah ngan kelunan dalau ina.

IBERANI 2:2

Singket liwai diaʹ melikat pelawa tiraʹ cen naʹaʹ are, luhaʹ ban atek lan isiu re. Kelunan diaʹ nyakat ngan muau dau re are, sihoʹ ukum marung neng salaʹ de.

IBERANI 4:12

Atek mudip ne tiraʹ Allah ngan un penyukat. Tiraʹ Allah iaʹ lapa lerip cen bahing iaʹ nyahit seripa, ngan nyapaʹ pa besut neng ukoʹ tuk tawai ngan berua, koʹ baʹan neng ukoʹ tuk sekarup tulang ngan utak tulang. Tiraʹ ini iaʹ peluhaʹ pengubaʹ ngan kimet neng penawai kelunan.

IBERANI 5:12

Lepa sukat ne pengemajan ncem mencam pekatuk kelunan, un sepuʹo petem ngkem mengaʹ kelunan iaʹ ke pekatuk ikem neng iaʹ ading dalem katuk Allah. Abeʹ kem uman kanen lan, bang telang iteʹ iaʹ tekep mikem.

1 PETERUS 4:11

Buk aheʹ iaʹ penco tiraʹ, ayen isiu ue sekipaʹ ngan tiraʹ Allah. Aheʹ iaʹ petubo dulu, tiga ha kanan pengali iaʹ Allah ban naʹ mia, apan neng singket singket naʹan ne ilu pempau Allah, ban kuʹun Yesus Keristus iaʹ un mung serema peniga ngan penyukat pa pa majan. Amin.